| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,822 times |
|
|
Life of Baloch277 viewsبلوچ ءِ زند
Baloch e zend
بلوچ ءِ زند گیشتر ماں مال چارینی ءَ گوستگ ، بلے مرچی ہم اے بلوچ ساربانی کنت وتی لوگ ءِ ھرچ ءَ درکنت۔ آ روچ پہ بلوچ ءَ کدی کیت کہ آسودگیں رزق ءِ دست بہ دنت ۔
|
|
215 viewsٹلّو
Tello
ٹلو یک کسانیں مُرگے کہ گیشتر ماں جوہ سراں، لچ او مین، آپ ء پُرّیں ڈگار او بنداں دست کپیت - بزاں کہ ہما جاہا کہ آپ است ٹلوہمودا بیت - اے گیشتر لچ او مینان کرم ، مور سلور، پاتو بالو او دگہ بازیں گیپت او وارت - ٹلوے باز کسم است بلے ما درستاں ٹلو گُشاں باید ہمیش انت کہ ایشاں یک یکّا نام دیگ بہ بیت
|
|
Nerium Oleander208 viewsJor poll
جور پُل
جور پُل ڈولدایں پُلّاں چہ یک پُل ء کہ بلوچستان ء کوہ، کور، پٹ و میداناں رودیت -
جور ئے پل چارگء زیبدار انت
دست ئے آرگ ء مردار انت۔
|
|
Swallow and family 240 viewsپیپی پلستان
Pipi Plestan
پیپی پلستان کسانیں بالی مُرگ ءِ کہ گیشتر وتی وھد ءَ پہ بال گوازین ات ۔ بال ءِ درگت ءَ پاتو ءُ بالو گپت وارت۔ بلوچستان ءِ باز ھنداں ایشارا بابیل ہم گوش انت، چونایا بابیل عربی لبز ابابیل ءَ زورگ بوتگ ۔ اے مدام چہ انسان ءَ نزیک ءَ ترو گرد کنت۔ ہم اگاں موہ براسیت لوگانی توک ءَ کدو بند ات ءُ ھیک دنت۔
ادا لوگے تہا پیپی پلستان ءَ چُک کتگ ۔
|
|
Iphiona aucheri170 viewsکلمیر
Kolmeer
کلمیر ء باز جاہاں کلمور یا کلمورگ ہم گوشنت - کلمیر بہارگاہ ء درگت ء رودیت ، بلے تانسریں گرماگے موسم ء سرسبز و شاداب بیت - ادا کلمیر چش ءِ تہا رُستگ ءُ چش ءَ گوں ہمسر انت ۔
|
|
Black Hadded Bunting417 viewsDrochk
درُوچک
دُروچک چونایا روچدراتکی زرباری یوروپ ء مُرگ انت - بلے زمستان ء گوریچے کشّگے سوب ء یوروپ ء یل کنت او ھند ء رہادگ بیت - وتی سپرے درگتا بلوچستان مارچ ء پانزدہ ء کئیت او اپریل ء پانزدہ رند کم ترّات - بلوچستان دروچکے شکارا ہرکس کنت - پیسرا تلک ، گُلیر، پلیتگیں تپنگے شکار کتگ - بلے مرچاں چرّئی ٹکّوک ء سرا شکار کن انت - درچک باز ڈولداریں مُرگ ء - دروچک ء باز جاہا زردگور ہم گوشنت -۔
|
|
Dove54 views
کپوت
Kapot
کپُوت بلوچستان ء جہمنندیں مُرگے نہ انت - بلے سالے شش ماہاں کپوُت بلوچستان ءَ گوازینت - وھدے یُوروپ ءَ شرتگ ءُ گوریچ کشّگا بُنگیج کنت ڈنّ و ڈگار برپین بنت گڈا ایدگہ مُرگانی وڈا کپوت سپر کنت او بلوچستان 1 مارچ ءَ زائری کنت - اے درگت بلوچستانء گلّہے روُن بیت - کپوت وتی دو و سے ماہے سپرے ژندیا بلوچستانے مچکدگ،جنگل و پٹ و میداناں چہ کشّیت - بلوچستان گرماگے موسم کپوتے ہیک رینیے واستا باز دلجم انت - کپوت اگست ء واتر بیت
اجب گیر کاینت ندارگ گُلانی
کپوتانی کوُ کوُ کرام شانتلانی
میجر مجید
|
|
COLLIGONUM POLYGONOLDES151 viewsپُٹہ
Potta
پُٹہ یک نرمین بے کنٹگیں گُنبُدیں درچکے - کہ ماں ریکپادیں ھند و دماگاں رودیت - پُٹہ سْہریں ڈولداریں گردیں پُل پر کنت - بلے مرچاں میتگانی گیشتر آبادی سوب ء پُٹہے داراں سوچگے واستا کارمرز کن انت چمیشکا پُٹہ کم کم ء گار و بیگواہ بوّان انت
|
|
|
|
Purslane52 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
