| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,819 times |
|
|
Disease Date176 viewsپپُک بوْک انت
Papok bok ant
بُوک یک بیماری ات کہ مچے براں گپت۔ بوگ گیشتر ہما وھدا ءَ پپُک ءَ گپت کہ سال آباد مہ بیت۔ یا مچ تُنیک بہ بیت، یا گوات ءُ دنز باز بہ بیت۔ چرے ھلّتان مچ ءِ پپُکان بوک بیت ۔ بوک یک اسپیتیں موکوے تندے وڑا انت کہ پپُک ءَ پتا ہان کنت۔ رندا پپُک ھراب بیت۔ مچ ناہ بہ بیت ناہ ہم شر نہ بیت ۔ چونایا وھدے کہ مچ ءَ بوک گرگ ءَ بنگیج کنت دوا بزاں اسپرے جنگ لوٹ ات، بلے بلوچستان ءِ ھکومت ءَ تنیگا چوشین ھچ وڑیں گامگیج نہ زُرتگ کہ مچان اسپرے بکنت۔
|
|
Greater short toed lark228 viewsڈگگو
Daggo
ڈگگو یک کسانیں بالی مُرگ ءِ۔ اشیے رنگ ءُ دروشم چو بُللی ءِ وڑا انت ۔ او مدام بُللی ءِ ہمراہ انت بلے اشیے آواز دگر ات او اے نوک کشیں کشارانی ازلی دژمن انت پرچا کہ آ انچو کُککڑے وڈا پیش کلونڈ ات ۔ باز ڈولدار یں مُرگ ءِ ۔
|
|
Balochistan Landscape298 viewsبالگتر ءِ ندارگ
Balgatar e nadarag
بالگتر چہ ھوشاب ءَ سر ءُ پینجگور ءَ جہل انت کیچ کور ءِ برُزی نیمگ بزاں کیلکور ءِ کش ءَ انت ۔ بالگتر ءِ اگاں تو پٹ ءُ زمیناں آباد بکن ات ، تانسریں بلوچستان ءَ دھل بزاں راشن دات کن انت۔ اے اکس بالگترے یک کسانیں میتگ ءِ اکس انت کہ کوہ ءِ دامُن ءَ باز ڈولدار گندگا کیت۔
|
|
Mango130 viewsامبُک
Ambok
اے امب ءِ بُر بوتگیں شاہ انت کہ کسان کسانیں امبُک پر کنگا انت ۔ امبُک اُرتیں امباں گش انت ۔ وھدے کہ امب کسان انت بزاں امبُک انت اے وھدا چہ تُرپشی ءَ ورگ نہ بیت بلے جنین ترپشین امباں وش ورانت ۔
|
|
Monkey 144 viewsشادو
Shado
شادو ادا پہ ورگ ءِ واستہ سٹ ءُ دور کنت بلے شادوے واھُند شادو ءَ کشان کنان انت ۔ بیچارگیں شادو ۔ ۔
|
|
Castor oil plant144 views
مُرپد
Morpad
مرپد یک برزین درچکے - کہ ایشیے تاک ہ بر بزاں دانگاپی دوا کارمرز کن انت - جلاب چہ مرپد ء پیداک بیت - کہ گوانڈوانی لاپ ریچگا کارمرز کن انت - مُرپد دو لبزانی اواری انت بزان مُرگ پد بلے نا اشیے تاک مُرگے پدے ڈولا انت نا کہ دانگ بلے چہ پیم اے نام داتگ یک زبان زانت ء بزانت
|
|
wasp268 viewsNaganok
نگانوک
نگانوک زردُکی گوُبزانی میتگ انت - اولی پرا یک گوبزے اشیے اڈ کنگ ء بندات کنت ، پدا اشیے توکا کسانین ٹُنگ پر کنت کہ ہیک دنت ۔ ٹنگے دپا مانپوشیت ۔ چُک پیداک بیت - ہمے وڈا ہیک دیان انت او چُک جوڈ کنان انت دوماہ سے ماہے توکا سے سد تا چار سد گوبز ے لوگ بیت - وتی لوگ سمبال انت ہرکس لوگے لوڑینگے جہد بکنت گڈا آیا پرّرچنت او تج جن انت کہ مردمے دیم ڈھلا گوات گیپت۔
|
|
Palm Date fruits231 viewsTarrin Naah
ترّیں ناہ
بلوچستان ءَ میوہ باز انت بلے ناہ ءِ مٹ نہ بنت ۔ بلوچستان ءَ وھدیکہ آمین بیت گڈا آ ھند ءُ دمگانی مردم دلوت مُرگ ءُ مور دراہ سیر بنت ۔ بلے دگہ میوہانی موسم ءَ ہمک سیر نہ بنت ۔ ناہ درست وش انت بلے تریں ناہ ءِ بستار ءِ دگر انت ۔
|
|
|
|
Purslane52 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
