| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Chrozophora tinctoria171 viewsKapot Chamm
کپُوت چمّ
کپوت چم کسانیں بُوٹگ ات کہ گیشتر ماں ڈگارواں گرماگے درگت ء رودیت - اسپیت رنگیں تاک پر کنت کسانیں دانگ پر کنت کہ شانتُل و کپوت اشیے دانگاں پا شوق چن انت و ورانت - کپوت چم ء چہ کلم ء سبز رنگیں سیاہی جوڑ بیت - ادا کپوت چم کسان و نوک رود انت
|
|
Bolan Mount149 viewsWadi Bolan
وادی بولان گرماگی ہور بزاں بش ءِ بوگ سوب ءَ بولان کوھ سرسبز انت
بلوچاں گوشتگ ۔ وھدیکہ گرماگی ہور مہ بیت گڈا زمستانی ہور مہ بات
بلوچاں پمیشکہ گشتگ کہ بلوچستان ءِ گیشترں ھند ءُ دمگ گرماگ ءَ ھدا ءَ چہ گیش گرم بنت ۔ زمستان ءَ ھور بوتگ اگاں درچک نوک رود بوتگ انت گرماگ ءَ ہور نہ بوتگ تاں گرم ءَِ سوب ءَ جنگلانی نوکرودیں درچک مُرتگاں ۔ تو ہمے سوب بوتگ کہ بلوچاں گوشتگ وھدیکہ گرماگی ہور مہ بیت گڈا گرماگی ہور مہ بات۔ اے اکس ءِ چارگ ءَ انچو سما بیت کہ گرماگے ہور کجام وڑا کوہاں سر سبز کنت ۔
|
|
Echinops338 viewsMari-Shazheek
ماری - شژیک
اے ڈہلداریں کاہ ما پہ چکاس ء ہیر کتگ ات۔ مارا ھم اشیے نام مالوم نہ ات - بلے استین نامیں سنگتیا نام راہ داتگ و پدا ما پٹ و پول کتگ کہ نام ء برزا نبشتہ انت - یکبرے پدا یستین ء منت
|
|
Slender Skimmer (Orthetrum sabina)292 viewsPerrik
پرّک
پرّک بلوچستان ء است بلے چُنت زات او چنت رنگ انت اے باز گرانیں گپ ء دگہ ملکاں پرّک او مُلاھُکانی زات او زُریات نام گشینتگ انت - بلے بلوچستان ء تنیگا چُشیں آسرات نیست کہ اے تک ء ھیال گور کنگ بہ بیت ۔ کسانیں زھگانی دلچسپی واستہ اگاں مارا گیشتر پرّک او مُلاھُک دست بہ کپیت گڈا ما نام ء ہم پر کنیں ۔ پرّک ء سرا دو گپ یا دو بتل است چوش کہ؛
مدگ ء نشانی پرّک انت ۔
بگر ڈے پرّکا ۔ ۔ ۔ ۔ ۔ ۔ ۔ ۔
|
|
Petunia124 views
Batonia
بتونیا
سیاہ رنگیں پُل نیست بلے اے من اولی رند انت کہ سیاہ رنگے پُل دیسست ۔
بتونیا بُن اسلا چہ زرباری امریکہ ء پُل ء بلے مرچی باندا پورئیں دگنیا بتونیا کش انت - باز رنگے پُل پر کنت - چونایا چہ سیادی گوں تمباک ء کنت - او فرنسی زبان پیٹون تمباک ء گوش انت - باز ڈولداریں پُل ء کمّک وھدے درگتا پُل آرگ بندات کنت -۔
Pic by Mehlab Naseer.
|
|
Graceful Prinia127 viewsپٹیک
Pittik
پٹّیک بلوچستان ء کستریں مُرگ انت - اے گیشتر بُرزیں کاہ چوش کہ ماسولک کسانیں درچک بزاں سول او گونڈیں مچّانی گرگ ء کدو بندیت آبادیں سالاں سے تاپنچ ہیک دنت - اشیے آوا باز وش انت چہ جندا دُمبلی دراج تر انت گونڈیں بانزُل انت - ۔
بلوچیا یک مسال استیں کہ پٹّیکا دشتاری مچّا پیگام دیم دات کہ وتی گرگ ء پچ کن کہ من کاہاں ننداں - دشتاریا وتی گرگ پشّان کہ بلکن ٹوہیں مُرگ ء کئیت - پدا مالوم بوت کہ پٹّیک اتکگ دشتریے کُنٹگ ء سرا نشتگ - دشتاری مالوم نہ بوتگ -۔
پہ پٹٹک ءَ بتل ءِ ہم است انت۔
'' پٹّک پٹکے بات ۔ نامردے دپارے بات ''
|
|
Jackal209 viewsتولگ
Tolag
تولگ جنگلی گوشت واریں رسترےکہ بلوچستان ءَ چل ءُ پنجاہ سال بے ھساب بوتگ بلکین جنگل وتی بلے مہلونک ءِ پسانی واڑ ہم وتی زانتگ انت دل ءِ کہ اومان کتگ گڈاں چارکی ءِ واڑ پروشتگ ءُ پُلاٹوک ءِ چست کتگ۔ بلے چیزے وھداں بےگواہ بوّگا پد مرچاں پادا زاھری ءِ کتگ، بلے بلوچستان وھدیگیں بلوچستان نہ انت آ وھدے دلوت نیست انت چارگی ءِ واڈ ہم بیگواہ انت باریں نوں تولگ چتور بلوچستان ءَ وتی دائمی میتگ کنت؟
|
|
Red Cabbage188 viewsSohrin Band Gobi
سُہریں گوبی
سُہریں گوبی چہ بند گوبی وڑین گوبی - مرچاں بلوچستان ء جاہ ءجاء دست کپیت بلے تنیگا نیادی واستہ نیست - سُہریں گوبی پہ نارُشت او پہ سلاد ء کارمرز بیت -۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
