| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Echinops338 viewsMari-Shazheek
ماری - شژیک
اے ڈہلداریں کاہ ما پہ چکاس ء ہیر کتگ ات۔ مارا ھم اشیے نام مالوم نہ ات - بلے استین نامیں سنگتیا نام راہ داتگ و پدا ما پٹ و پول کتگ کہ نام ء برزا نبشتہ انت - یکبرے پدا یستین ء منت
|
|
Tamarind, Tamarindus indica118 views
چیچک
Chichak
چیچک چونایا ھندے درچکے - بلے ایش مسالہ ء پیم ء کارمرز کن انت - عربی اشیا تمُر ھند گوشنت - انگریزی ہم تمرند انت بزاں عربی نام زرتگ - چیچک ء درچک باز مزن بیت او کوسرک پرکنت ایشاں ھُشک کن انت او من انت - چیچک باز تُروپش انت ناروشتانی تام ء واستہ کارمرز بیت - بلوچستان چیچکے درچکا یک شومیں درچکے زان انت کہ درچک بر بوّگا ساری وتی واھُندا کُش ات، چمیشکا بلوچستان ء چیچک نہ کش انت
بلے بلوچستان ءِ تیاب دپاں چیچک ہر کس وتی لوگے دپاں کش انت ۔ او ھدّا چہ گیش بر بزاں پسل دیئنت ۔ اگاں بلوچستان ءَ تپاب دپاں چیچک ءِ کشت ءُ کشار بکن انت آ بلوچستان ءِ زلورتان پیلہ کُت کناں
|
|
Deid Dove127 viewsمُرتگیں کپوت
Mortagin Kapot
اے کپوت ءَ منی دیم ءَ ساہ داتگ، بلے من ہچ وڑا چہ موت چہ رککینت کُت نہ کتُ ، انسانانی بیمارجاہ است ۔ ہمے وڑا ھیوانانی بیمارجاہ است۔ بلے مرگانی بیمارجاہ منی ھیال ءَ نیست۔
|
|
Aleppo Grass (Sorghum halepense)226 viewsGomaaz
گوماز
گوماز یک ڈالیں کاہے کہ کُچّگاں بگر تاں ریکپادین ہندو دماگاں رودیت - گوماز گیشتر گرماگی کاہے - تانسریں گرماگا سبز سبز بیت- بلوچستان ء توکا گوماز گیشتر بیلہ ء ہند دماگاں رودیت - تمپ ء نزّیکا یک میتگے نام ء گومازی انت - ۔
بلوچی پتل ء استیں -۔
من وتی گومازاں گوریزاناں
تو دگہ گومازی نگن پتکگ
|
|
272 viewsکٹ یا بولیگ
Katt ya Boleeg
کٹ یا بولیگ چہ زگریں شیر ءَ جوڑ بیت ۔ بلے ہما زگریں شیرا کہ پس بزاہیت ۔ پس ءِ زنک ءَ چہ پس ءِ شیراں دوش انت ءُ شکر مان کن انتءُ لہڑ ءِ دیئینت ۔ زگیریں شیر وحدے جوش ورنت گڈا بدنت ۔ ایشانی ورگ باز وش انت ۔ کیچ ءَ ایشیا کٹ گوش انت بلے مند ءِ ھندو دمگاں ایشیا بولیگ گوش انت ۔
|
|
Nightjar 217 viewsپرّاموک
parramok
پرّاموک یک بالی مُرگ ءِ کہ گیشتر ماں شپاں گردیت ، اے چریت، میزوک ، کڑوک، ملاھوک پرّگ گپیت ءُ وارت۔ اے مُرگ ءِ بانزل دراج انت، بلے پادگ ءِ باز کسان انت، اے ھروھدا ءَ ڈن ءِ سرا ھیک دنت۔ چو پیشی ءِ وڑا وتی چوکاں چہ یک جاہ ءِ چہ دومی جاہ بارت کہ کسے آئیے چکاں تاوان مہ دانت ۔
|
|
Sulphurous Jewel Beetle176 viewsڈومبو یا پلپلانزو یا ژنگوک
Dombo or Pilpilanzo or Zhangok
اے ڈومبو بلوچستان ءِ گرمیں ھنداں دست کپیت، ڈومبو مکران ءَ چگرد کہ پُل بیت گڈا اے ڈومبو پیداوری کنت ، چگردے پُل ہمنچوک گیش بہ بنت ءُ ڈومبو ہم ہمے وڈا گیش بنت ۔ چونایا من ہمے سرپد باں کہ ڈومبو بلوچستان ءِ نندوکیں لولوک نہ انت ، بلکن سپرے درگت ءَ بلوچستان ءَ گوازیت۔
|
|
wheat season125 viewsجوپاگ
Jopag
گلہ ءِ رون بیت ایشیا بلوچی ء جوپاگ گوش انت ۔ ادا گلہ رون انت ءُ گلہ ءَ رونہ گائنت ۔ ۔جوپاگ ءَ دروچک ہم کیت ءُ دروچک وران ہم گوش انت ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
