| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Dracunculus vulgaris225 viewspeel gosh
پیل گوش
پیل گوش چونائیا فارسی زبان اشیے نام انت اے یوروپ ءُ امریکا یک زاتے پُل ء کہ اے پُل گوشت ء بوہ کنت ۔ بلے اے ایشیا ہم است انت ۔ اے پُل ء پشت ندارگ چے مالوم بیت کہ اے اکس بلوچستان کوھاں چہ کش اگ بوتگ ۔
|
|
Dolphin 152 viewsگوکین
Gokeen
گوکین ماھیگ ء کہ اشیے چل زات انت ۔ اے چہ دراجی یک میٹر ء بگر نُہ میٹر نیم ء دراج بیت ۔ ہمے وڑا چل کیلو ء بگر تاں دہ ٹن وزن بیت ۔ اے پاگاس ء سیادین ماھیگ انت ۔ بلے اے انسان دوست ات ۔ بلوچسستان ء زرا ہم اے گوکین بازیں زات است ۔
|
|
Cyperus rotundus194 viewsKollichk
کُلّچک
کلّچک کسانیں وت رودیں کاہے - نرم ہ نازُرک انت - اے گیشتر سال ء دُوازدہیں ماہ ء سر سبز و شاداب گندگ ء کئت - دلوتانی دوستناکیں کاھاں چہ یکّے - اے کاہ گیشتر کشارانی توکا رودیت - اُو ڈولداریں پُل ء پر کنت - بلے توم پر نہ کنت - کلّچک اُنڈال ء جنت کسانین سیاہ رنگے کہ بلوچی ء تُوتک ء گُشنت - اگاں سال ء ھُور مہ بیت یا آپ مہ رسیت کلچک ء توتک نہ مریت
|
|
Sparrow143 viewsKoh jeng
کوہ جِنگ
کوہ جنگ بلوچستان ءِ جہ منندیں مُرگ ءِ نہ انت ۔ اے یک مسافریں مرگ انت کہ درُوچک ءِ ہمراہیا بلوچستان ءَ مارچ ءُ اپریل درگت بزاں گلہ ءِ رون ءِ کیت انت ۔
|
|
Leyari Balochistan256 viewsبلوچستان ءِ ندارگ
Landscape of Balochistan
اے لیاری انت بلے کراچی نہ انت اے بیلہ ء لیاری انت ۔ بلوچستان ءِ تیاب دپ ءَِ باز ڈولداریں ندارگ است ۔اے پہازگ لوٹ انت ۔ بلے بلوچستان ءَ تنی وھد چوشیں الکاپیں حکومت نہ اتکگ کہ ایشاں بہ پہازیت ءُ ایشانی حفاطت ءَ بہ کنت ۔
Pic By Mr. Wazeer
|
|
Drat 126 viewsمُرتگیں چگرد
Mortgin chegird
بلوچستان ءَ باز وھد بوتگ کہ ھور ءِ نشان نہ بوتگ ۔ دلوت شدیگ بوتگ انت ۔ ءُ چگردانی کُچل پاتکگ انت ۔ چے سوب ءَ چگرد ءُ دگہ کسانی درچک ءُ دار مُرتگ انت ۔ چونائیا اے قحط ءِ نشانی انت ۔
|
|
Onion Storage224 viewsPimmaz e Anbar
پیماز ءِ امبار
پیماز ءِ تاریخ ساپ ءُ سلّہ نہ انت چیزے تاریخدان گوشنت کہ پیماز پنچ ہزار سال چہ پیش مسیح کشگ بوتگ بلے لہتیں گوشنت کہ دو ہزار سال پیش چہ مسیح مصر ءَ کشگ بوتگ ۔ پیماز دھل زانگ بیت کہ اشیا تاں تانسریں سال کار مرز کن انت ۔ پیماز ءَ بلوچستان باز کشت ءُ کشار کن انت ، بلوچ پیماز ءَ وتی نارُشتانی ،سلاد، ءُ دوا داروا ہم کارمرز کن انت ، پیماز ءِ تل کنگ ءَ انچیں بوہ ءِ درکیت کہ چمّان چہ ارس جہلاد بنت ، پیماز باز نازورک انت ۔سرد ءُ گرم ءَ چہ رکّینگی انت گیشین گرم گہین ات ءُ گیشیں سرد رودین ات۔چمیشا پیماز ہر جاوراں چہ موسُم ءِ رکّینگی انت
|
|
A kind of Date221 viewsبیگم جنگی
Begum jangi
بیگم جنگی مکران ءِ رژناہ ءُ تامدار تریں ناہ انت ، پہ کار ءُ بار ءَ ہم بیگم جنگی ءِ ناہ گیش چہ گیش بے ءُ شر بیت ۔ اے مچ ءَ اگاں تو پاک ءُ پلگار ءُ گور بکن ات ءُ اے باز ناہ دنت ۔ بیگم جنگی ناہ ءَ گیشتر ھُشک کن انت من انت ءُ پاتاں یا مرچاں پلاسٹکاں کن انت ءُ زمستان ءِ توشگ ءَ کار مرز کن انت ۔ بلے مرچاں ناہ ءَ شکر ءِ جاہ ءَ کارمرز کن انت بزاں کیک ءُ بسکوٹاں ہم ناہ پہ شرکنی کار مرز کن انت۔ بیگم جنگی ءِ پوگش باز تام دار انت ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
