Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,156 times |
|
Spring water of Balochistan274 viewsSangartagen Aap
سنگرتگیں آپ گوڈی در کیچ
آپ قدرت ء داتگیں یک سوگات ء - بے آپ ء ہچ ساہ دار زندگ بوت نہ کنت - ہمے سوب انت کہ آپ ہر چیزا زند دنت - بلوچستان ء ہور کم بوگے سوب ء آپ کم انت - بلے بلوچ کوہ آپانی ھزانہ انت - چمیشکا کم کمّا آپ چمّگانی پیم ء در کائنت - اے ہم یک انچیں آپے کہ سنگرتگ او تچاگا انت - اے وڈیں ساپ او سلّہیں آپ ہمک جاہ ء دست نہ کپیت -۔
|
|
Plover233 viewsTello
ٹلّو
ٹلو یک کسانیں مُرگے کہ گیشتر ماں جوہ سراں، لچ او مین، آپ ء پُرّیں ڈگار او بنداں دست کپیت - بزاں کہ ہما جاہا کہ آپ است ٹلوہمودا بیت - اے گیشتر لچ او مینان کرم ، مور سلور، پاتو بالو او دگہ بازیں گیپت او وارت - ٹلوے باز کسم است بلے ما درستاں ٹلو گُشاں باید ہمیش انت کہ ایشاں یک یکّا نام دیگ بہ بیت
|
|
ZYGOPHYLLUM QATARENCE168 viewsسُہریں شُردو
Sohreen Shordo
شردو سورگے یک ذات ء، شُردو سورگیں جاہاں رودیت - شردو کسانیں بوٹگے - ھُشتر شردوا چریت بلے دگہ دلوت اشیارا ہُبناک نہ انت -۔
|
|
Common Sesban144 viewsڈال
Daal
مرچاں بلوچستان ءَ اے درچک ءَ باز کش انت ، بلے تنیگا بلوچ چریشیے سمر ءَ چہ بہرمند نہ انت بلکہ اے دانگ بیت ہمے دانگاں گوں درچک ءَ بُرّ انت ءُ وتہ دلوتاں کدیم کن انت۔ چونایا اے ڈال ءِ یک نمونگ ءِ اشیا تو الکاپی ءِ سرا نارُشت جوڑ کُت کنے، بلے تنیگا بلوچ چرے درچکانی سمراں چہ کار گرگا نہ انت
|
|
Launea nudiculus381 viewsMari Aalako.
ماری آلکو
اے کساین کاہ ء چو ول ء وڈا سر کپیت او زمین ء سرا پراہ روت - اے گردین او زرد رنگین پُل پر کنت - اے گیشتر شہجو او مچّانی کش و گواراں رودیت اشیے تاکاں زردوی ء نادراہ پا علاج ء واستا ورانت -۔
|
|
Pomegranate171 viewsAnaar
انار یک میوہ ات کہ گیشتر گرماگے ھلاسی او زمستان ء اول سرا پا ورگ ء جاڈی بیت - انار پُل او انارے گروہگ گیشتر بلوچ شاہراں پہ جنک ء شرّنگی ء تشبیح داتگ انت - بلوچستان انارے واستہ وش تبیں موسُم دنت - مکران ے برزی ھنداں بگر تاں سراوان تاں توران اے انارے ردوما باز جوانیں ھند و دمگ انت - انار سُہریں گروھگے توکا سُہریں شیرکنین او تُروپشیں دانگ مان - انار کہ گیش بنت گڈا ایشان تاپ کن انت او اناردانگ جوڈ کن انت - آیے پُوستا چہ بندگ او پژم رجنت - انار دلے نادراہ اے علاج انت -۔
|
|
Terminalia catappa173 viewsBeddam
بدّام
بدّام یک ٹوہین نیبگی درچک ات - اگاں وشیں او آبادیں جاگہ کشگ بہ بیت گُڈ ا ہژدہ میٹر بُرز بیت اے پتنیں تاک پر کنت بلے زمستان ء تاک چنڈ بیت - اشیے میوہ زرد او سُہر بنت - اشیے پستک ء پروش انت مجگ ء ورنت کہ بادام ء تام کنت -۔
|
|
172 viewsHowall
ھُوّال
ھوّل یک کسانیں وت رودیں کاہے کہ زمین ء سرا وپسیت او پراہ روت - اے گیشتر بہر کاہے درگتا رودیت کسانیں گردیں تاک پر کنت - او اُورتکیں سُہرکیں پُل پر کنت - بلے اشیے پُل کرومگ بنت - اے گیشتر کہورداناں رودیت -۔
|
|
|
Astola Beach32 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|