| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Goat139 viewsسیاہ پس
Seyah pass
بلوچستان ءِ کوہ ءُ اگار ہم بلوچانی کہچر انت ۔ ادا سیاہ پس یلہ انت ءُ کاہ چرگ ءَ انت۔
|
|
COCCULUS SP225 viewsزامُر
Zamor
چونایا زامْر ء درچکے لیکنت - بلے زامْر درچکے نہ انت بلکن یک ول ء - زامْر چو ول ء وڑا دومی درچکے سرا روت - اگاں درچکے بوتیں گڈا وتی کنٹے سرا چو درچکے وڑا مک بوتیں - بلے چوش کہ ول ء پمیشکہ دگہ درچکانی کمک و مدت ء وتا پتاہاں کنت و سر کپیت - اے گیشتر کھور، چگرد، چش، و پیرانی سرا سر کپیت۔
جُست۔۔۔ من زامُری درچکے باں تلاری دیم ء رُداں
پسُو۔۔۔ من کُوہی گرانڑے باں تئی سرشاہان چراں
|
|
wasp268 viewsNaganok
نگانوک
نگانوک زردُکی گوُبزانی میتگ انت - اولی پرا یک گوبزے اشیے اڈ کنگ ء بندات کنت ، پدا اشیے توکا کسانین ٹُنگ پر کنت کہ ہیک دنت ۔ ٹنگے دپا مانپوشیت ۔ چُک پیداک بیت - ہمے وڈا ہیک دیان انت او چُک جوڈ کنان انت دوماہ سے ماہے توکا سے سد تا چار سد گوبز ے لوگ بیت - وتی لوگ سمبال انت ہرکس لوگے لوڑینگے جہد بکنت گڈا آیا پرّرچنت او تج جن انت کہ مردمے دیم ڈھلا گوات گیپت۔
|
|
126 viewsکلپر
Kalper
اے وشیں کلپر انت
بلوچستان ءَ کلپر ءِ باز زات است انت، یک زھریں کلپر کہ پہ کاہُک ءَ کار مرز کن انت، دومی وشیں کلپر کہ اشیا سلاد ءَ کارمرز کن انت کہ تام دار انت ، سہمی سندی کلپر کہ اے بلوچستان ءَ باز کم انت ترا کم دست کپیت، اشیا ہم چو وشیں کلپرے وڑا سلادے وڑا ورانت ءِ، اے ہم باز وش انت ءُ تامدا انت۔
|
|
152 viewsھُوول
Howall
ھوّل یک کسانیں وت رودیں کاہے کہ زمین ء سرا وپسیت او پراہ روت - اے گیشتر بہر کاہے درگتا رودیت کسانیں گردیں تاک پر کنت - او اُورتکیں سُہرکیں پُل پر کنت - بلے اشیے پُل کرومگ بنت - اے گیشتر کہورداناں رودیت -۔
|
|
Swallow129 viewsپیپی پلستان
Pipi plistan
پیپی پلستان کسانیں بالی مُرگ ءِ کہ گیشتر وتی وھد ءَ پہ بال گوازین ات ۔ بال ءِ درگت ءَ پاتو ءُ بالو گپت وارت۔ بلوچستان ءِ باز ھنداں ایشارا بابیل ہم گوش انت، چونایا بابیل عربی لبز ابابیل ءَ زورگ بوتگ ۔ اے مدام چہ انسان ءَ نزیک ءَ ترو گرد کنت۔ ہم اگاں موہ براسیت لوگانی توک ءَ کدو بند ات ءُ ھیک دنت۔
|
|
Coriander205 viewsGehnich
گہنیچ
گہنیچ کسانیں بوٹگے - بلے اشیا مسالہ ء جاہ ء کار بندانت - گینیچ بلوچستان ء اسلی بوٹگ نہ انت بلے اے چہ انڈیا درآمد کنگ بوتگ - مرچی باندا بلوچانی نارُشت بے گہنیچ ء ھچ تامدار نہ بنت - چمیشکا گہنیچ ء نیادی انت - گہنیچ ہما تہلگ یا مسالہ انت کہ اشیے تاکاں بگرتاں دانگاں دروستاں کار گرانت - انڈیا ء اُنڈال ء چوپنت او کار گرانت
|
|
Meri e kalat146 viewsمیری ءِ قلات
Meri e kalat
میری ء قلات کیچ ءِ حاکمانی بُنجُل بوتگ، اے بلیدی بوتگ انت او ایشاں ادا حاکمی کتگ۔ قلات کیچ کورے گوریچانی نیمگ انت ۔ اے قلات سسی ءُ پنوں ء نام ہم زانگ بیت ۔ چیا کہ پنوں چہ حاکمانی چُک بوتگ ۔ کیچ ء چنال ہم باز تامدار بوتگ چنال مہمانی آرام جاہ بوتگ ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
