| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,907 times |
|
|
Striped Tuna242 viewsکِشکی اھُور
Kishki Ahoor
کشکی اھُور اے ماھیگ بُرزی نیمگا سیاہ سبز انت۔ ءُ جہلی نیمگا نُگرئی رنگ انت۔ ایشیے وزن یک چہ شش کیلو بیت۔ بلے چہ دہ کیلو ہم بوت کنت۔ اشیارا بڈا ءُ جہلی نیمگا کشک ءِ مان چمیشکا اشیارا کشکی اھور گوشنت ۔
|
|
Potato144 viewsBatatok
بٹاٹوک چونایا لاتینی امریکہ ء ِ دھل انت کہ 4 ھزار سال پیسرا اے کشار کنگ بوتگ ۔ بلے کولمبس وھدے کہ امریکہ درگیج ات ، گڈا بٹاٹوک ءَ یوروپ ءَ بارت گوں ، یورپ ء َ چہ ایشیا کیت انت ۔
سبزیانی توک ءَ چماٹوک ء رند بٹاٹوک گیشتردگنیا ءَ بہا کنگ بیت ۔ بلے بلوچستان ءَ اشیے کشاورزی نہ بوگے برابر انت ۔ اگاں بٹاٹوک ء بلوچستان ء کشاورزی کنت بہ بیت باز نپ دنت چیا کہ اے آپ باز کم لوٹ ات ۔
|
|
Bottle gourd152 views
کدّو
Kaddo
کدّو مرچاں بلوچستان ءِ ہم کش انت۔ اے اگاں شرریں جاہ ءِ کشگ بہ بیت گڈا دو تا پیچ کیلو بوت کنت ۔ اے نارُشت ءَ کارمرز بیت
|
|
Danaus Gilippus Queen577 viewsGanji Ganjolan
گنجی گنجُلان
اے کرم بہارے ھلاسیے وھدا ودی بیت - چونایا پیملو ء ازلی دژمن انت، او پیملوے اجگیں دانگاں وارت - بلے یک ماہے درگتا گار و بیگواہ بیت، وہدے اے کرم کئیت، گڈا درُچکیں مُرگ پنکلگ ، کرکی، نریانچ، کُلی ہمے کرماں چن انت ورانت - چونایا اے کرم تاوان دیوک نہ انت - چارگا باز ڈولدار انت - چیا کہ باز رنگانی نکش و نگار انت -۔
|
|
221 viewsآلاڑ
Aalad
دریا گُج ءُ کپ انت۔ اے گپ ما چہ کسانی اش کتگ بلے ما نزانتگ کہ دریا پرچا گج بیت۔ بلے تیاب دپی مردم گوش انت کہ اے آلاڑ انت، سوریں دریا بیس چار سہت ءِ توک ءَ دو رندءَ آلاڑ ءُ دو رند ءَ بیل بیت۔ آلاڑ ءَ دریائے آپ بُرز کیت،بیل ءَ دریائے آپ جہل کیت، وھدے آپ بُرز کئیت گڈاں گج بند ایت ۔ اے گجّان بلوچی ءَ آلاڑ گوش انت ۔
|
|
Centipede128 viewsسواسو
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔
|
|
Nehing197 viewsNehing e koar
نہنگ ء کور
نہنگ ء کور ء آپ لُرد انت ، چریسیا مالوم بیت کہ کورا آپ کُتگ - اے اکس پُل آباد او تُمپ ء میان ء زپت کُتگ -۔
|
|
Potronk131 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
