| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,814 times |
|
|
Acacia nilotica176 viewsChish e Poll
چش پُل انت
چش یک ٹوہیں درچک ء کہ بلوچستان ء جنگل ، پٹ و میداناں رودیت - ذردیں پُل ء پر کنت ، سپیت چکیں سمّڑ پر کنت - چش دراجیں شپکیں کُنٹگ پر کنت - چش ہما درچک انت کہ اشیے ہچ دور نہ دیینت - تاکاں پس و اُشتر ورنت ، کُچل ء گواز جوڑ کن انت، ٹوہیں داراں لوگانی چُکّو و منگ کارمرز کن انت - کسانیں داراں چُل ء کارمرز کن انت
|
|
Date fruits 194 viewsمسری یا جدگالی
Misri ya Jadgali
مسری ءِ کلونٹ باز تامداریں کلونٹ انت ۔ مرچاں کیچ ءُ مندے ھند ءُ دمگاں گیشتر باگاں مسری کش انت ، بلے باز جاہ ءَ اشیا زردیں شکر ہم گوش انت ۔
|
|
DATE PALM, Outdated Male Lateral Bud138 viewsسرّ
Sarr
وھدیکہ گُنش گیش کپیت گُڈا سّر بیت - سرّ بزاں کارآمد نہ بوّگ و ھراب بوّگ -
|
|
Gazelle140 viewsAask
آسک
آسک یا آسکُل جنگلی ساہداراں چہ شرّنگ او ڈولدار تر انت - یک وھدے بوتگ کہ مئے سُرمگیں کوہانی زینت بوتگ انت - بلے مئے وتی ناشریاں اے ڈولدارِیں ساہ دار ھلاس کتگ انت - اگاں مارا یک آسک ء ھاجت بوتگ بلے ما تانسریں رمگ ھلاس کتگ او پدا وتی سپت کتگ کہ من مرچی دہ یا بیست آسک شکار کتگ -۔
|
|
Wild Tortoise166 views
کسیپ
Kaseep
کسیپ دو زات انت ۔ یک ءِ آپ ءَ زند گوازین ات ءُ دومی ماں جنگل ءُ کوہ ءَ زند گوازین ات ۔ اے جنگلی کسیپ انت اے گیشتر کوہ ءُ گٹاں دست کپیت ۔ اے گیشتر وھداں ھونڈاں انت ءُ باز کم وھداں ڈن ءَ درکیت ۔ چونایا اگاں ھور بہ بیت تو اے درگت ءَ تر و تیاب زیات کنت اے کم کم ءَ رودیت ءُ شست تاں ہشتاد سال زند گوازینت کنت ۔
|
|
Grewia tenax206 viewsPotronk
پُترونک
پُترونک یک جنگلی میوہ ات ۔ کسانیں درچک ء کد زیروک بیت بلے تاک ءِ چو کُنر ے وڈا انت ۔ اے سال ءِ دو رندا پاگ دنت ۔ اے سُہریں چار دانگ یک سُرمپگ ءِ چہ بر دنت سک سُہر بنت او باز شیرکن انت ۔
|
|
New Tomato shrub231 viewsNokrodin Chamatok
نوکرودیں چماٹُک
بلوچستان ء زمین پہ چماٹوک یا چماٹہ کشاورزیا باز جوانیں زمین ءِ - زرباری بلوچستان زمستان چماٹہ کش انت ءُ گرماگ ء گوریچانی ھند دمگاں کش انت - بزان بلوچستان چندے ملکاں انت کہ سالے دوازدہیں ماہاں دست کپیت
|
|
Plover128 views
Tello
ٹلّو
ٹلو یک کسانیں مُرگے کہ گیشتر ماں جوہ سراں، لچ او مین، آپ ء پُرّیں ڈگار او بنداں دست کپیت - بزاں کہ ہما جاہا کہ آپ است ٹلوہمودا بیت - اے گیشتر لچ او مینان کرم ، مور سلور، پاتو بالو او دگہ بازیں گیپت او وارت - ٹلوے باز کسم است بلے ما درستاں ٹلو گُشاں باید ہمیش انت کہ ایشاں یک یکّا نام دیگ بہ بیت
|
|
|
|
Purslane49 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
