| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
Pergularia tomentos192 viewsشترّ
Sheterr
اے کسانیں بوُٹگے کہ کوہانی ھند و دمگاں رودیت - اشیے تاکاں چہ مشک و انزک ء پُوستانی پُٹاں دور کن انت، او درمان ء ہم کار مرز کن انت
باز جاہ ءَ اشیارا روسوک ہم گوش انت کہ اے پوستانی پُٹاں روسین ات۔
|
|
Sheep kidling120 viewsگوارگ
Gwarag
اے شنیک ءِ نہ انت بلکینگا گوارگ ۔ بلوچی ءَ اشیا اسپیت پس ءِ چک ہم گوش انت۔ اسپیت پس میش ءُِ میہڑ ءَ گوش انت ۔ سیاہ پس بُزگل ءَ گوش انت ۔ اے کم ءِ مستر بیت اشیا گٹور ، پدا گورانڈ گوش انت۔
|
|
Baloch classic saw & sharpener 207 viewsداس ءُ سوّان
Das o Sowan
داس بلوچانی کوھنیں کشاورزی ءِ یک ازباب ءِ کہ بلوچستان ءِ داس ءَ کار گرانت ۔ داس ءِ سرا برنج ءُ کڑب ءُ گلّہ ءِ رون ءِ رونگ ءَ کارمرز کن انت ۔ داس ءَ چہ کاہ چن انت ءُ زمین آکوش انت۔ ہمے وڑا مچّانی لُٹ ءُ پیش ءَ داس ءَ کار گرانت ۔ داس وھدے کہ کنٹ بیت ، گڈا تیز کنگ ءِ واستہ سوہاں حاجت بیت ۔ چمیشکا داسانی ہمرائیا سوہان ہم جاڑیگ انت ۔
|
|
Baloch Date tray243 viewsسپتوک
Saptok
سپتوک بزان کسانین سپت۔ اے چہ دازے پیش ءُ پات ءَ جوڈ بیت ۔ اشیا گیشتر مچ ءِ بن ءَ کار گر انت بزان مچ ءِ روپگ ءِ وھدا گورشان ءِ روپتگیں ناہ باز بنت ءُ گورشان گران بیت گڈا ناہان سپتوک ءَ مان کن انت ھوھند ءَ چہ جہل ءَ راہ دیگ بنت، ہمے ناہاں پدا سپت ءَ مان کن انت۔ سپتوک ءَ کیچ ءَ مزنیں کپات ہم گوشنت۔
|
|
Pig fish319 viewsتوُرہ
Toura
تورہ کسانیں ماھیگ ءِ چہ گردن ءِ بُن ءَ بگر تا دُمب ءَ گوات گپت۔ انچو سما بیت کہ ہُپّوک ءِ پیما گوات داتگ ۔ اشیا '' تمبتوُرہ '' ہم گوش انت۔
|
|
Nannorrhops ritchiana210 viewsداز اُو کوُُنر
کوُنر کُنرے بانک انت
سال ء دو بر پاگ دنت
داز بلوچانی زندے ٹُوہیں کوُنش است - پرچا کہ بلوچ چہ داز ء تگرد، پات، گورپات، سواس، سپت، کپات اُو دگہ بازینے جُوڑ کن انت کارمرز کن انت - بلے وہدے کہ داز پیر اُو ھلاس بیت گڑا یک ھُوشے پرکنت چو مچّے وڈا پپُک پرکنت کہ کوُنر گوشنت ء وراگ تامدار انت
|
|
Potato107 views
Batatok
بٹاٹوک
بٹاٹوک چونایا لاتینی امریکہ ء ِ دھل انت کہ 4 ھزار سال پیسرا اے کشار کنگ بوتگ ۔ بلے کولمبس وھدے کہ امریکہ درگیج ات ، گڈا بٹاٹوک ءَ یوروپ ءَ بارت گوں ، یورپ ء َ چہ ایشیا کیت انت ۔
سبزیانی توک ءَ چماٹوک ء رند بٹاٹوک گیشتردگنیا ءَ بہا کنگ بیت ۔ بلے بلوچستان ءَ اشیے کشاورزی نہ بوگے برابر انت ۔ اگاں بٹاٹوک ء بلوچستان ء کشاورزی کنت بہ بیت باز نپ دنت چیا کہ اے آپ باز کم لوٹ ات ۔
|
|
Bolan Mount149 viewsWadi Bolan
وادی بولان گرماگی ہور بزاں بش ءِ بوگ سوب ءَ بولان کوھ سرسبز انت
بلوچاں گوشتگ ۔ وھدیکہ گرماگی ہور مہ بیت گڈا زمستانی ہور مہ بات
بلوچاں پمیشکہ گشتگ کہ بلوچستان ءِ گیشترں ھند ءُ دمگ گرماگ ءَ ھدا ءَ چہ گیش گرم بنت ۔ زمستان ءَ ھور بوتگ اگاں درچک نوک رود بوتگ انت گرماگ ءَ ہور نہ بوتگ تاں گرم ءَِ سوب ءَ جنگلانی نوکرودیں درچک مُرتگاں ۔ تو ہمے سوب بوتگ کہ بلوچاں گوشتگ وھدیکہ گرماگی ہور مہ بیت گڈا گرماگی ہور مہ بات۔ اے اکس ءِ چارگ ءَ انچو سما بیت کہ گرماگے ہور کجام وڑا کوہاں سر سبز کنت ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
