| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,891 times |
|
|
Mullit173 viewsمُربہ
Morba
مُربہ، مُربُک یا مُربو یک کسانیں ماھیگ کہ قد چہ 15 بگر تاں 16 سنٹی بیت۔ اے ماھیگ گیشر تیاب دپاں رم ءِ شکل ءَ گردیت ۔مُربہ آپ ءِ سر بری نیمگا بیت ۔
|
|
Greater Hoopoe-Lark141 viewsجَنِک ریپ
jenik rip
جَنِک ریپ جَڈول ءِ نسلاں چہ یک نسل انت کہ دگہ جڈولاں چہ مستر ءُ سُنٹ (چُمب) دراج انت۔ اے اکس من نوشکی ءَ کشتگ ابید چہ نوشکی ءَ خاران ءَ ھم من اے مُرگ کشگ اے مُرگ ھندی جہمنندیں مُرگے اے بلوچستان شمال ءِ بگر داں خیرپُور ءِ ریک ءَ کشگ بیتگ الم ھمے مُرگ راجستان یا گجرات ءَ ھم بیت، اے بلوچ دمگاں کُل سال گندگ بیت ءُ ھمے ھنداں رین کنت۔
من وہدے نوشکی ءَ مَردم جُست کُرتاں کہ جَنِک ریپ پَرچا گڑا یک کسہ ءِ اتک کہ کسانیں گونڈو ایں جِنِک اشی دمگ ءَ کپتگ ءُ گسر بیتگ ریک پاد ءَ تُنیگ بیتگ بیران بیتگ۔ اشی اگاں نزیک ءَ کسے روت گڑا اے کسانیں بال کنت ءُ دیمتر نندیت ھمے وڑا کم کمے دیر بیان بیت پمشکہ جَنِک ریپ نام کَپتگ
منت سلمان بلوچ
|
|
Vinca167 viewsوینکا
اے پُل ءَ اردو ءَ سدا بہار گوش انت ، ھمے وڑا عربی ءَ جمیلہ گوش انت ، بلے کراچی ءِ مردم اشیارا کبرے سرا کش انت ۔ تو اے پُل قبرے پُل ءِ سرا نام کپتگ ۔ اے پُل چونایا تانسریں دگنیا ءَ کشگ بیت، اشیے باز زات ءُ باز رنگ ءِ پُل است انت ، پدا اے سال ءِ دوازدہیں ماہاں پُل پر کنت ۔ اے اکس ءِ پُل سُہر انت ۔
|
|
Piulicara Undulata117 viewsکرتوسگ
Kartosag
کرتوسگ یک کسانیں بُوٹگ ء - بہارگاہے درگت ء رودیت - اسپیت چکیں تاک ڈولداریں زردیں پُل ء پر کنت - اگاں جاگہے وش بہ بیت گڈا پراہ روت و گنبُد جُوڈ بیت - کرتوسگ سارتیں وشبوہے کنت - بلے مستریں کار ہمیش انت کہ کرتوسگا دوا درمان ء کارمرز کن انت
|
|
Mountain scene224 viewsکوہ ء ندارگ
بلوچستانے کوہانی ندارگ باز جوان انت - بلے بہار ے درگتا کوہانی ندارگ گیشتر ڈولدار بیت
|
|
Cherry tomato162 viewsگوتی چماٹک
Goti Chamatok
اے کسانیں زات ءِ چماٹک انت کہ گیشتر بلوچستان ءَ ورّود ءِ وڑا جنگل ءَ رودیت، بلوچستان ءَ اشیارا دست وت نہ کش انت، چونایا اے دگنیائے توک ءَ گرانتریں چماٹک انت ، بلے بلوچ تنیگا اشیے قدر ءُ کیمت ءَ نزانت ۔
|
|
Danaus Gilippus Queen577 viewsGanji Ganjolan
گنجی گنجُلان
اے کرم بہارے ھلاسیے وھدا ودی بیت - چونایا پیملو ء ازلی دژمن انت، او پیملوے اجگیں دانگاں وارت - بلے یک ماہے درگتا گار و بیگواہ بیت، وہدے اے کرم کئیت، گڈا درُچکیں مُرگ پنکلگ ، کرکی، نریانچ، کُلی ہمے کرماں چن انت ورانت - چونایا اے کرم تاوان دیوک نہ انت - چارگا باز ڈولدار انت - چیا کہ باز رنگانی نکش و نگار انت -۔
|
|
Potronk131 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
|
|
Purslane74 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot143 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko65 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
