| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,822 times |
|
|
Silver bill218 viewsچنچرت
Chenchert
چنچرت یا پُمپُرت 13 سنٹی دراچ بیت اے کسانیں مُرگ ءِ کہ کسانیں بُنڈکیں سُنت پر ، اشیے سربری نیمگ ناسی انت ، چیری نیمگ اسپیت بلے دُمبلی ءُ بانزپلانی سر سیاہ رنگ جن انت ۔ اے بلوچستان ءَ باز انت ۔ اے گیشتر بہار کاہانی براں او گلّہ او جواں ہم پلگی کنت ۔ اےکسان بلے ڈولداریں مُرگءِ ۔
|
|
Kiya & Sado's witness243 viewsGorrani e Kaheer
گورّانی ءِ کہیر
گورانی چہ پسنی ءَ پانزدہ کیلو روچ ایر شتی نیمگا انیت ءُُ اے ھندا دگہ ہچ کہیر نیست ہمے یکٰیں کہیر انت . اے ھندے مردم گوش انت کہ وھدے کیّا واتر بیت او گورّانی سر بیت گڈا مالوم بیت کہ سدو ءَ اے کوڈہیں دُگنیا یلہ کتگ ۔ چرے اھوال ءَ چہ کیّا وانگ ءُ ھُشک ءُ ھیران بیت ءُ ہمءِ کہیر ءِ چیرا وتی بُنجُل کنت ۔ کیا وتی زندے پشکپتگیں روچاں ہمے کہیرے چیرا گوازیں ات - ادا یک مُنجارءِ استیں کہ مدام اگر بتی بُن دنت او کیا ءِ یاداں تازہ کنت ۔ نون اے کہیر کیا ءُ سدو ءِ مہرءِ شاھد انت او چیدگ انت
|
|
Euphorbia caducifolia228 viewsڈیڈار
Dedaar
ڈیڈار یک کسانیں درچک ءِ کہ آ ئیے ھند انڈیا ءِ زرباری ھنداں بگر چہ سندہ ءُ بلوچستان ءَ بیلہ ءُ جھلوان ءِ جہلی ھنداں رودیت ۔ اے چو لُٹ ءِ وڑا رودیت ءُ کسانکیں تاک پر کنت ءُ اُرتیں پُل پر کنت ۔ ایشے دار ءَ تُرندیں کُنٹگ پر بیت۔ ایشیے شیرگاں ٹپّاں پہ دوا پر کن انت کہ ٹپ وش ءُ دُراہ بنت ۔
|
|
Squirrel197 viewsErdik
اردک
اردک یک کسانیں ھیوان ءِ ۔ اے گیشتر درچکانی سرا وتی میتگ جوڈ کنت ۔ او کشارءِ تاوان دنت ۔ اردگ باز ڈولدار انت سیاہ او اسپیتں رنگاں چہ رتکگ۔ بلوچاں گوشتگ کہ اردک ءَ ھڈ مان نیست ۔ پرچا کہ ٹوہیں مچّانی سرا دور کنت بلے پرواہ ءِ نہ بیت ۔ بلے چو نہ انت اردک وھدے دور کنت وتی دُمب ءَ پراہ کنت دُمب آیا چو پیراشوٹ ءِ وڈا زمین ءَ کاریت ۔ چمیشکا درد نہ بیت
اکس کش واجہ محمد علی تالپور
|
|
230 viewsAasho
آشو
آشو کسانیں ماھیگ ءِ کہ گیشتر ماں دریائے مِلکپادیں ھند ءُ دمگاں گرد ات ۔اے نگرئی رنگ ءِ ماھیگ انت بلے دُمب ءِ کرّا سیاھیں ٹِک ءِ پر انت ۔
|
|
Withania sommnifera {Ashwagandha}217 viewsKankaink
کانکینک
کانکینک کسانیں درچک ء کہ گیشتر ٹوہیں درچکانی نوان ء رودیت - پٹکیں درچکے سوب ء وتارا داشت نہ کنت چمیشکا وتارا زندگ دارگ ء واستا مجبور انت کہ بلاھیں درچکانی ساھگ اُو نوان ء برودیت - کانکینک گونڈیں اُو گردین تاک پرکنت سُہرُکیں دانگ پر کنت جنگُل ، پنکلگ ، بُلبُل ھر وھدا کانکینک ء پانگ انت اُو دانگاں ء ورنت - وھدے زمانگا کانکینک ء دار زُرتگ اُو تلک ء واستا کُبلُک جُوڈ کتگ مُرگ شکار کتگ - ھند ء کانکینک دوا اُو درمان جوڈ کن انت
|
|
Nehing197 viewsNehing e koar
نہنگ ء کور
نہنگ ء کور ء آپ لُرد انت ، چریسیا مالوم بیت کہ کورا آپ کُتگ - اے اکس پُل آباد او تُمپ ء میان ء زپت کُتگ -۔
|
|
Balochistan Landscape122 viewsNadarag
ندارگ
اے بلوچستان ءِ یک ڈولداریں ندارگ ء بلوچستان اے وڑیں بگندے انگتہ شرتریں ندارگ است بلے اے چماھاں چے یکے ۔
|
|
|
|
Purslane52 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
