Category |
Albums |
Files |
|
10 |
2,234 |
|
2,234 files in 10 albums and 1 categories with 902 comments viewed 434,160 times |
|
Pink Frangipani165 viewsPrangipani gulabi
پرنگی پانی گُلابی
اے میان قد ء درچکے کہ اسپیتیں او سُہریں گُلابی پُل پر کنت - مرچی باندا بلوچستان ء کم کمے گندگ بیت کہ باز مردمان وتی لوگانی دپا کشتگ انت - تنی وھدی اشیا بلوچی نام نیست ۔
|
|
Potronk131 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Crested Lark230 viewsBolli
بُلی
بُلّی کسانیں مُرگے کہ گیشتر ماں کشاورزیں ڈگارانی ھند و دمگاں گندگ بیت - بُلّی ء باز جاہ ء چڑ بُلّی ، بُلّی چڑول ہم گوشنت - بُلّی اگاں ایوک بی بیت گڈ بُرزگیے سرا نیندیت او الہان کنت - اشیے آواز باز دوستناک انت - سُہبانی سرا ڈگارانی سرے وپتگیں مردمان چہ واب ء گوں وتی الہان ء پاد کنت
|
|
Grapes78 viewsAngoor
انگور
بلوچستان ءَ انگورے درچک کش انت ءُ ایشانی ثمراں بہا کن انت ۔ بلے انگورے کش اگ تنیگا نزان انت ۔ اے انگورے درچک انت من کشتگ ءُ من اشیا زمین ءِ سرا نہ واپینتگ بگندے من اشیا مک کتگ بزاں ہوشتارینتگ ۔ انگورے درچکان اگاں تو چو ول ءِ وڑا واپین ءِ تاں اے شر بر پر نہ کن انت ۔ اشاں تو چو ایدگہ درچکانی وڑا مک بکن بزاں ہامودے وڑا تچک ءُ شش چہ دہ فُٹ بہ گڈ ات تنکہ ہما جاہ شاہ لمب بہ بیت ۔ دگہ آئی کنٹ بزاں ماتیں دار ءَ ہچ وڑیں جمل جنگ مئییل ات ۔ اے وھدے کہ برز بیت ءُ شاہ ءُ جمل یک ءُ دو فُٹ اندرا بہ بنت ۔ پنچ چہ دہ شاہ ءَ گیشتر مہ بنت ۔ وھدیکہ انگور شاہ ءُ لمب بیت ہمک سال فروری ءِ گڈسرا ااشیے شاہ بہ چن بزاں شاھاں گوڈ ۔ بلے نوکیں شاہ جنت نوکیں شاھانی ہمرائیا آ بور ءُ بر بزاں سمر پر کنت ۔
|
|
Goat128 viewsسیاہ پس
Seyah pas
ادا دو بُز ُ دو شنک انت کہ دویں بُز بستگ انت ءُ شنکاں میچین انت ءُ بُزاں کدیم کن انت ۔ پرچا کہ اے بیگاہ انت ۔
|
|
Desmostachya bipinnata132 viewsکِک ءِ ھوُش
Kik e hosh
کک بلوچستان ءِ گرم ءُ سردیں ھند ءُ دمگاں رودیت ۔ ھرجاہ کہ ترا کک ڈک دنت تو دل ءَ جزم بو کہ آپ تئی کش ءُ گواراں موجود انت ، باز بلوچاں گوشتگ کہ کک آپ ءِ نشانی انت ، اے یک وترودیں کاہ ءِ کہ گیشتر ماں شہجواں ، بنداں جنگلاں کوہ ءُ ڈرّاں رودیت ، کک کہ آ جاہ ءَ رودیت ، چہ دراھگا ساری تسک انت کہ چہ زمیں درکیت ، اگاں لگت بہ بیت ، گڈاں پادے پُترگا ہچ چک ءُ پد نہ بیت ، کک اُنڈال باز جہل روانت ، اے کاہ سال ءِ دوازدہیں ماہاں وتارا داتیت ۔ کک الکپاپیں ھوش ءِ پر کنت کہ باز ڈولدار انت ۔
|
|
Sweet clover144 viewsٹیٹُکی شمش
Titoki shimsh
بہار ے درگتا کشت و کشارانی توک ءَ رودیت - ورگ ءِ باز وش انت اشیے وتی تام ءِ استیں - مرچاں تربت ءَ سبری ءِ نیادی ءَ بہا ہم دست کپیت ۔ وھدے زمانگاں جنیناں ٹولی کتگ ءُ شمش ءِ چنگ ءَ شہر ءَ شتگ انت ۔
|
|
Spiny-Tailed Lizard266 viewsپٹ ماھیگ
Pat_Maheeg
پٹ ماھیگ ءَ باز جاگہ گوج ہم گوش انت بلے اے چہ گوج ءَ جتا انت ۔ گوج مُدامی آپ ءِ کش ءُ گوراں گردیت ءُ مُرگ ماھیگ دگہ ساہدار شکار کنت بلے پٹ ماھیگ ایوکا کاہ ُ درچکی تاک چنت وارت ، اشیے دنتاں کسانیں ارتین انت، ۔اشیا دمب ترندیں کنٹگ پر کہ وتی جند ءَ چہ دگر رستراں بہ رکین ات ۔ عرب ملکاں اشیا پہ شوک ورانت ۔ اشیے گوشت چو ایدگہ دلوتانی پیما تام دار انت ۔ اے بلوچستان روچدرتکی ءُ تیاب دپی ھندا کم کم ءَ است انت۔ ادے مردم گیشتر ایشیے پیگاں کش انت ءُ دوا کارمرز کن انت ۔ اے ھیک دنت ۔ ءُ زمستان ءَ گیشتر ھونڈان انت ڈن ءَ در نہیت ۔
|
|
|
Rufous Tailed. Scrub Robin0 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach35 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|