| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,891 times |
|
|
Crab167 views
تگس بِلو
Tagas Bello
تگس بِلو بزاں انگریزی بلو بزاں سبز
اے تگس اَنت ، گیشتر تیابی ریامانی تہ ءَ زندگی کن اَنت ، ریام ھما سنگ ءَ گْوش اَنت کہ تیاب ءِ دپ ءَ یا تلگ آپ بزاں کمیں آپ ءَ ھست اَنت ءُ وھدے کہ آپ بیل بزاں پُر ءَ کئیت آ آپ ءِ چیر ءَ بنت،وھدے آلاڑ ءَ روت بزاں آپ پشت ءَ روت ھمے سنگ کہ ریام گْوشگ بنت ڈن ءَ گندگ بنت ۔ھمے سنگانی سر ءَ رُستگیں شنزکیں کاہ ءُ دگہ ساھدار تگسانی وراک ءُ وردن اَنت ۔ تگس ءَ چوش زیم ءَ دو پکڑ گْونگیں دست پر اِنت کہ گوں ایشاں ورگاں سند اِیت ءُ وارت تگس ءِ ھمے دستانی بند سک مھکم ءُ مُھر اِنت اگاں انسان ءِ گْوشت ءَ بہ بند اِیت گوں آسانی ءَ پچ کنگ نہ بیت ۔تگس ءِ دپ ءَ گْرادنت ءُ ور اَنت تگس باز وڑیں ھست ، گْوش اَنت کہ تگس ءِ دپ پہ کُلگ ءُ کْران ٹی ٹی ءَ مرسان انت ۔
منت ۔۔ قاضی ریحان
Pic by Akhtar Omar
|
|
ID509 viewsاشیا بلوچی ءَ چہ گوش انت۔ دانچوپ، وانگ،سنگستان یا دگر؟؟؟؟؟؟
|
|
A unknown Dam of Balochistan121 viewsDam
بند گاہ
اے بند کوہ ءِ دامن ءَ بنندگ بوتگ اشیے ندارگ باز وش انت بلے بے آپی ءَ بندے ندارگ ہم بے تام انت ۔ اے وڑیں بندانی بندگ ءَ بلوچستان لیڈر ہمے زان انت کہ ما وتی راج ءِ ھدمت کنیں بلے اے یک وڑیں بلوچ راج ء رپپینگ ھساب انت ۔ ڈیم یا بندگاہاں ہماا جاہا جوڑ کن انت کہ اودا آپ باز بہ بیت ءُ آپ تاں دیراں ھلاس مہ بیت۔
|
|
Fertile Date palm tree261 viewsMachch Gonsh
مچّ گونش
اے بیگم جنگی ء گوُانگ ء کہ گونش کُتگ - گونش تنیگا ھُوشانی توک ء مان انت - بیگم جنگی ء 3 بند دینت کہ یک بندیے 3 ٹال انت - بزاں 9 ٹال گونش یک ھوشیا دینت -۔
|
|
Astragalus185 viewsشنیزگ
Shenizg
شنیزگ پٹککیں درچک ءِ گیشتر ماں کوھاں رودیت ۔ اشمیے کسانیں تاک انت بلے دراجیں تُسکیں کنٹگ انت ۔ اشیا گیشتر پہ تہلگ کارمرز کن انت ۔
|
|
241 viewsAololo
اُلولو
اے ماھیگ ءِ نام اُلولُو اِنت- ءُ اے کُمپُو ءِ زات ءِ ماھیگے، ایشی ءِ نام پمیشکا اُلولُو ایر بیتگ کہ اے ماھیگ آپ ءِ توک ءَ اَنچُش اُلولُو جنت گُش ئے کہ زاناں جنینے سیر ءِ سر ءَ اُلولُو جَنَگ ءَ انت- اے ماھیگ ورگ ءَ ھاس نہ اِنت شُما بِگِر اِت کہ اے دو نمبری ماھیگے
|
|
Desmostachya bipinnata132 viewsکِک ءِ ھوُش
Kik e hosh
کک بلوچستان ءِ گرم ءُ سردیں ھند ءُ دمگاں رودیت ۔ ھرجاہ کہ ترا کک ڈک دنت تو دل ءَ جزم بو کہ آپ تئی کش ءُ گواراں موجود انت ، باز بلوچاں گوشتگ کہ کک آپ ءِ نشانی انت ، اے یک وترودیں کاہ ءِ کہ گیشتر ماں شہجواں ، بنداں جنگلاں کوہ ءُ ڈرّاں رودیت ، کک کہ آ جاہ ءَ رودیت ، چہ دراھگا ساری تسک انت کہ چہ زمیں درکیت ، اگاں لگت بہ بیت ، گڈاں پادے پُترگا ہچ چک ءُ پد نہ بیت ، کک اُنڈال باز جہل روانت ، اے کاہ سال ءِ دوازدہیں ماہاں وتارا داتیت ۔ کک الکپاپیں ھوش ءِ پر کنت کہ باز ڈولدار انت ۔
|
|
Dry Dates148 viewsNah e Aakot
ناہ ءِ آکوٹ
گرماگ ءَ بزاں آمین ءَ ناہاں زورنت ءُ شگنزاں گورپات ءِ سرا ہیر کن انت تنکہ اے ناہ ھراب مہ بنت بگندے ہُشک بہ بنت ۔ ہشکیا رند ناہاں من انت ءُ پاتاں کن انت
اے اکس ءِ توک ءَ ناہ آکوٹ انت ءُ ہُشک انت ۔ ءُ پہ مہ نگ جاہز انت ۔
|
|
|
|
Purslane74 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot143 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko65 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
