| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,823 times |
|
|
Lactuca serriola259 viewsShazheek
شژیک
شژیک آلکو ء ذاتیں کاہ ئ - ڈولداریں کاہے بلے اشیا نہ ورنت و پہ دلوتانی کاہا کارمرز کن انت
|
|
Capparis Decidua71 views
کلیر
Kalair
کلیر یک ٹوہیں درچکے - گیشتر ماں وڑ و گریشگاں رودیت - کلیر ڈولداریں پُل پر کنت - کلیر بر پرکنت برے ورانت و تامدارنت - منی ہیال ء اگاں ما کلیر ا میوہ بگوشاں رد نہ انت - پرچا کہ بلوچستانے جنگلی میوہ بزاں کوُنر، کنر، جگّر،کلیر و دگہ بازیں - کلیر دار ا لوگے منگ جوڑ کن انت کلیرے دارا زمین نہ وارت - کلیرے واستہ دو بتل نامدار انت
۱ لج نہ کنت کلیرا کہ بے تاکا بر کنت
۲ دار کلیر انت کہ منگہاں سے جاگہ پُروشیت
اُوے زیرّک بات کہ لیڑو ڈاچیگاں کوشیت
|
|
Graceful Prinia226 viewsPittik
پٹّیک
پٹّیک بلوچستان ء کستریں مُرگ انت - اے گیشتر بُرزیں کاہ چوش کہ ماسولک کسانیں درچک بزاں سول او گونڈیں مچّانی گرگ ء کدو بندیت آبادیں سالاں سے تاپنچ ہیک دنت - اشیے آوا باز وش انت چہ جندا دُمبلی دراج تر انت گونڈیں بانزُل انت - ۔
بلوچیا یک مسال استیں کہ پٹّیکا دشتاری مچّا پیگام دیم دات کہ وتی گرگ ء پچ کن کہ من کاہاں ننداں - دشتاریا وتی گرگ پشّان کہ بلکن ٹوہیں مُرگ ء کئیت - پدا مالوم بوت کہ پٹّیک اتکگ دشتریے کُنٹگ ء سرا نشتگ - دشتاری مالوم نہ بوتگ -۔
پہ پٹٹک ءَ بتل ءِ ہم است انت۔
'' پٹّک پٹکے بات ۔ نامردے دپارے بات ''
|
|
zizyphus, Berry167 viewsMakkai Konar
مکئی کُنر
مکئی کنرے زنڈین دانگ بنت ، اشیا شاہاں پہ پیوند کار گرنت۔ مرچاں بلوچستان ءَ گیشتر مردم وتی باگاں مکئی کنر جوڑ کن انت ۔
|
|
Namaqua Dove183 viewsکپوت دراج دُمب
Kapot drajdomb
دراج دُمبیں کپوت بلوچستان ءَ گللہ ءِ رون ءَ مان نہ ترّ اِت ۔ بلے کزا یک ءِ یک ءِ ہمے کپوتانی ہمرائیا گندگ بیت ، اے دراج دُمبیں کپوت گیشتر افریکا ءُ یورپ ءَ گردش کنت ۔ اے چہ اسلی کپوت ءَ چہ کستر انت بلے ڈولدار انت ۔
|
|
Jellyfish214 viewsآپو
Aapo
آپو یک دریائی ساہدار ءِ ۔ اے چہ گونڈیں دریاہاں بگر چہ مزنیں ءُ جُہلیں آپاں بیت۔ اشیے 30000 سی ہزار نسل است ۔ اے جاگہ جاگہے وشیں آپاں ہم است انت ۔ اے یک کوہیں آپی ساہ داراں زانگ بیت۔ چونایا اے گیشتر تیابدپاں موجود انت ۔ اے حیوانی اعضاء ہم است انت ءُ لہتیں نسل ءَ بیست ءُ چار چم ءِ پر ۔ بلے ایشاں ہُرتگندانی سرا گندگ بنت ۔ آپو زھریں ساہدارے اگاں تئی جان ءَ بڈوکیت یا ٹچ بہ بیت تئی جان ھارشت دنت ہنچو سما بیت کہ تئی جان کنٹگ لگگگا انت۔ آسٹریلیائے آپو اگاں ترا ٹچ بہ کن انت ترا الم ءَ ڈاکٹرا روگ لوٹ ات۔ نا تئی زندگ بوّگ گارنٹی نہ بیت۔ بلوچستان ءِ تیاب دپاں ترا باز دست کپیت بلے گیشتر موسم ءِ ِ وھد ءُ پاساں کاہنت۔ مدامی دست نہ کپ انت ۔
|
|
Alfalfa, Medicago sativaa153 viewsاِسپوست
Espost
اِسپوست کسانیں کاہے کہ کد ءِ 3 فٹ بوت کنت ۔ اسپوست رُدگ ءَ باز دیر کنت، بلے اولی رند ءَ رُونگ ءَ رند پدا زوت رودیت ۔ چین ءَ 1500 سال پیشتر اسپوست پہ تہلگ کار مرز کتگ ۔ اسپوست چاز سال ءَ بگر تاں ہشت سال ءَ کاہ دنت ، بلے اگاں اسپوست ءَ جاگہ وش بہ بیت ءُ ءُ بیست سال ہم زندگ بوت کنت ۔ اسپوست ءَ باز زات انت بلوچستان ءَ جموں رنگ ءِ پُل ءِ اسپوست کارمرز کن انت بلے دریں ملکاں زرد پُل ءپ گلابی پُل ءُ دگہ بازیں زات ءِ اسپوست است ۔ اسپوست ہما کاہ انت کہ اشیا دُراہیں دلوت ورانت ءِ ۔ اسپوست ہما کاہ انت کے دگنیائے چاریں کُنڈاں کِشگ بیت ۔
|
|
Cotton133 views
Karpas
کرپاس 7000 سال پیسر دریائے سندھ ءِ کش ءُ گواراں کشار کنگ بوتگ ، تنی وھدی بلوچسان ءِ ھند '' مہر گڑہ '' اشیے کوہن تریں نشانی دست کپتگ انت ۔ کرپاس ء نرم نازرکیں ریشگ پیداک کنت چریشیا انساناں پہ وت ءَ پوشاک جوڑ کتگ ۔ مرچی دگنیا ءَ باز دیمرئی کتگ بلے تنیگا کرپاس ءِ بستار ھلاس کُت نہ کتگ بزاں کہ تانسریں دگنیا ءَ انگتہ ملیونانی ٹن کرپاس پیداک کن انت ۔
|
|
|
|
Purslane52 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
