| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,891 times |
|
|
Onionweed (Asphodelus fistulosus)121 views
پیملوُ
Pimalo
پیملوُ پیمازے وڑیں بلے بارگ تریں تاک پر کنت - بہارگاہ ء دریچا کشارانی تہا، میدان او جنگل ء رودیت - وھدے کسان بیت اشیا دلوت چرنت او مردُم کاہُک جوُڈ کن انت - مزن بیت گدا ہمُک بُن دہ تاں بیست کیرینگ پرکنت کسانیں اسپیتین او سُہریں لکیریں پُل ء پر کنت کہ باز ڈولدار بیت - مارچ ءُ اپریل ء زرد ترّاں بیت گُڈا دانگے ھُشک بیت تُوم ء رچنت تو اے درگتا درُچک، شاتُل اوُ کپوت دانانی چناگ او ورگ ء پیملوانی توک ء رم رما نندانت او بلوچ شکار کن انت- انچو مالوم بیت کہ پیملو شکارجاہ جوڑ بیت
|
|
310 viewsآبُوس ، تاپتگیں دان
Aabous, Taptageen daan
وھدے کہ گلّہ دان بنت گڈا ہرکس گچینی ھوش چن انت او دستگے جوڈ کن انت - وھدے کہ لوگا سر بنت ہوشاں گوں آس ء تاپ انت پدا مُش انت او دان پہ ورگ ء جاڈی بنت - ہر کس گوشیت کہ من گیشتر بواریں - اے اکسے توکا تاپتگیں دان پہ ورگا جاڑی انت -۔
|
|
Fishing net169 viewsماھور
Mahour
ماھُور بزاں دام چہ ریشمیں بندیک ءَ جوڑ بیت ۔ دام ءَ چمّگ پہ ماھیگ ءِ کساس ءَ جوڑ کن انت۔ کسانیں ماھیگانی واستہ گونڈیں چمّگ ءُ ٹوہیں ماھیگانی واستہ مزنیں چمّگ ماھور ءَ پر کن انت تنکہ ماھیگ ہمے چمّگانی تہا بہ گپّیت ۔ بلے اے ماھور پلاسٹیک ءِ بندیک ءَ جوڑ کتگ کہ دگنیائے توک ءَ اے پی ماھیگ ءِ شکار ءَ اسل ءَ چہ منع کتگ ۔ بلے بلوچستان یکین ھند انت دگنیائے توک ءَ ادا پلاسٹک بندکانی سرا ماھیگ شکار کن انت ۔ ریشمیں بندیک ءِ ماھورے ماھیگ چہ چمّگ دربیئیت پدا زندگ ءُ سلامت بیت بلے پلاسٹیک بندیک ءِ ماھیگ ٹپّی بیت ءُ مر ایت ۔ چمیشکا دگنیائے توک ءَ پلاسٹیک بندک ءِ ماھورنیست ، بلے بلوچستان ءَ اِرّاں بوستی انت ، تو ھرچی کنے جائز انت ۔
|
|
Sugarcane186 viewsShakar kandeil
شکر کانڈیل
شکر کانڈیل بلوچستان ء مرچی باندا یک کار و بار جوڑ بوتگ حب لسبیلہ نصیرآبادے ھند و دماگاں شکرکانڈیل کش انت - مرچی باندا شکر کانڈیل ء چہ شکر جوڑ کن انت - وھدے زمانگاں گُڑ ہم جوڑ کتگ - شکر کانڈل ے کانڈیلا ہنچو ہم ورنت پرچا کہ باز شیرکن و تامدار ینت
|
|
Tephrosia apollinea229 viewsMatkenok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
|
|
Greater short toed lark228 viewsڈگگو
Daggo
ڈگگو یک کسانیں بالی مُرگ ءِ۔ اشیے رنگ ءُ دروشم چو بُللی ءِ وڑا انت ۔ او مدام بُللی ءِ ہمراہ انت بلے اشیے آواز دگر ات او اے نوک کشیں کشارانی ازلی دژمن انت پرچا کہ آ انچو کُککڑے وڈا پیش کلونڈ ات ۔ باز ڈولدار یں مُرگ ءِ ۔
|
|
Worm 170 viewsکرم
Kerm
اے کرم آپ واریں ڈگاراں بیت ۔ اے کرم گیشتر نمبگاں بیت ، یا ہما جوّاں بیت کہ اودا ذوتاں آپ گوستگ ۔ اے کرم زمیں ٹونگ کنان انت ءُ دیم ءَ کنز ات ۔ بلوچستان کوری ماھیگ ءِ شکار کنگ ءَ اے کرم کارمرز کن انت ۔
|
|
Baloch Classic Sandal555 viewsBazbani ya Sawas
بزبانی یا سواس
اے بلوچانی کُوھنین بسبانی انت - چہ دازے پیش ء جوڈ بیت بلے مرچاں پژم ء بند پر کن انت کہ ڈولدار او نرم تر انت - ۔
اکس دیم دیوک
واجہ جوانسال
|
|
|
|
Purslane74 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot143 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko65 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
