Category |
Albums |
Files |
|
10 |
2,234 |
|
2,234 files in 10 albums and 1 categories with 902 comments viewed 434,166 times |
|
Dill. Anethum graveolens116 viewsگواتگ
Gowatag
گواتگ یک بزارے بزاں مسالہ کارمرز بیت - کسانیں بوٹگے کہ بہارَ درگتا رویت - اشیے ڈیل و ڈول چو رز او زیرّگے وڈا انت - زردیں پُل جنت - کسانیں دانگ پر کنت - کہ دانگاں چوپنت و دوگیں شیراں مان کن انت - کہ وشیں او سارتیں بوہ کنت او شیراں تامدار کنت -۔ ادا گواتگ دان انت ۔
|
|
Crab153 viewsتگس
Tagas
اے تگس اَنت ، گیشتر تیابی ریامانی تہ ءَ زندگی کن اَنت ، ریام ھما سنگ ءَ گْوش اَنت کہ تیاب ءِ دپ ءَ یا تلگ آپ بزاں کمیں آپ ءَ ھست اَنت ءُ وھدے کہ آپ بیل بزاں پُر ءَ کئیت آ آپ ءِ چیر ءَ بنت،وھدے آلاڑ ءَ روت بزاں آپ پشت ءَ روت ھمے سنگ کہ ریام گْوشگ بنت ڈن ءَ گندگ بنت ۔ھمے سنگانی سر ءَ رُستگیں شنزکیں کاہ ءُ دگہ ساھدار تگسانی وراک ءُ وردن اَنت ۔ تگس ءَ چوش زیم ءَ دو پکڑ گْونگیں دست پر اِنت کہ گوں ایشاں ورگاں سند اِیت ءُ وارت تگس ءِ ھمے دستانی بند سک مھکم ءُ مُھر اِنت اگاں انسان ءِ گْوشت ءَ بہ بند اِیت گوں آسانی ءَ پچ کنگ نہ بیت ۔تگس ءِ دپ ءَ گْرادنت ءُ ور اَنت تگس باز وڑیں ھست ، گْوش اَنت کہ تگس ءِ دپ پہ کُلگ ءُ کْران ٹی ٹی ءَ مرسان انت ۔
منت ۔۔ قاضی ریحان
|
|
Jumping Spider 143 viewsگوندگواج
Gondgwaj
اے موکوے یک زات ءِ ۔ بلے اے موکو ءَ دو جتُک چم است ۔بزاں چار چم است ۔ انچیں گوندگواج است کہ ہشت چم ءِ است ۔ بلے بلوچستان ءَ نیست انت ۔ بلے بلوچستان ءَ چارچم است انت ۔ اے ہم مردم ءَ ڈنگ جن انت ۔
|
|
Earth worm143 viewsKerm
کرم
کرم ءِ باز زات است انت ۔ بلے اے گیشتر کشار کتگیں ڈگارانی توک ءَ پیدا ک بیت ۔ بزاں اے نمبگیں جاہاں زمیں توک ءَ وتی زند ءَ گوازین ات۔ بلے پہ کشار ءَ باز سود مند انت چیا کہ اے زمین ءِ توک ء ترات ءُ زمین ءَ وش کنت ۔ مئے ھنداں اے کرماں گرانت ءُ کورماھیگ شکار کن انت ۔
|
|
Rope410 viewsChillek
چلّیک
اے ساد ء ارزان تریں زات انت - چلّیک پہ پلّ ے کاپرے لوگے شگزّے واڑے بندگا کارمرز کن انت - چلّیکا کاربندگا پیسر آپان ء کن انت تنکہ میس بکشّیت او نرم بہ بیت بلوچی بتلے استیں
ھُشکیں چلّیکیں نوں گُٹّا لوپ انت
|
|
Tamarind181 viewsChichchak
چیچک
چیچک چونایا ھندے درچکے - بلے ایش مسالہ ء پیم ء کارمرز کن انت - عربی اشیا تمُر ھند گوشنت - انگریزی ہم تمرند انت بزاں عربی نام زرتگ - چیچک ء درچک باز مزن بیت او کوسرک پرکنت ایشاں ھُشک کن انت او من انت - چیچک باز تُروپش انت ناروشتانی تام ء واستہ کارمرز بیت - بلوچستان چیچکے درچکا یک شومیں درچکے زان انت کہ درچک بر بوّگا ساری وتی واھُندا کُش ات، چمیشکا بلوچستان ء چیچک نہ کش انت -۔
بلے بلوچستان ءِ تیاب دپاں چیچک ہر کس وتی لوگے دپاں کش انت ۔ او ھدّا چہ گیش بر بزاں پسل دیئنت ۔ اگاں بلوچستان ءَ تپاب دپاں چیچک ءِ کشت ءُ کشار بکن انت آ بلوچستان ءِ زلورتان پیلہ کُت کناں
|
|
Albizia Lebbek249 viewsچنال
چنال ٹُوہیں درچکے - بلوچستان ء باز کم انت - اشیا گیشتر لوگانی دیما یا پیژگاہ ء کشینت - پرچا کہ یکّے بزیں ساحگ دنت دہمی پُلّے درگتا وشّین بوہ دنت - " کیچ ء چنال " باز نامداریں چنال ء بوتگ کہ بلوچ راجدپتر ء است انت - بلے اے چنال ء اکس ہم جُلگہیں آسمان ء دلبند اُو سُرمگیں جُمپانی میان ء زپت کُتگ
|
|
Date palm tree117 viewsکونگو
Kongo
کونگو یک تامداریں ناہ دیوکیں مچ ءِ کہ بلوچستان ءَ است انت ۔ اے سُہریں رنگ ءُ سیاہ کونگیں ناہ پر کنت ۔ کونگو اولی مچ انت کہ پہ یک ٹال ءِ گنش ءَ ہم بندیت ۔ اشیے نام تام دار انت ۔ چہ شیرگ ءَ پُر انت ۔
|
|
|
Rufous Tailed. Scrub Robin4 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach35 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|