| Category |
Albums |
Files |
|
10 |
2,242 |
|
| 2,242 files in 10 albums and 1 categories with 908 comments viewed 437,022 times |
|
|
Balochistan spring135 viewsبہارگاہ
Bahargah
بلوچستان ءَ وھدے شریں موسمی ہور بگوارنت گڈا بہارگاہ پراہ روانت ۔ اے اکس ء توک ء کاہیچک گوں وتی زردیں پُلاں باز ڈولدار انت ۔
|
|
Techomella undulata265 viewsParpok
پرپُک بلوچستان ءِ ڈولدار تریں پُلاں چہ یک ءِ ہمے وڑا اے یک ڈولداریں پُل ءِ ۔ ہمے وڑا اے یک مہکیں ءُ ساھگ داریں درچک ءِ۔ اے زردیں پُل پر کنت کہ عجب بے مٹ ءُ بے درور انت۔ اشیے دار ہم مُہکیں دارے کہ بلوچاں کار گپتگ انت۔
شاعراں پرپُکے پُل ءِ نازُرکی گوں وتی مہگونگے نرم نازرکیں گُلاں تشبیع داتگ انت۔
|
|
172 viewsپارو
Parrow
اے کسانیں ول وڑیں درچک ءِ کہ زمین ءِ سرا پراہ روت ۔ انچو کہ انگور انت ۔ چو لیوارے وڑیں تاک پر کنت ءُ زمستان ءَ پُل پر کنت ءُ گرماگ ءِ وھداں اشیے بر پُہتہ بنت بزاں رس انت ۔ باز مردم اشیا فالودہ ہم گوش انت ۔ اشیے دانگ وھدے کٹیک انت ءُ سبز بنت وھدے کہ رس انت گڈا سُہر ءُ رند ترا سیاہ بنت ۔ اشیے تام باز وش ءُ شیرکن انت ۔ اے یک میوہ ءِ ۔
|
|
Schweinfurthia Papilionacea243 viewsدُروھُند
Drohond
اے یک کسانیں بوٹگ ء - ڈلپادیں ھند دمگاں پیداک بیت - اشیا گیشتر پہ درمان ء کارمرز کن انت - کیچ ء ہند دمگاں باز انت
|
|
Capparis Decidua276 viewsKalair
کلیر یک ٹوہیں درچکے - گیشتر ماں وڑ و گریشگاں رودیت - کلیر ڈولداریں پُل پر کنت - کلیر بر پرکنت برے ورانت و تامدارنت - منی ہیال ء اگاں ما کلیر ا میوہ بگوشاں رد نہ انت - پرچا کہ بلوچستانے جنگلی میوہ بزاں کوُنر، کنر، جگّر،کلیر و دگہ بازیں - کلیر دار ا لوگے منگ جوڑ کن انت کلیرے دارا زمین نہ وارت - کلیرے واستہ دو بتل نامدار انت
۱ لج نہ کنت کلیرا کہ بے تاکا بر کنت
۲ دار کلیر انت کہ منگہاں سے جاگہ پُروشیت
اُوے زیرّک بات کہ لیڑو ڈاچیگاں کوشیت
|
|
Roemeria hybrida143 viewsRoemeria hybrida
رومیریا
اے یک پُل ء کہ رنگ باز وش ءُ دولدار انت ۔بلے اشیے نام زانگ نہ بیت
|
|
Zizyphus nummularia, Berry173 viewsپنسیں کُنر
Pens Konar
پنس کنر ءِ یک زات ءِ کہ گیشتر کوہ ءُ ڈرّان رود ایت۔ اے باز کنتگی بیت ءُ سرا سِر کپگ نہ بیت ۔ اے مدام بُنژءَ بُنژ انت ۔ اے گیشتر اکتوبر تاں جنوری بر کنت اشیے دانگ کسان انت بلے وشیں بوہ کن انت ءُ شیرکن انت ، ءُ گڈگ ہم مزن انت ۔ وھدے زمانگ ءُ مردمان پنسیں کنر چُپتگ ءُ دوگیں شیر مان کتگ انت کہ ایشانی تام باز وش بوتگ انت ، بلوچستان ءَ مرچی ہم باز مردم کنرے چنگ ءَ ڈل ءَ روانت ۔
|
|
Eid celebration 175 viewsچکانی عید انت
Chokkani eid ant
عید چونائیا منی ھیالا گونڈوانی انت ۔ گونڈواں اگاں عیدے گد ءُ پُچ مہ بیت گڈا زمین ءُ آزمان ءَ یک کنت۔ چمیشکا کہ گونڈو اگاں گریبیں مردم ءِ چک بہ بیت بلے وتی لوٹ ءَ چہ دست بردار نہ بیت۔
|
|
|
|
Cordia subcordata63 viewsCordia
کورڑیا
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ Dec 16, 2024
|
|
Tadpole shrimp58 viewsTokko o Zarak
اشیا تُکو ءُ زراک گوش انت اے وھدے کہ ہور بیت کنڈ آپ ءَ پُر بنت اے ہمے کنڈے آپانی تہا پیداک بنت بلے اے دگہ ملکاں برنجانی آپانی تہا پیداک بنت ۔ او ڈنی ملکاں اشاں دکاناں بہا زور انت ءُ وی پیشی ءُ مُرگاں وارین ان ت۔ اشیا آپی مدگ ہم گوش ان ت۔ بلے اے سوریں آپ ءَ پیداک نہ بیت اے وشیں ہورانی آپان پیداک بیت ۔
Dec 06, 2024
|
|
Unknown bush67 viewsNam che ant
اشیے نام چے انت
باز ڈولداریں بوٹگے بلے اشیے نام اگاں کسے زانت آ کومنٹ بکنت منت وار بیں ۔Nov 26, 2024
|
|
Tecoma 49 viewsٹکوما
اے یک زردیں ڈولداریں پُل ات Nov 14, 2024
|
|
Purslane93 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama127 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis66 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt68 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
