| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
Tamarind, Tamarindus indica118 views
چیچک
Chichak
چیچک چونایا ھندے درچکے - بلے ایش مسالہ ء پیم ء کارمرز کن انت - عربی اشیا تمُر ھند گوشنت - انگریزی ہم تمرند انت بزاں عربی نام زرتگ - چیچک ء درچک باز مزن بیت او کوسرک پرکنت ایشاں ھُشک کن انت او من انت - چیچک باز تُروپش انت ناروشتانی تام ء واستہ کارمرز بیت - بلوچستان چیچکے درچکا یک شومیں درچکے زان انت کہ درچک بر بوّگا ساری وتی واھُندا کُش ات، چمیشکا بلوچستان ء چیچک نہ کش انت
بلے بلوچستان ءِ تیاب دپاں چیچک ہر کس وتی لوگے دپاں کش انت ۔ او ھدّا چہ گیش بر بزاں پسل دیئنت ۔ اگاں بلوچستان ءَ تپاب دپاں چیچک ءِ کشت ءُ کشار بکن انت آ بلوچستان ءِ زلورتان پیلہ کُت کناں
|
|
Periploca aphylla185 viewsگیشتر
Geshterr
ادا گیشتر پُل انت
گیشتر درچکے کہ گیشترماں کوہاں رودیت - گیشتر ھُوب ء زاتیں درچکے کہ اشیا تاک پر نیست بلکن بارگ بارگیں لٹّوکء وڈیں شاہ پر کنت - اشیے کوسرک ء وڈیں بر پرکنت وھدیکہ پہتہ بیت گڈا کوسرک پچ بیت او دانگاں نرم نازہرکیں پژم پر کہ گوں گوتے کشّگا بال کن انت او پہ وت روانت - زامران یک جاہے است انت کہ اودا گیشتر باز بوتگ گشتردان کتگ ، بلے مرچان گیشردان ء سرا نام کپتگ
|
|
Indian Rollar177 viewsکانگاشک
Kangaashk
کانگاشک یک ڈولداریں بالی مُرگ ءِ ۔ اے مُرگ شہر ءُ بازار جنگل ءُ میداناں گندگ بیت ۔ بلوچستان اے مرُگ گیشتر دریابار ءُ مچکدگ ءَ گندگ بیت ، بلے وھدے کہ آمین بیت گُڈا کانگاشک مچکگدگ ءَ پہ دواہی ہم نہ گواہیت ۔ پرچا کہ چُک ءُ برے وھدا مچکدگ ءُ شہراں یل کنت ءُ کوہاں روت ۔ کوہ پہ چُک ءُ برا ایمن تر انت ۔ آمین ءَ رند گوں وتی چُک ءُ چلانگاں پدا مچکدگ ءُ شہراں کئیت
|
|
Honey219 viewsبینگ
Binag
بینگ مکسک اے دُنیا ءُ جھان ءِ تپاک تر ءُ سائنٹیفک ساھداری۔۔۔۔۔۔۔۔۔۔۔۔۔۔۔۔۔۔۔۔
ترکمن سائنسدان ھارون تحییٰ گُشیت اے مکمل تپاکاں، بس یک بادشاھی ءِ پابنداں ،۔۔
بینگ ءِ مکسک ءَ ما سطحی چاریں، بلے ایشی ءِ رھبند ءِ بازیں سائنسی تل ءُ پیچ است اَنت۔۔
۔1 اے وتی ڈگنُک ءِ ٹُنگاں شش تکونی جوڑ کنت، چر ایشی ءَ ایشی ڈگنک جاہ کم گیپت ءُ شیرگ باز داریت۔ او باز مُھکم بیت۔ سائنسداناں بلاھیں بُرزیں ماڑیانی مِک کنگ ءَ چہ ھمیشی ءَ رھبری ھم زُرتگ۔ بزاں شش تکونی ماڑی باز مھکم بیت ءُ جاہ ھم کم گیپت۔
۔ 2اے گرماگ ءِ وھد ءَ وتی بانزلاں ائیر کنڈیشن ءِ کار ءَ گیپت، چر ایشی ءَ گرماگ ءِ سوچوکیں لوار ءَ ایشی ءِ ڈگنک رک ایت ءُ نہ کپیت۔۔۔۔
۔ 3اے وتی بینگ ءِ مُک ءِ ٹنگانی دپ ءَ یک انچیں کیمیکلے چہ پُل ءَ کشیت ءُ ایر کنت کہ ایشی ءِ بینگ ءِ ٹنگ ءِ دپ جھلیں بلے انگت شیرگ نہ رِچ اَنت۔۔۔۔۔
۔4 اے روچ ءِ رُژن ءَ وتی سمت ءَ گیشینت کنت ءُ گوات ءِ شیکاں چہ دومی مکسک ءَ ھال دات کن
منّت واجہ شپ چراگ
|
|
Rat305 viewsTrati Moshk
تراتی مُشک
اے مُشک ءَ تراتی مُشک گوش انت چیا کہ اے مدام تراتانی چیرءَ ہونڈ جنت او وتی لوگ جوڈ کنت ، اے مُشک بازاری مُشک ءِ نہ انت ، گیشتر جنگل او شہرانی دامناں جاگہ کنت ، اے کشار ءِ ازلی دژمن انت ۔
|
|
Alhagi graecorum198 viewsShizz
شزّ
شزّ کسانیں بوٹگ ات - ملک پادیں ھند و دمگ و ڈگارواں رودیت - شزّ ے گونڈیں تاک و تُسکیں کُنٹگ پر ، سُہریں پُل ہم پر کنت - وھدے زمانگا شزّ ھُشتر ء چارینتگ - میر و زرداریں مردماں وتی کاپر چپ و چاگردا شزّ کتگ شزّانی سرا آپ ریتکگ وھدے گواتا کشّ اتگ گڈا کاپرے چیر سارت سارت بوتگ - کاپرے نام شزّانہ بوتگ - اگان مردمیا جرم ء کتگ گڈا مجرم شزّانی سرا جاندرا لیٹ داتگ
|
|
229 views
گور
Gour
اے اکس پہ نام ءِ واستہ چکاس ایر بوتگ ۔ پنچ مردماں وتی کومنٹ داتگاں ، چراھانی کومنٹانی ردا ، اے گور انت ۔ کہوھدے زمانگاں بلوچستان ء کوہاں جُپت جتگ ، بلے مرچاں بیگواہ انت - اے ہمے گور بوتگ انت کہ میروے بالگترے کشار سر و چیر کتگ انت، بلے مرچی ہم یک وھدے کہ اے پہ نشان ءِ بلوچستان ءِ کوہ ءُ کیلگاں دست نہ کپیت۔
|
|
160 viewsکلپورگ
Kalporag
کلپورگ کسانیں بوٹگے اشیادوا کارمرز کن انت - اسپیت چکیں وشبوہیں و اشیے اُنڈال زندگ انت کسانیں ہور ء رودیت -
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
