| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,873 times |
|
|
Mangrove128 viewsتمر
Temir
تمر یک تیاب دپی درچکے ، کہ گیشتر ماں سوریں دریا ئے رودیت کہ اُودا آپ تلگ بہ بیت ڈل وُ ڈوُک مہ بیت بلکن لچ وُمین بہ بیت - تمر جنگل گیشتر آپ ء انت چمیشکا ماھیگ گیشتر تمر ے روُتگ، ہُنڈالانی کش وُگواراں ھیک دیینت - بُرزا دریاہی مُرگ چُک وُبر کن انت، دُگنیا ئے توکا درچک بازیں بلے تمر چاگرد بزاں ماحولیات باروا شرتریں درچک زانگ بیت - سُومیانی ء تمرانی ٹوہیں جنگلے آباد ے - مکرانے تیابدپاں باز جاہاں تمرے جنگل آباد انت - مارچ وُ اپریل ء تمر بُر بیت - بُرّے درگتا وشّیں بوہ کنت
|
|
Dried Fish361 viewsپہکیں ماھیگ
Pahkain
پہکیں ماھیگ ہما ماھیگ ءَ گوشنت کہ آیا لاپ ءِ تل ءَ پچ کن انت ءُ واد مان کن انت تاپ کن انت تنکہ ماھیگ ھُشک بہ بیت ۔ اشیا چمیشا واد جن انت کہ ماھیگ مہ گہیت ءُ ھراب مہ بیت ۔ اے ماھیگ ءَ دُوچکیں ءُ سوریں ماھیگ گوش انت۔
|
|
Boerhavia elegans193 viewsTolag pott
تولگ پُٹ
تولگ پُٹ کسانیں بوٹگ ات کہ گیشتر ڈلپادیں او کوہاں رودیت ۔ کسانیں دراجیکیں تاک پر کنت ۔ اے سُہر رنگیں شاہ پر کنت او نازورکیں پُل جنت ، اے گرماگ ءِ اول سرا ھُشک تر ات دست پر کنے پروشیت ءُ بُریت ۔ اے باز نازُرک انت
|
|
Black wasp119 viewsسوچاکو
Sochako
سوچاکو یک گودر ءِ بزان گوابز ءِ کہ گیشتر یک یک ءَ گرد ایت ۔ اے گودر پہ وتی پدریچ ءَ بزاں کسان کسانیں لیچ ءِ سرا لوگ جوڑ کنت ءُ ہمائے تہا ہیک دنت ۔ اے ہم ڈنگ جنت کہ باز تُرند انت ۔ ءُ یک ڈولداریں گوبزے۔
|
|
Saffron204 views
Zafran
زعفران یک کسانین پیمازے ڈولیں کاہ ء کہ ڈولداریں ُپل پر کنت ۔ اشیے پُلانی توکے سُہریں ریشگاں سر چن انت ۔ زعفران پہ وشیں بوہ یا پہ دوا کار مرز بیت ۔ وراکیانی توک ءَ زعفران مان کن انت کہ ورگ باز وشیں بوہ ءُ تامدار بنت ۔ بلوچستان ءِ سرزمین پہ زعفران کشاورزی باز وش انت ۔ اے اکس بلوچستان ءِ کشتگیں زعفران انت ۔ ۔
|
|
Pigeon243 viewsKapodar
کپودر
کپودر یک زمانگے باز قدر و قیمت بوتگ - کہ کپودر پہ کاسد یا پیگام رسانی واستہ کارمرز کتگ - تنی وھدی کپودرے سے سد نسل است - مرچان کپودرے بالانی شرت بند انت - کپودر انسان دوستیں بالی مُرگے گیشتر شہر او بازاراں لوگ او جاگہ کنت - اے کپودرے ڈولداریں رنگاں چہ یکّے اشیا بلوچیا کمبرو کپودر گوشنت -۔۔
|
|
Baloch classic footwear 184 viewsتککول
Takkol
تککول بلوچستان ءِ کوہنیں پاد ءِ پوشاکاں کارمرز بوتگ ۔ تککول چہ داز ءِ پیش ءَ جوڑ کنگ بیت ، اے گیشتر جنینان پاداں کتگ انت بلے مردیناں ہم پاداں کتگ انت ۔ مرچاں کوہ نندیں مردم انگتہ کارمرز کن انت ۔
|
|
Sole255 viewsجنگلی سواسو
Jangli Sawaso
جنگلی سواسو یک کسانیں بلے پتیں ماھیگ ءِ گیشتر زمین ءِ سرا وپس ات ۔ دریا ئے توک ءَ کاہ ءُ بوچ یا درچک ءُ دارانی کش ءُ گواراں دست کپیت چمیشکا اشیا جنگلی سواسو گوش انت۔
|
|
|
|
Purslane69 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt58 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin69 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot143 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
