Category |
Albums |
Files |
|
10 |
2,234 |
|
2,234 files in 10 albums and 1 categories with 902 comments viewed 434,162 times |
|
Sweet melon137 viewsLosh, Karat
لوش یا کرٹ
باز جاہا اشارا لوش گوش انت بلے باز جاہا اشارا کرٹ گوشنت، لوش ہما انت کہ ورگ بیت بلے لوش تیجگ بیت ۔ اے وھدی کہ لوش انت بزاں کہ اے کٹک انت ۔ بلے لوش ءوتی تام ء تیجگ ءِ جتاائیں تام ات ۔
|
|
Houbara bustard145 viewsچرز
Charz
چرز یک ٹوہیں بالی مُرگے - چرزے تنی وھدی 32 ذات درگیجگ بوتگ انت - چرز ایشیا او افریکہ ء مرُگ انت - وھدے کہ میانی ایشیا گوریچ کشّگا بنگیج کنت گُڈا اے ٹوھیں مُرگا تررگا نیلیت، مجبور بیت او وتی بالاں بندیت دیم پہ گرمیں ھنداں ۰ بلوچستان اکتوبرے ھلاسی او نومبرے بندات ء سر بیت - چرز گیشتر، مدگ، کٹگ، میزوک، کڈوک، چریت، کیپُک، بالواں چینت او وارت - بلوچستان پہ چرزا ایمنیں جاہے نہ انت - مئے درملکی مہمان مئے میاراں شکار کن انت او ما وا وا کنیں
|
|
Rose217 viewsگلاب
Golab
گلاب کسانیں بوٹگ ءِ کہ اشیے صد زات انت ہمک ءِ وتی کردار ءِ است ، چونایا گلاب کسانیں کنٹگی درچک ءِ کہ نرم ءُ نازُرکیں پُل پر کنت ءُ وتی پُلانی وش بوہی ءَ باز نام دار انت ، گلاب ءِ توک ءَ انچیں زات است کہ ہپت میٹر ءَ دراج بنت بزاں چو ول ءِ وڑا سر کپ انت ۔ بلے گلاب ءِ اے وڑیں زات است چو پٹکیں سول ءِ وڑا بُج بیت ۔ ہمے وڑا ایشانی پُلانی تب وڑ ءُ پیماں ہم باز پرک است ، درستیں گلاب وشیں بوہ ہم نا کن انت، بلے گیشتر وشیں بوہ کن انت ۔ گلاب ءِ پُل ءِ ہمے وڑا بوہ وش انت ہمے وڑا آئیے رنگ دروشم ہم ڈولدار انت ۔
|
|
Baloch classic Blanket 182 viewsٹپّور
Tappor
ٹپپور بلوچستان ءِ کوہن تریں گندلاں چہ یک ءِ ۔ ٹپپور چہ اسپیت پس ءِ پژم ءَ جوڑ کنگ بیت ۔ اے گیشتر زمستانی شپاں پر داتگ کہ باز گرم انت ۔ چہ مرچیگیں کمبل ءَ چہ گیشتر گرم بوتگ ۔ مرچاں شہری ہند دمگاں ٹپپور بیگواہ انت بلے کوہ ءُ کللگاں انگتہ ٹپپور کارمرز کن انت ۔
|
|
Green Bee eater187 viewsکرکی ءُ نیلاں گواھرامُک
Karki. Nillan gwahramok
کرکی ءَ باز ھنداں نیلاں گوھرامُک گوش انت۔ کرکی بلوچستان ءِ وتی مُرک انت ۔ کشارانی ہمرنگیں بلے بُرزی نیمگا کمّ ءِ سُہری است۔ اے بالو پاتو کٹگ کرم شکار کنت۔ اے کسانیں بالی مُرگ ءِ بلے اشیے مستریں زات ءِ استیں کہ موسم ءِ سرا کئیت پدا واتر بیت۔
|
|
Black wasp167 viewsسوچاکو
Sochako
سوچاکو یک گودر ءِ بزان گوابز ءِ کہ گیشتر یک یک ءَ گرد ایت ۔ اے گودر پہ وتی پدریچ ءَ بزاں کسان کسانیں لیچ ءِ سرا لوگ جوڑ کنت ءُ ہمائے تہا ہیک دنت ۔ اے ہم ڈنگ جنت کہ باز تُرند انت ۔ ءُ یک ڈولداریں گوبزے۔
اکس ءِ منت ۔ جان کھوسو
|
|
Okra - lady finger114 viewsنوک رودیں بینڈا
Nokroden Binda
ادا بنڈا نوک رُوستگ ءُ بٹیرو انت۔ چد ءُ دیم نوں پُل پر کنت ۔ بھنڈا یک سبزی ات کہ گرماگے بندات ء بلوچستان ء کش انت او تانسریں گرماگا بر دنت - بھڈا باز وشّیں او تامداریں سبزی ات مرچاں بھڈا ء لوٹ باز انت - اے زردیں او ڈولداریں پُل ء پر کنت او اشیے دراۃین پُل بر بنت - بھنڈیے باز نمونہے نارُشت اڈ بیت ۔
|
|
Animal bug134 viewsھُشتری کِتگ
Hoshtri ketag
اے یک کِتگ ءِ کہ گیشتر بلوچستان ءَ ھُشتران پر بنت ۔ اے چونایا پس ءُ گوکاں ہم لیچت گوں بلے گیشتر ھُشتراں پر بیت ۔ اے چہ سہدارانی ھون ءِ چونسگ ءَ وتی لاپ ءَ درگیجیت۔
|
|
|
Rufous Tailed. Scrub Robin0 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach35 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|