| Category |
Albums |
Files |
|
10 |
2,243 |
|
| 2,243 files in 10 albums and 1 categories with 909 comments viewed 437,033 times |
|
|
Landscape of Muslim bagh150 viewsندارگ
اے ندارگ گوریچانی بلوچستان بزاں مسلم باغ ھند ءُ دمگ انت ۔ اے باز پراہ شاہگانیں جاگہے کہ زردیں موسمی پُلاں پوش اتگ ءُ براہ دار کتگ ۔
|
|
Centipede3 views
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔
|
|
Potronk143 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Dipcadi erythraeum Webb & Berthel225 viewsلیمپوک ۔ سکوک
Limpok . Sakook
لیمپوک کسانیں بہارکاہ ءِ کوہانی دامناں رودیت۔ اے ڈلپادیں جاہاں ہم رودیت ۔ اے چو پیماز ءِ وڑیں پُون ءِ پر کنت ۔ اے کسانیں دراجیں تاک پر کنت گونڈین سُہریں کول ءِ پر کنت کسانیں پُل پر کنت کہ دان بیت۔ اشہے بُن ءَ درکن انت ءُ اشیا لہڑ دیینت ۔ واد ءِ مان کن انت ۔ ایشاں پرنجنت ءُ چو موش ءِ وڑا جوڑ کن انت ۔ نوش ءُ جان ءِ کن انت ۔
|
|
Potato124 viewsBatatok
بٹاٹوک
بٹاٹوک چونایا لاتینی امریکہ ء ِ دھل انت کہ 4 ھزار سال پیسرا اے کشار کنگ بوتگ ۔ بلے کولمبس وھدے کہ امریکہ درگیج ات ، گڈا بٹاٹوک ءَ یوروپ ءَ بارت گوں ، یورپ ء َ چہ ایشیا کیت انت ۔
سبزیانی توک ءَ چماٹوک ء رند بٹاٹوک گیشتردگنیا ءَ بہا کنگ بیت ۔ بلے بلوچستان ءَ اشیے کشاورزی نہ بوگے برابر انت ۔ اگاں بٹاٹوک ء بلوچستان ء کشاورزی کنت بہ بیت باز نپ دنت چیا کہ اے آپ باز کم لوٹ ات ۔
|
|
Baloch classic pots235 viewsکاسگ
Kaasag
کاسگ چہ داراں چہ جوڑ کتگیں رزان بزاں ایران انت، بلوچاں وھدے زمانگ ءَ پیتل ءُ دگہ چیزانی ایراں یا رزان نہ بوّگے چہ دارے رزاں جوڑ کتگ انت ۔ چریشانی توک ءَ نان ءُ ناروشت یا نان شیر پُنڈ اتگ انت ءُ نوش ءُ جان کتگ انت۔
|
|
Green Bee eater145 viewsکرکی ءُ نیلاں گواھرامُک
Karki. Nillan gwahramok
کرکی ءَ باز ھنداں نیلاں گوھرامُک گوش انت۔ کرکی بلوچستان ءِ وتی مُرک انت ۔ کشارانی ہمرنگیں بلے بُرزی نیمگا کمّ ءِ سُہری است۔ اے بالو پاتو کٹگ کرم شکار کنت۔ اے کسانیں بالی مُرگ ءِ بلے اشیے مستریں زات ءِ استیں کہ موسم ءِ سرا کئیت پدا واتر بیت۔
|
|
Unripe date179 viewsپپُک
Papok
اے چار پپُک انت۔ اے چارینانی چار نام انت۔
یک،، تئی دیما جہل ءَ ناسی نمونگ ءَ پپُک ناہ یا ناہ ءِ گوش انت۔ اے نرم انت ورگ بیت۔
دو،، تئی دیم ءَ بُرز ءَ اے پپُک ءَ زبگ گوش انت۔ اے ورگ نہ بیت ترُند انت۔
سے،، تئی راستی کش ءَ اے پینگ انت ۔ اے ہم ورگ نہ بیت۔
چار،، تئی چپّی کش ءَ ایشیا آرتونگ یا آرتک گوش انت۔ اے نرم انت اشیا ورنت
|
|
|
|
Centipede3 views
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔Dec 25, 2024
|
|
Cordia subcordata64 viewsCordia
کورڑیا
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ Dec 16, 2024
|
|
Tadpole shrimp58 viewsTokko o Zarak
اشیا تُکو ءُ زراک گوش انت اے وھدے کہ ہور بیت کنڈ آپ ءَ پُر بنت اے ہمے کنڈے آپانی تہا پیداک بنت بلے اے دگہ ملکاں برنجانی آپانی تہا پیداک بنت ۔ او ڈنی ملکاں اشاں دکاناں بہا زور انت ءُ وی پیشی ءُ مُرگاں وارین ان ت۔ اشیا آپی مدگ ہم گوش ان ت۔ بلے اے سوریں آپ ءَ پیداک نہ بیت اے وشیں ہورانی آپان پیداک بیت ۔
Dec 06, 2024
|
|
Unknown bush67 viewsNam che ant
اشیے نام چے انت
باز ڈولداریں بوٹگے بلے اشیے نام اگاں کسے زانت آ کومنٹ بکنت منت وار بیں ۔Nov 26, 2024
|
|
Tecoma 49 viewsٹکوما
اے یک زردیں ڈولداریں پُل ات Nov 14, 2024
|
|
Purslane93 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama127 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis66 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
