Category |
Albums |
Files |
|
10 |
2,234 |
|
2,234 files in 10 albums and 1 categories with 902 comments viewed 434,165 times |
|
Kingfisher245 viewsاپسان شدوک
Apsan shedok
اپساں شدوک یک بالی مُرگ ءِ کہ گیشتر ماں جوہ سراں ، کلمیراں ، کورانی آپانی کش ءُ گواراں ءُ تالاوگاں گندگ بیت ، اے بانزُل سبز انت پُشتی بڈ سُہر انت دلبند اسپیت انت ، اے ہر وھدا باز توار کنت۔ آواز باز بُرز انت ، چو اپس ءِ وڑا شیدیت چمیشکا اپساں شدوک نام کپتگ ۔ اے گیشتر ماھیگ ءُ پُگل ءُ دگہ آپی لولوک گیپ نک جنت۔
|
|
Slender Skimmer (Orthetrum sabina)292 viewsPerrik
پرّک
پرّک بلوچستان ء است بلے چُنت زات او چنت رنگ انت اے باز گرانیں گپ ء دگہ ملکاں پرّک او مُلاھُکانی زات او زُریات نام گشینتگ انت - بلے بلوچستان ء تنیگا چُشیں آسرات نیست کہ اے تک ء ھیال گور کنگ بہ بیت ۔ کسانیں زھگانی دلچسپی واستہ اگاں مارا گیشتر پرّک او مُلاھُک دست بہ کپیت گڈا ما نام ء ہم پر کنیں ۔ پرّک ء سرا دو گپ یا دو بتل است چوش کہ؛
مدگ ء نشانی پرّک انت ۔
بگر ڈے پرّکا ۔ ۔ ۔ ۔ ۔ ۔ ۔ ۔
|
|
179 viewsTalkar
تلکار
ھور وھدے کہ گواریت ، ھورانی گورتگیں آپ رہادگ بنت پہ وتا راہ جوڈ کن انت ۔ اول سرا کسانیں شیپاں بنت او بلاہیں شیپاں بنت پدا کوہ کوراں چہ کوراں او چہ کوراں دہم پہ دریا ہا ۔ دریا ھورے آپانی گُڈسری جاہ انت ۔ بلے اے درگتا آپ نیما کہ ملّیت اودا کوھنیں ھاکانی سرا نوکتریں ھاک دنت وھدے کہ آپ ھوشیت او جاگہ ھُشک بنت گڈا زمیں تلُک دنت بزان کہ جہل ء ھاک ء رندی ھاک گوں وت یک جاہ نہ کُتگ ہمے سوب انت کہ تلکار جوڑ بیت
|
|
Plantago boissier. Isphagula80 views
دانیچک
Danichk
دانیچک یک کسانیں کاہ ات، بلے بلوچستان ءَ اشیے ٹوھیں ارزشت ءِ بوتگ ، دانیچک ءِ چنگ ءَ جننیناں سپت زُرتگ ءُ جنگل ءَ پہ دانیچک ءِ چنگ ءَ شتگ انت ۔ دانیچک زرتگ پنگ جوڑ کتگ انت ، بلے مرچاں آ پیشی وھد گوستگ انت ، نوں کس وتی سراں دانیچک نہ جنت ۔ چونایا دانیچک دوائے کہ لاپ ءِ بادینگ ءَ شر انت ۔
|
|
Dill. Anethum graveolens186 viewsگواتگ
Gowatag
گواتگ یک بزارے بزاں مسالہ کارمرز بیت - کسانیں بوٹگے کہ بہارَ درگتا رویت - اشیے ڈیل و ڈول چو رز او زیرّگے وڈا انت - زردیں پُل جنت - کسانیں دانگ پر کنت - کہ دانگاں چوپنت و دوگیں شیراں مان کن انت - کہ وشیں او سارتیں بوہ کنت او شیراں تامدار کنت -۔ ادا گواتگ نوک پُل انت۔
|
|
Common green bottle fly144 viewsشونزیں مگسک
Shonzin magisk
|
|
Potronk142 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Radish161 viewsترُپ
Trop
اے ترُپ ءِ توم انت کہ پہ کشگ ءَ جاڑی انت ۔
|
|
|
Rufous Tailed. Scrub Robin3 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach35 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|