| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Potronk143 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Shrimp124 viewsدریائی مدگ
Daryahi Madag
دریائی مدگ یم یک ماھیگ ءِ ۔ اے گیشتر نزیک ءِ تیاب دپاں بیت ۔ بلوچستان ءِ زر ہم باز تہرے دریائی مدگ ءَ چے بے بہر نہ انت ۔ تیاب دپی مردماں چہ ابید بلوچستان ءِ بُرزی مردماں اشیے ورگ بژ ایت ۔چیا
کہ اے چو کرم ءِ وڑا انت بلے اشیے تام باز وش انت ۔
Pic by Mr. Sudheer
|
|
Silver Bream214 viewsٹینٹل
Tental
|
|
Meisk167 views
میسک
Meisk
میسک سورگ ءِ زاتیں ریمُک ءِ اشیے کسانیں گللڑیں تاک پر کنت کہ چہ آپ ءَ پُر انت ۔ زمانگ ءِ مردمان میسکانی تاک چنڈ اتگ انت ءُ پدا اے متگ ءُ پُشک جوڑ کتگ انت ۔ چہ میسک ءِ پُشکاں چہ بلوچ جنیناں وتی سر شُشتگ انت ۔ اے وھدے سابونانی کار داتگ انت ۔ بلے مرچاں میسکاں کس دپی جُست ءِ ہم نہ کنت ۔ میسک جوانیں ءُ ڈولداریں پُل پر کنت کہ بوہ ءِ وش انت ۔
|
|
Zizyphus126 viewsپنسیں کُنر
Pens Konar
پنس کنر ءِ یک زات ءِ کہ گیشتر کوہ ءُ ڈرّان رود ایت۔ اے باز کنتگی بیت ءُ سرا سِر کپگ نہ بیت ۔ اے مدام بُنژءَ بُنژ انت ۔ اے گیشتر اکتوبر تاں جنوری بر کنت اشیے دانگ کسان انت بلے وشیں بوہ کن انت ءُ شیرکن انت ، ءُ گڈگ ہم مزن انت ۔ وھدے زمانگ ءُ مردمان پنسیں کنر چُپتگ ءُ دوگیں شیر مان کتگ انت کہ ایشانی تام باز وش بوتگ انت ، بلوچستان ءَ مرچی ہم باز مردم کنرے چنگ ءَ ڈل ءَ روانت ۔
|
|
Indian Roller129 viewsکانگاشک
Kangaashk
کانگاشک یک ڈولداریں بالی مُرگ ءِ ۔ اے مُرگ شہر ءُ بازار جنگل ءُ میداناں گندگ بیت ۔ بلوچستان اے مرُگ گیشتر دریابار ءُ مچکدگ ءَ گندگ بیت ، بلے وھدے کہ آمین بیت گُڈا کانگاشک مچکگدگ ءَ پہ دواہی ہم نہ گواہیت ۔ پرچا کہ چُک ءُ برے وھدا مچکدگ ءُ شہراں یل کنت ءُ کوہاں روت ۔ کوہ پہ چُک ءُ برا ایمن تر انت ۔ آمین ءَ رند گوں وتی چُک ءُ چلانگاں پدا مچکدگ ءُ شہراں کئیت
Pic By SAM
|
|
Crab167 views
تگس بِلو
Tagas Bello
تگس بِلو بزاں انگریزی بلو بزاں سبز
اے تگس اَنت ، گیشتر تیابی ریامانی تہ ءَ زندگی کن اَنت ، ریام ھما سنگ ءَ گْوش اَنت کہ تیاب ءِ دپ ءَ یا تلگ آپ بزاں کمیں آپ ءَ ھست اَنت ءُ وھدے کہ آپ بیل بزاں پُر ءَ کئیت آ آپ ءِ چیر ءَ بنت،وھدے آلاڑ ءَ روت بزاں آپ پشت ءَ روت ھمے سنگ کہ ریام گْوشگ بنت ڈن ءَ گندگ بنت ۔ھمے سنگانی سر ءَ رُستگیں شنزکیں کاہ ءُ دگہ ساھدار تگسانی وراک ءُ وردن اَنت ۔ تگس ءَ چوش زیم ءَ دو پکڑ گْونگیں دست پر اِنت کہ گوں ایشاں ورگاں سند اِیت ءُ وارت تگس ءِ ھمے دستانی بند سک مھکم ءُ مُھر اِنت اگاں انسان ءِ گْوشت ءَ بہ بند اِیت گوں آسانی ءَ پچ کنگ نہ بیت ۔تگس ءِ دپ ءَ گْرادنت ءُ ور اَنت تگس باز وڑیں ھست ، گْوش اَنت کہ تگس ءِ دپ پہ کُلگ ءُ کْران ٹی ٹی ءَ مرسان انت ۔
منت ۔۔ قاضی ریحان
Pic by Akhtar Omar
|
|
Desert Lark398 viewsChadol
چڈول
چڈول کسانین مُرگے گیشتر ڈلپادیں ھند و دمگاں او کوھاں گردیت - روچے سہب ء بگر تاں بیگاہا گیشتر کوہے چمگانی سرا آپ کنگا دست کپ انت - اے گیشتر درچک او داراںی او کاہ او بوٹگانی ہُشکین او رتکگیں دانگاں چن انت ورانت، باز ڈولداریں مرگے چوش کہ ڈلی مرگے آیے رنگ ہم چو ڈلے وڑا انت - او باز جاہ ء اشیا بڑول ہم گوشنت ۔
چڈول ء گوشتگ۔۔
من چڈولان چاہی ڈولاں
زیرگوں پلپلوں وادوں پرکن
درستیں مرگاں وشتر باں
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
