| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,815 times |
|
|
Night Calculator for Baloch farmer145 viewsتاس
Tas
تاس یک کسانیں تلی ات کہ اشیے توک ءَ یک کسانیں سُچن ءِ سرا ٹنگ ء پرکن انت ، اے چہ کوپر جوڑ بیت باز وزن انت وھدے زمانگ ءَ گڑیال ہمک مردماں نہ بوتگ گڈا ایشاں شپانی آپ تاس ء سرا بہر کتگ انت ۔ اگاں ھنگام 16 تاس بہر کتگ ۔ تیم ہنگام آپ ءِ 8 تاس بنت تسوے 4 تاس بنت ءُ ابہے 2 تاس بنت ہمے وڑا آپ بہر کن انت ۔ تاس ءُ یک لوھیگ آپ ء پر کن انت ۔ تاس ء آپانی سرا ایر کن انت چوش کہ تاس ٹنگ انت کم کم آپ روت تاں پُر بیت وھدت تاس پر بیت گڑا تاس کپیت ءُ لوھیگ ء بن ءَ لگ ات ٹلنگگ جنت ۔ بزان یک تاس کپت۔ ہمے وڑا آپ ء بہر کن انت ۔ بلے تاس ء سرا باز مردم نند انت ءُ دیوان کن انت ۔
بلے مرچاں اے تاس گار انت ۔
Pic by Jassim Fareed
|
|
Zizyphus183 viewsپنسیں کُنر
Pens Konar
پنس کنر ءِ یک زات ءِ کہ گیشتر کوہ ءُ ڈرّان رود ایت۔ اے باز کنتگی بیت ءُ سرا سِر کپگ نہ بیت ۔ اے مدام بُنژءَ بُنژ انت ۔ اے گیشتر اکتوبر تاں جنوری بر کنت اشیے دانگ کسان انت بلے وشیں بوہ کن انت ءُ شیرکن انت ، ءُ گڈگ ہم مزن انت ۔ وھدے زمانگ ءُ مردمان پنسیں کنر چُپتگ ءُ دوگیں شیر مان کتگ انت کہ ایشانی تام باز وش بوتگ انت ، بلوچستان ءَ مرچی ہم باز مردم کنرے چنگ ءَ ڈل ءَ روانت ۔
|
|
Mango130 viewsامبُک
Ambok
اے امب ءِ بُر بوتگیں شاہ انت کہ کسان کسانیں امبُک پر کنگا انت ۔ امبُک اُرتیں امباں گش انت ۔ وھدے کہ امب کسان انت بزاں امبُک انت اے وھدا چہ تُرپشی ءَ ورگ نہ بیت بلے جنین ترپشین امباں وش ورانت ۔
|
|
ٖFenugreek113 viewsMaithi
میتھی
اے ھندے یک مسالہے کہ مرچاں بلوچستان ءَ ہم اشیا کش انت ۔ اشیے تاکاں زورانت ءُ چوپ انت ءُ ماھیگ تلاں مان کن انت ہمے وڑا مرگے بریجگا اشیا کارمرز کن انت ۔ مرچاں گیشتر بلوچ ءِ کراچی کارمرز کن انت بلے مرچاں بیلہ ءُ دگہ ھنداں ہم کارمرز کن انت ۔
|
|
Potronk143 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Baloch Classic Singer Kamalan314 viewsMolla Kamalan
مُلا کمالان
مُلا کمالان 1941 لتیدان میتگ دشتیاری ءَ چہ ھوت ٹک ءَ ودی بوتگ ۔ در کسنانی ءَ مُلا کمالان ءَ سورانی سرا سوت نازینک جتگ بلے کم کمّ ءَ بلوچی کوہنیں راج دپتری ءُ عشق ءُ عاشقی شعر الہان کتگ کہ ملا نامدار بوتگ ۔ مُلا ءِ بے ھساب ءَ بلوچی کوہنیں شعرانی کیسٹ ءُ ویڈیو تالان انت ۔ ملا کمالان 21 فروری 2010 اے کوڑہیں دُگنا یلہ دات ۔
|
|
phlox142 viewsپُل
Poll
|
|
160 viewsکلپورگ
Kalporag
کلپورگ کسانیں بوٹگے اشیادوا کارمرز کن انت - اسپیت چکیں وشبوہیں و اشیے اُنڈال زندگ انت کسانیں ہور ء رودیت -
|
|
|
|
Purslane50 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
