| Category |
Albums |
Files |
|
10 |
2,243 |
|
| 2,243 files in 10 albums and 1 categories with 909 comments viewed 437,042 times |
|
|
Euphorbia granulata180 viewsSherago
شیراگو
اے یک وت رودیں کاہے زمین ء سرا پتن روت - اے گیشتر گرماگے موسما رودیت - اشیے کسان کسانیں تاک انت بلے شاہ ء سُہر انت انت - اگان شاہے یا تاک دور بکنے گڈا ہما جاہ ء اسپیتاں شیرگ دنت - چمیشکا اشیارا شیراگو گوشنت - اشیے دگہ دو زات است انت -۔
|
|
Classic bread213 viewsپُرانی
Porani
پُرانی نان ءِ آئیا پُران ءِ تہا پچ انت ۔ بزاں پرانی ءِ پچگ ءَ پرانی ءَ زمین ءَ گرمیں ریکانی یا پُلکانی تہا کل کن انت ءُ سر برا اشکراں ایر کن انت ۔ ہمے اشکرانی گرمی ءَ چہ پُرانی زمیں ءِ چیرگ ءَ پش ات ۔ اگاں پُرانی شر پچگ بہ بیت نان چو بسکوٹ ءِ وڑا وش بیت
|
|
Manila tamarind 152 viewsآمڑی ۔ جنگلی جلیبی
Aamadi، Jagali julaibi
|
|
Petunia177 viewsBatonia
بتونیا
بتونیا بُن اسلا چہ زرباری امریکہ ء پُل ء بلے مرچی باندا پورئیں دگنیا بتونیا کش انت - باز رنگے پُل پر کنت - چونایا چہ سیادی گوں تمباک ء کنت - او فرنسی زبان پیٹون تمباک ء گوش انت - باز ڈولداریں پُل ء کمّک وھدے درگتا پُل آرگ بندات کنت -۔
|
|
Mahsroom157 viewsزُنڈ
Zond
زُنڈ کُٹینگ ءِ یک زات ءِ بلے زمستان ءَ یا بہارگاہ درگت ءَ پیداک بیت ۔ زُنڈ بلوچستان ءَ باز جاہ ءَ پیداک بیت بلے زامُران ءِ زُنڈ باز مزن انت ۔ زُنڈ ہم ءَ جاہ ءَ رُدیت یا پیداک بیت کہ آئیے کش ءُ گور ءَ مزّوم ءِ ریمکیں درچک موجود بہ بیت ۔ مزّوم مہ بیت اودا زُنڈ پیداک نہ بیت ۔ عربستان ءَ اے یک نامداریں وراک ءِ زانگ بیت ۔ انوکیں وھدءَ اشیے یک کیلو ءِ 300 ڈالر ءَ ہم ترا دست نہ کپیت
|
|
Chasteberry196 viewsGwanik
گوانیک
گوانیک ٹُوہیں درچکے بلے بلوچستان ء گیشتر شیپانی لمب ء کش انت ء کہ ہُورے درگتا شیپانی آپ میتگ اُو ڈگاراں تاوان مہ دنت - گوانیک ڈولداریں پُل ء پر کنت - اگاں گونیک ء تاکاں وتی لوگے کش او گواران ہیر بکن ات گڈا مگسک تئی لوگ ء یلہ کن انت - ڈنّی مُلکاں گوانیک ء چہ آتار جُوڈ کن انت
|
|
228 viewsپُترونک
Potronk
پُترونک یک بہار کائے بلے اے وراک ہم قابل انت ۔ اشیا گیشتر سلاد کن انت ۔ بلے من گوشاں کہ پترونک ہمے وڑا کائے ءُ وراک ات بلے اے یک ڈولداریں پُل ءِ ہم ۔
|
|
Rhazya stricta 183 viewsایشرک
Eshirk
اے کسانین بوُٹگے کہ گیشتر ماں کوہ او کوراں رودیت - کسانیں اسپیتیں پُل ء پر کنت - کوسرک بیت - اے مدام پہ دوا کارمرز کتگ - اگاں مچّ کرما وارتگ گُڈا ایشرکے شاہ
پروشتگ او مچّے گرکا داتگ - اگاں ماشیں دان پہ توم ایر کنگی بوتگ گڈا ایشرکے ھُشکیں تاک توکا ایر کتگ انت تنکہ وروکے ما وارتے - ۔
|
|
|
|
Centipede7 views
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔Dec 25, 2024
|
|
Cordia subcordata64 viewsCordia
کورڑیا
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ Dec 16, 2024
|
|
Tadpole shrimp58 viewsTokko o Zarak
اشیا تُکو ءُ زراک گوش انت اے وھدے کہ ہور بیت کنڈ آپ ءَ پُر بنت اے ہمے کنڈے آپانی تہا پیداک بنت بلے اے دگہ ملکاں برنجانی آپانی تہا پیداک بنت ۔ او ڈنی ملکاں اشاں دکاناں بہا زور انت ءُ وی پیشی ءُ مُرگاں وارین ان ت۔ اشیا آپی مدگ ہم گوش ان ت۔ بلے اے سوریں آپ ءَ پیداک نہ بیت اے وشیں ہورانی آپان پیداک بیت ۔
Dec 06, 2024
|
|
Unknown bush67 viewsNam che ant
اشیے نام چے انت
باز ڈولداریں بوٹگے بلے اشیے نام اگاں کسے زانت آ کومنٹ بکنت منت وار بیں ۔Nov 26, 2024
|
|
Tecoma 49 viewsٹکوما
اے یک زردیں ڈولداریں پُل ات Nov 14, 2024
|
|
Purslane93 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama127 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis66 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
