| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,891 times |
|
|
Cabbage168 viewsبند گوبی
Band Gobi
بند گوبی چونایا یک ھزار سال پیش چہ مسیح ءَ یوروپ ءَ کشار کنگ بوتگ ۔ اشیے سے رنگ انت ۔ سبز ، اسپیت ءُ جمو ۔ اے نیم کیلو چہ چار کیلو ءِ کساس پیداک بیت ۔ دگنیا ءَ اشیے باز کشار بیت ۔ اے یک فائدہ مندیں شبزی زانگ بیت ۔ دگنیائے توک ءَ اشیا گیش کارمرز کن انت ۔ ایوک ءَ چین ھپتاد ملیون میٹرک ٹن بند گوبی پیداک بیت ۔ بلوچستان ءَ اے کم پیداک بیت ۔ بلوچ اے سبزی ءِ نپ ءُ سیتاں چہ سرپد نا انت ۔
|
|
Taverniera glabra204 viewsLantoog
لانٹوگ
لانٹوگ کسانیں درچکے کہ گیشتر بہارے درگتا رودیت - لانٹوگے دو زات انت، یکّے اسپیتیں او گورگیں ، دومی سبزیں لانٹوگ گوش انت - سبزین لانٹوگ سُہریں او گُلابیین پُلّان باز ڈولدا انت - دلوتانی چہ ھُشترے دوستناکیں وراک انت -۔
|
|
159 viewsچگرد سپیت پُل
Spet pollen chigird
اسپیت پُلیں چگرد باز ڈولدار انت، اشیے پُل ہم باز وش بوُہ انت
|
|
Gaddani ship breaking257 viewsگڈانی تیاب دپ
Gaddani tyab dap
|
|
Carthamus oxyacantha83 viewsمزارکاہ
Mazarkah
مزارکاہ کسانیں کاہ ءِ کہ بہاگاہ ءِ وھد ءَ پیداک بیت ۔ اے زردیں ءُ گلابییں پُل پر کنت ۔ اے گیشتر پٹ ءُ میداناں رُدیت ۔ اے چو سگ دنتان ءِ وڑیں کاہ ءِ اشیے کسانیں دانگاں پہ تہلگ کار مرز کن انت ۔ اے گیشتر افریکہ بگر تاں ھند ءَ اے ہُشکاوگیں جاہاں رودیت ۔
اکس منت وار واجہ سدھیر
|
|
Mung bean. Vigna radiata163 viewsماش
Mash
ماش بلوچستان ءِ کوھنیں دھلاں چہ یکے ۔ بلے بلوچستان ءِ تاریخ ءَ ماش ءِ باروا ھاسیں مالومات نیست ۔ چونایا ماش چہ منگولیا چہ ھند ءِ ھند ءُ دمگاں سر بوتگ ۔ ھڈپّہ دور ءِ درگت ءَ پنجاب ءُ ھریانہ ءَ چار ہراز پنچ سد سال ساری ماش کشار کنگ بوتگ ۔
ماش ءَ بلوچستان ءَ نارُشت کن انت ، بلے برنج ءَ اُور گرادنت ءِ بزاں بٹ ءُ ماش بلوچستان ءِ نامداریں وراکاں چہ یکے ، بلے مرچاں چہ ماش ءَ ھلوا جوڑ کن انت ۔
|
|
Proso Millet149 views
ارزُن
Arzon
ارزُن یک دھل ءِ کہ بلوچستان ءَ اشیے کشاورزی بیت ۔ اے کسانیں کاہے کہ ھوش پر کنت ءُ ھوش چہ دان ءَ پُر بنت ۔ چونایا دنیائے توک ءَ نوہ زات ءِ ارزُن است کہ آھانی دان ءِ رنت چہ اسپیت ءَ بندات بیت چہ پُہتہیں سیاہ ءَ روت ۔ بلے بلوچستان ءَ زرد ءُ سہُریں ارزُن کش انت ۔ وھدے زمانگءَ ارزن ءَ دان درُشتگ انت ءُ نان جوڑ کتگ انت۔ بلے مرچاں ارذُن نان جوڑ نہ کن انت ۔ ارزن تمکار ءَ چہ رند کش انت، بزاں اگاں ھور چہ موسُم ءَ پدی بہ بنت گڈا بلوچ وتی ڈگاراں ارزن کش انت۔ چیا کہ ارذن زوت دان بیت۔ ارزُن ءَ گرماگ ءِ ھلاسی ءَ ہم کش انت ، بزاں سال ءِ دو رندا ءَ پاگ دنت۔
|
|
Guinea Fowl148 viewsگنی پُل
Gani poll
گنی پُل یک سیاہیں گسی مُرگ کہ اسپیتیں اُرتیں ٹک ءِ پر کہ باز بلوچ پُلاں باکلینک ہم گوش انت۔ اے مُرگ ءِ باز زات انت کہ لہتیں چہ بُن بیہ ءَ امیریکہ مُرگ انت ءُ لہتیں افریکہ ءِ مرُگ انت۔ اے مُرگ ءَ لوگ ءَ دار انت ءُ رامگیں مُرگ ءِ۔
|
|
|
|
Purslane74 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot143 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko65 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
