| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,818 times |
|
|
Jahlaar81 viewsجہل آر
Jahlaar
جہل آر پہ دارے گلگل جوڑ کنگ بوتگ اے پہ گوک ءُ ھُشتر ترینتگ انت کہ چراھاں چہ آپ کشگ بوتگ انت ۔ مرچاں اے گارو بیگواہ انت ۔ بلے اے وتی وھدا باز آپ کش انت انت ۔
|
|
Potronk131 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Techomella undulata155 views
پرپُک
Parpok
پرپُک بلوچستان ءِ ڈولدار تریں پُلاں چہ یک ءِ ہمے وڑا اے یک ڈولداریں پُل ءِ ۔ ہمے وڑا اے یک مہکیں ءُ ساھگ داریں درچک ءِ۔ اے زردیں پُل پر کنت کہ عجب بے مٹ ءُ بے درور انت۔ اشیے دار ہم مُہکیں دارے کہ بلوچاں کار گپتگ انت۔
شاعراں پرپُکے پُل ءِ نازُرکی گوں وتی مہگونگے نرم نازرکیں گُلاں تشبیع داتگ انت۔
|
|
Brinjal - Egg plant117 viewsBattag
بٹّاگ
بٹاگ یک سبزی ء کہ زمانگاں بلوچستان ء اشیے کشاورزی بوتگ - بٹاگ کسانیں بوٹگے کہ دراچیں او گردیں سیاہ رنگیں بر پر کنت ۔ بٹاگ ء وڑ وڑیں وراک جوڑ کن انت - بٹاگ تامداریں سبزی ات او بلوچستاں ہر وھدا ترا پہ نیادی ء پہ بہا دست کپیت -
|
|
Tribulus terrestris138 views
Kahoor Kah
کہور کاہ
کہور کاہ کسانیں کاہے کہ ریکپادیں ہند و دماگاں رودیت - اے ہم بہار کاہے بلے زمین ء سرا پراہ روت ایشیا دراہیں دلوت چرنت پرچاکہ نرم او نازُرک انت - اے کسانیں زردیں پُل ء پر کنت رندا دانگ پر کنت دانگ سر برا کنٹگ پر کنت وھدے ھُشک بیت گُڈا شُپادا ایشانی سرا ترّگ نہ بیت - چیا کہ دانگ پاداں لگّنت - ایشیے تاک چوُ کہورے تاکے وڈا انت چمیشکا کہور کاہ ء گوشنت
|
|
Dragon Fly155 viewsپرّک
Perrik
پرّک بلوچستان ء است بلے چُنت زات او چنت رنگ انت اے باز گرانیں گپ ء دگہ ملکاں پرّک او مُلاھُکانی زات او زُریات نام گشینتگ انت - بلے بلوچستان ء تنیگا چُشیں آسرات نیست کہ اے تک ء ھیال گور کنگ بہ بیت ۔ کسانیں زھگانی دلچسپی واستہ اگاں مارا گیشتر پرّک او مُلاھُک دست بہ کپیت گڈا ما نام ء ہم پر کنیں ۔ پرّک ء سرا دو گپ یا دو بتل است چوش کہ؛
مدگ ء نشانی پرّک انت ۔
بگر ڈے پرّکا ۔ ۔ ۔ ۔ ۔ ۔ ۔ ۔
|
|
Camal162 viewsھُشتر ماں آلیٹ جاہ ءَ
Hoshter Ma aalit jah a
یک زمانے بوتگ کہ بلوچاں ھُشترے سرا وتی لاپ درگیتکگ ، بلے مرچاں موٹلانی آہگا ھُشترانی کدر کم بوتگ - چمیشکا بلوچستانا ھُشترانی نسل کم بوّان انت - پرچاکہ ھپشترانی والینگ گران انت ھرکس پیلو کُت نہ کنت - اگان بلوچستان ھکومت ہمے وڈا برجاہ بہ بیت ھۃشترانی ہمراہیا پس و گوک ہم نسل بیگواہ بیت -۔
اے اکس ءِ تہا ھُشتر وتی آلیٹ جاہ ءَ جُک اتگ ۔
|
|
Molvi Abdul Haq264 viewsMolvi Abdul Haq & His Son
مولوی عبدلحق ءُ مولوی ءِ چُک
مولوی عبدلحق اولی بلوچ دینی زانکار بوتگ کہ بلوچ جہد ءِ آجوی ءَ جائز منّ اتگ ۔ اے وڑیں دینی زانتکار راجانی دل پسندیں زانتکار بنت ۔ مرچی مولوی مئے میان ءَ نیست انت بلے آئیے لیکہ پہ بلوچ راج ءَ بیگواہ نہ بیت۔
|
|
|
|
Purslane52 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
