| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,891 times |
|
|
Bill been139 viewsبانکلینک
Bakalink
بانکلینک بلوچانی کوھنیں کشارے، باز نازرکیں پسل ء 5 فٹ ء برز بیت - اشیا نومبرا کش انت او مارچ ء گڈسرا موش کن انت - بانکلینک نازرکیں کوسرکاں نارُشت کن انت وھدے ھشک بنت گڈا اشیا ڈلوک ء سرا ڈل انت او نارُشت کن انت - او آمین ء درگتا کوّل کن انت ناہے گونا ورنتے اے ھمک ّوھدا کار دنت -۔
ادا باکلینک ءِ کوسرک انت ۔
|
|
Capparis Decidua203 viewsKalair
کلیر
کلیر یک ٹوہیں درچکے - گیشتر ماں وڑ و گریشگاں رودیت - کلیر ڈولداریں پُل پر کنت - کلیر بر پرکنت برے ورانت و تامدارنت - منی ہیال ء اگاں ما کلیر ا میوہ بگوشاں رد نہ انت - پرچا کہ بلوچستانے جنگلی میوہ بزاں کوُنر، کنر، جگّر،کلیر و دگہ بازیں - کلیر دار ا لوگے منگ جوڑ کن انت کلیرے دارا زمین نہ وارت - کلیرے واستہ دو بتل نامدار انت
۱ لج نہ کنت کلیرا کہ بے تاکا بر کنت
۲ دار کلیر انت کہ منگہاں سے جاگہ پُروشیت
اُوے زیرّک بات کہ لیڑو ڈاچیگاں کوشیت
|
|
Houbara175 viewsچرز
Charz
چرز یک ٹوہیں بالی مُرگے - چرزے تنی وھدی 32 ذات درگیجگ بوتگ انت - چرز ایشیا او افریکہ ء مرُگ انت - وھدے کہ میانی ایشیا گوریچ کشّگا بنگیج کنت گُڈا اے ٹوھیں مُرگا ترڑگا نیلیت، مجبور بیت او وتی بالاں بندیت دیم پہ گرمیں ھنداں ۰ بلوچستان اکتوبرے ھلاسی او نومبرے بندات ء سر بیت - چرز گیشتر، مدگ، کٹگ، میزوک، کڈوک، چریت، کیپُک، بالواں چینت او وارت - بلوچستان پہ چرزا ایمنیں جاہے نہ انت - مئے درملکی مہمان مئے میاراں شکار کن انت او ما وا وا کنیں
|
|
Solanum nigrum104 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔
|
|
A Balochi game142 viewsکپّگی
Kappagi
کپّگی بلوچانی یک کوھنیں گوازی ات ۔ کہ یک دست ءُ یک پادے گون ءَ کن انت ۔ اشیے کنگ ءَ چپّیں دست زیرنت ءُ وتی پُشتی نیمگا راستیں پاد ءَ گوں دست ءِ پنجگ ءَ دارنت ءُ یک پاد ءُ یک دست ءِ ہمرائیا یک دومیا اتر دیئنت ءُ تیلاک دیئنت ءُ تنکہ یک ءِ دومی ءَ دور بہ دنت یا کہ دست چہ پاد ءَ جدا بہ بیت ۔
|
|
Dracunculus vulgaris225 viewspeel gosh
پیل گوش
پیل گوش چونائیا فارسی زبان اشیے نام انت اے یوروپ ءُ امریکا یک زاتے پُل ء کہ اے پُل گوشت ء بوہ کنت ۔ بلے اے ایشیا ہم است انت ۔ اے پُل ء پشت ندارگ چے مالوم بیت کہ اے اکس بلوچستان کوھاں چہ کش اگ بوتگ ۔
|
|
Mango130 viewsامبُک
Ambok
اے امب ءِ بُر بوتگیں شاہ انت کہ کسان کسانیں امبُک پر کنگا انت ۔ امبُک اُرتیں امباں گش انت ۔ وھدے کہ امب کسان انت بزاں امبُک انت اے وھدا چہ تُرپشی ءَ ورگ نہ بیت بلے جنین ترپشین امباں وش ورانت ۔
|
|
Back of Bateel Mount215 views Bateel e Poshti nemag
کوہ ءِ باتیل ءِ پُشتی نیمگ ہم یک تلاہیں تیاب دپ ءِ بزاں بیچ ات - وھدے کہ تو ادا لوٹ ءِ سئیل بکن ات گڈا ہما روچ ءَ گچین بکن کہ مُج مہ بیت پرچا کہ مُج ءِ درگتا تو دور دور دیست نہ کنے ۔ چمیشکا ہما روچ ءَ گچین بکن کہ موسُم ساپ بہ بیت کہ تو وھدے چمّاں شانک دیے ترا بلوچ زرے جُلگیں آپ او شکار کنوکیں شاگ ساپ ساپ گندگ ءَ کاہنت اگاں دورگند ترا گون بہ بیت گڈا تئی ناہ ءَ دو گڈگ مان بیت ۔
اکس ءِ منّت واجہ ابوبکر ابو
|
|
|
|
Purslane74 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot143 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko65 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
