Category |
Albums |
Files |
|
10 |
2,234 |
|
2,234 files in 10 albums and 1 categories with 902 comments viewed 434,163 times |
|
White Pompret207 viewsاسپیتیں تگیلم
Espiten Tegilm
بلوچستان ء تیاب ہمنچو پراہ و شاہگان انت ، ہمے وڈا قدرتے بخشاتگیں گنج ماہیگ ء دروشُما موجود انت - اسپیتیں تگلم ڈولداریں او تامداریں ماہیگاں چہ یکّے -
اے ماہیگے ھڈ و کُنٹگ ھمنچُک نازورک انت آرا گوں ھڈّاں جاہنت - اگاں تئی سر کدی بلوچستانے بندناں کپیت گُڈا تگلم ء تامے گراگے جُہد ء بکن ات - اے اکس جیمڑی ء تیاب ء زپت کتگ
|
|
Tribulus terrestris209 viewsKahoor Kah
کہور کاہ
کہور کاہ کسانیں کاہے کہ ریکپادیں ہند و دماگاں رودیت - اے ہم بہار کاہے بلے زمین ء سرا پراہ روت ایشیا دراہیں دلوت چرنت پرچاکہ نرم او نازُرک انت - اے کسانیں زردیں پُل ء پر کنت رندا دانگ پر کنت دانگ سر برا کنٹگ پر کنت وھدے ھُشک بیت گُڈا شُپادا ایشانی سرا ترّگ نہ بیت - چیا کہ دانگ پاداں لگّنت - ایشیے تاک چوُ کہورے تاکے وڈا انت چمیشکا کہور کاہ ء گوشنت
|
|
Frankincense (Boswellia serrata)162 viewsکندرک
Kondrik
کندرک یک ٹوہیں ءُ ساہگ داریں درچک ءِ۔ اے درچک دار ءَ چہ سُسُر پیداک بیت۔ اے سُسُر ءَ کندرک گوش انت ، کندرک ءَ پہ تہلگ کار مرز کن انت، کندرک ءَ چو سوچُکی پیما بُن دیینت ءُ دوتاں وشیں بوہ تالان بیت ۔
|
|
206 viewsBori
بوری
بوری چو توری ءِ ول ءِ او ہمائیے وڑیں دانگ پر کنت۔ اے گیشتر ماں ھند ءُ بنگلادیش ءَ پیداک بیت ، اے چہ توری ءَ تامدار تر انت ۔
|
|
Cyperus conglomeratus177 viewsتوزگ
Tozg
تُزگ گیشتر لچ اُو مین ء رودیت - بزاں آپ ء کش اُو گواراں - تُزگ دریا ء سوریں آپ ء کش او گواران ہم رودیت - تُزگ اُنڈال چہ بارگیں دارے نمودار بیت بُرزا کلّچک ء وڈیں تاک اُو پُل پر کنت - تُزگ ء چرگ پس لچانی تُوک مین بنت اگاں شپانک دلگوش مداریت گڈا پساں شگال شکار کن انت - چونایا تُزگ ء مرچاں پُل ء وڈا لوگانی دپ اُو ترّوتابانی جاگہاں کشنت - باز ڈولدار انت
|
|
Sonchus oleraceus194 viewsKalamo
کلمُو
کلمُو نومبر تاں اپریل ء درگت ء رودیت - دو چہ سے فٹ ء کساس ء برز بیت - ذردیں ڈولداریں پُل پر کنت - تاک دراج و کمء پتن و زبر انت - تاکے برّگ پروشگ ء وھدا اسپیتیں شیرگ درکنت - اشیا ھندی ء دودھنی گوشنت - وھد ء کسان و نازرک بیت کاہکانی توک ء کن انت و گرادنت - اشیے کُنٹ بارگ و تہ ء چو کلم ء وڈا پچ انت چمیشکا کلمو ء گوشنت ۔ادا کلمو پُل انت ۔
|
|
Date Fertile season127 viewsمچے گونش کتکیں ہوش پیک انت
Mach gonsh
مچ گونش کتگ بلے گونش کتگیں ہوش کاگدے سرا بستگ ۔ ہوش ء روچ نہ جنت ءُ گونش ہوش ء شاپیت ۔ بزاں پپُکانی کم کنت ۔ بلوچستان ء پپکانی شاپگ گیشتر گونش ہوشا مان ریچنت ۔ بلےاے یک نوکیں ہُنر ات ۔ مچ ء شاپائینگ مچ دانگ زنڈ ءُ مزن بنت ۔
|
|
Eagle Owl154 viewsبُوم
Boom
بُوم گُگگوے یک زات ءِ ۔بلے بوم ءِ دو بُل پرانت ۔ چہ دور ءَ ہمے زانگ بیت کہ گگگو ءَ دو کانٹ پر۔ بوم چہ گگگو ءَ مستر انت ءُ شپاں بوم بوم کنت ۔ چرے آواز ءَ مردم ءِ بوم کن انت ۔
|
|
|
Rufous Tailed. Scrub Robin1 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach35 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|