Category |
Albums |
Files |
|
10 |
2,234 |
|
2,234 files in 10 albums and 1 categories with 902 comments viewed 434,160 times |
|
Pomegranate175 viewsAnaar
انار
انار یک میوہ ات کہ گیشتر گرماگے ھلاسی او زمستان ء اول سرا پا ورگ ء جاڈی بیت - انار پُل او انارے گروہگ گیشتر بلوچ شاہراں پہ جنک ء شرّنگی ء تشبیح داتگ انت - بلوچستان انارے واستہ وش تبیں موسُم دنت - مکران ے برزی ھنداں بگر تاں سراوان تاں توران اے انارے ردوما باز جوانیں ھند و دمگ انت - انار سُہریں گروھگے توکا سُہریں شیرکنین او تُروپشیں دانگ مان - انار کہ گیش بنت گڈا ایشان تاپ کن انت او اناردانگ جوڈ کن انت - آیے پُوستا چہ بندگ او پژم رجنت - انار دلے نادراہ اے علاج انت -۔
|
|
Baloch classic footwear 365 viewsسواس
Sawas
سواس یا بزبانی چہ دازے پیش ءَ جوڑ کنگ بیت، سواس بلوچستان ءَ گیشتر مردیناں کارمرز کتگ انت ۔ مرچاں سواس ءِ کارمرز کنگ یک شوک ءِ جوڑ بوتگ۔
|
|
Date fruits 124 viewsگونگیں مچ
Gowangin machch
گونگیں مچ کہ وھدے بر کنت باز ڈولدار گندگ بیت چیا کہ آئیے ھوش زمین ءِ سرا ایر بنت۔ اے اکس ءِ توک ءَ گونگے ھوش ہم بُن ءَ ایر انت۔
|
|
Butterfly Blue Pansi288 viewsSabzin Aazmani Mollahok
سبزیں آزمانی مُلّاہُک
سبزیں آزمانی مُلّاہُک یا پاتو بلوچستان دست کپیت اے گیشتر کشارانی تہا گردیت اے باز ڈولدار انت اشیے بانزُل سیاہ او آزمانی رنگانی نقش انت - چمیشکا اے مُلاھُکا یا پاتو ا سبزیں آزمانی ملاھُک گوش انت -۔
|
|
Lime67 viewsLimbo
لیمبو
لیمبو بلوچانی کوھنیں نیبگ انت - او چہ زمانگ ء بلوچ لیمبوے کشاورزی کتگ - مرچی باندا لیمبو پہ بے و شر ے واستہ کش انت - او بلوچستان ء لیمبوے یک نیادی ء تراہمک وھدا لیمبو دست کپیت -۔
|
|
DATE PALM, Male Lateral Bud257 viewsPodam
پُُودام
اے گنش ء رستگیں پُودام انت - رستگیں گنش ء سرّ بوّگا پیسر کارمرز کن انت - مچّ ء تاں گُنش مکنے گُڈا مچّ پینگ بیت - پینگیں مچّ ناہ پر نہ کن انت و مچّانی گُنش کنگ الّمی انت - مچّانی گُنش کنگے کساس است - مسال کُنگوا ہوش ء یک ٹال ء گنش مان کن انت - بلے الینی ء شش تا نوہ بند مان کن انت - یک بندیے سے ٹال گنش انت
|
|
COCCULUS SP326 viewsZaamor
زامْر
چونایا زامْر ء درچکے لیکنت - بلے زامْر درچکے نہ انت بلکن یک ول ء - زامْر چو ول ء وڑا دومی درچکے سرا روت - اگاں درچکے بوتیں گڈا وتی کنٹے سرا چو درچکے وڑا مک بوتیں - بلے چوش کہ ول ء پمیشکہ دگہ درچکانی کمک و مدت ء وتا پتاہاں کنت و سر کپیت - اے گیشتر کھور، چگرد، چش، و پیرانی سرا سر کپیت۔
جُست۔۔۔ من زامُری درچکے باں تلاری دیم ء رُداں
پسُو۔۔۔ من کُوہی گرانڑے باں تئی سرشاہان چراں
|
|
Hashti. a Balochi game320 viewsHashti
ھشتی
ھشتی بلوچانی کوہنیں گوازی انت ۔ ھشتی یا ھشتاں چوکی مرچی ہم بلوچ مہلونک لیب کنگا انت ۔ اے لیب ءَ چار در کہ آہاں پُشت ءُ دیم کن انت ۔ او ایشاں دگہ دارے کہ کلّانی میان ءَ مک انت، ہمیشیے سرا جن انت ۔ اگاں چارین دار دیم چیر کپ انت ۔ بزاں ہشت زانگ بیت اگاں پشت سر کپ انت گڑا چار زانگ بیت ۔ ہمے وڈا یک ءُ دو ءُ سے ہم بنت ۔ یک مردم دو چُک بنت بلے چکانی پچ بوّگ ءَ ہشت یا چار جنگ لازمی انت ۔
|
|
|
Rufous Tailed. Scrub Robin0 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach35 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|