Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,158 times |
|
Grapes104 viewsAngoor
انگور
بلوچستان ءَ انگورے درچک کش انت ءُ ایشانی ثمراں بہا کن انت ۔ بلے انگورے کش اگ تنیگا نزان انت ۔ اے انگورے درچک انت من کشتگ ءُ من اشیا زمین ءِ سرا نہ واپینتگ بگندے من اشیا مک کتگ بزاں ہوشتارینتگ ۔ انگورے درچکان اگاں تو چو ول ءِ وڑا واپین ءِ تاں اے شر بر پر نہ کن انت ۔ اشاں تو چو ایدگہ درچکانی وڑا مک بکن بزاں ہامودے وڑا تچک ءُ شش چہ دہ فُٹ بہ گڈ ات تنکہ ہما جاہ شاہ لمب بہ بیت ۔ دگہ آئی کنٹ بزاں ماتیں دار ءَ ہچ وڑیں جمل جنگ مئییل ات ۔ اے وھدے کہ برز بیت ءُ شاہ ءُ جمل یک ءُ دو فُٹ اندرا بہ بنت ۔ پنچ چہ دہ شاہ ءَ گیشتر مہ بنت ۔ وھدیکہ انگور شاہ ءُ لمب بیت ہمک سال فروری ءِ گڈسرا ااشیے شاہ بہ چن بزاں شاھاں گوڈ ۔ بلے نوکیں شاہ جنت نوکیں شاھانی ہمرائیا آ بور ءُ بر بزاں سمر پر کنت ۔
|
|
Desert Hyasinth191 viewsاپیرگ
Apirag
اپیرو چونیا بہارے وھدا ریکپادیں ہند و دماگاں و کُچّگاں رودیت - چونایا اپیرو یک کوُٹینگ ء ذات انت بلے دگنیا اشیارا بپاری پُلّ ء لیکت و زانت - اشیے باز رنگے پُل بنت بلے زرد پُل چہ درستاں ڈولدار تر انت -۔
|
|
Bitter melon196 viewsKarela
کریلا
کریلا یک سبزی ءِ بلے بلوچستان ءِ سبزی نہ انت ۔ اے چو ولّ ءِ وڑا سرکپان بیت دو نمونگیں پُل پر کنت بزان نرین او مادگیں ۔ اے گرّناکین کسانیں لوش پر کنت۔ اشیے بر سک باز تہل بزاں زھر انت ۔ شکرے بیمار کریلا پہ شوک نارُوشت کن انت ۔ مرچاں کریلا جوس ہم نیادیاں دست کپیت ۔
|
|
Pond Heron181 viewsجوہ سری نکول
Joh sari Nikol
اے کنگ ءِ زاتیں مُرگ کہ گیشتر جُوّانی سرا کلمیرانی تہا ماہیگ شکار کنت ، کوراں تالاوگاں ہم موجود انت ۔ اے یک نرمیں مُرگ کہ الادو بال نہ کنت ، اے اکس میران ءِ ڈیم ءِ چپّی تکرّ ءِ سرا زپت کتگ ۔ اگان شمے نیمگا اشیار ءَ دگہ نام است ، شما کومنٹ دات کنے تنکہ ما دومی نام ءَ وتی راج ءِ دیم ءَ بیاریں ۔
|
|
Willow Warbler144 viewsناہی ءُ پُچی
Nahi o Pochi
پُجی کسانیں مُرگ ء کہ گیشتر ماں مچّانی پُچانی توکا او کہیر او کُنرانی تاکانی توک ء کرم ' کٹگ ۔ مُوکو، مور او سلور پٹ ایت او گیپت او وارت ۔ چمیشکا اشیا پُچی گوش انت بلے باز جاہ ء اشیارا ناہی ہم گوش انت ۔ اے مُرگ یک جاہ ء نشت نہ کنت بلکن مدام سُریت او سٹ کنان انت ۔مرگ گونڈ بلے ڈولدار انت
|
|
Indigofera130 viewsشمیل
Shemil
شمیل چونایا بُرز بیت ۔ بلے لہتیں جاگہ است کہ شمل وت بُرزا نہ کش ات ۔ اے ہم شمل ات بلے بُرز نہ انت بلکن زمیں دیم ء پراہ شتگ ۔ اے گیشتر ہم ء ھند ءُ دمگاں بیت کہ اودا دلوت مہ بیت ۔ چوش کہ کوہ باتیل یاکہ ہپت تلار ہمے وڑیں جاھاں رودیت ۔
|
|
187 viewsSony Mott
سونی مُٹ
سونی مُٹ بلوچستان ء کاہ ء نہ انت - بلکن ڈگاراں ڈنّی مُلکانی کد او سماتاں گوں بلوچستان سر بوتگ - او بلوچاں وتی ھندی نام داتگ کہ آیے پُل چو سونئیں مُٹ ء وڑا بیت چمیشکا سونی مُٹ ء گوشنت - اے یک وت رودیں کاہے کہ کشاراں کمزور او ناتوان کنت -۔
|
|
chestnut-bellied Sandgrouse and checks124 views
لکرک ۔کٹنگرءُ چُرو
Lekerik or katangar o Choro
لکرک یک میانی بالی مرگے کہ نیم کیلو آیے تور انت - بلوچستان ء ڈلپادیں ریکپادیں او بندگاہاں ترّ و تاب کنت - لکرک روچے یک رندے آپ کنت ، زمستان ء سہبے 10 چی 11 بلے گرماگ ء سہب ءِ 9 چہ 10 ء کوراں شیپاں بندگاہانی کابیلاں آپ کنت - آپ ء روگے وھدا ایشانی یک ٹولی یکجاہ بیت او آپ کنگا روت - آواز ہم دےان انت - لکرک ڈولداریں مرگے
|
|
|
Astola Beach33 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|