| Category |
Albums |
Files |
|
10 |
2,243 |
|
| 2,243 files in 10 albums and 1 categories with 909 comments viewed 437,022 times |
|
|
Wood Apple174 viewsبٹو
Batoo
ملیر ءِ چپ چاگرد ءَ بیت، اے چو ٹینس ءِ بول ءِ وڑ ءَ انت، پوست ءِ سک (ڈڈّ) انت، آمگی ءَ تہل انت ءُ پچگ ءُ تیار بیگ ءَ پد اشی ناسی رنگیں ٹہا شِرک ءُ تْرپشیں مجگ ءِ در کئیت۔ بٹو ءِ درچک سک مزن بنت چو شِرِِِش ءِ وڑا بُرز ءُ پِراہ بالاد بیت۔
اکس ءِ منت ۔ واجہ سلمان بلوچ
نام ء منت واجہ شاید مراد
|
|
Baloch classic saw & sharpener 209 viewsداس ءُ سوّان
Das o Sowan
داس بلوچانی کوھنیں کشاورزی ءِ یک ازباب ءِ کہ بلوچستان ءِ داس ءَ کار گرانت ۔ داس ءِ سرا برنج ءُ کڑب ءُ گلّہ ءِ رون ءِ رونگ ءَ کارمرز کن انت ۔ داس ءَ چہ کاہ چن انت ءُ زمین آکوش انت۔ ہمے وڑا مچّانی لُٹ ءُ پیش ءَ داس ءَ کار گرانت ۔ داس وھدے کہ کنٹ بیت ، گڈا تیز کنگ ءِ واستہ سوہاں حاجت بیت ۔ چمیشکا داسانی ہمرائیا سوہان ہم جاڑیگ انت ۔
|
|
prosopis cineraria146 viewsKahoor lamb ant
کہیر لمب انت
وھدے کہور منج بیت- گُڈا چارگ کرزیت - باز ڈولدار اوبیت گیشتر شاہ و لمب ء لُوجان بنت - کہور ء گیشتر اُشتر چریت بلے سیاہ پس ہم کہورے ٹال و شنگراں وارت ۰ زمانگے مردوماں کہورے ھُشکیں شنگر وارتگ انت- بلے مرچاں کم ورانت ء - کہورے داراں لوگے سوُچگے زلورتاں پُورہ کن انت - لُوگے و کاپرے واستہ مناگ، تیر، لاپدار، چُکّو جوڑ کن انت - ڈنگراں چہ پل بندنت - بزاں کہورے ہچ چیز چگل نہ دینت
|
|
Plantago boissier156 viewsدانیچک
Danichk
دانیچک یک کسانیں کاہ ات، بلے بلوچستان ءَ اشیے ٹوھیں ارزشت ءِ بوتگ ، دانیچک ءِ چنگ ءَ جننیناں سپت زُرتگ ءُ جنگل ءَ پہ دانیچک ءِ چنگ ءَ شتگ انت ۔ دانیچک زرتگ پنگ جوڑ کتگ انت ، بلے مرچاں آ پیشی وھد گوستگ انت ، نوں کس وتی سراں دانیچک نہ جنت ۔ چونایا دانیچک دوائے کہ لاپ ءِ بادینگ ءَ شر انت ۔
|
|
Sand Partridge229 viewsسیسوگ
Sesog
سیسو یا سیسوگ یا سیسیگ بلوچستان ءِ کوہ ءُ کور بل ءُ گریشگ ، دشت ءُ لدانی سپاہ انت ۔ بلے مئے مردم ایشاں شکار کن انت ۔ ھلاسی ءَ سر کُتگ انت۔ سیسو باز نرمیں مُرگ ءِ رم ءِ شکلا آپ ءَ روانت ، اے یک سیسوے چو کککڑے وڑا دوازدہ چہ ہژدہ ہیک دنت ۔ سیسو وتی کسانیں چرواں آپ ءَ بارت۔ دگہ مُرگ آپ وت بر انت ءُ وتی چرواں دیینت۔
|
|
Aapotag135 views
Aapotag
آپوتگ یک بے تاکیں بوٹگ ءِ کہ مدام پہ رودگ ءَ دگہ درچکانی کمک ءَ چہ رودیت ۔ ہم جاہ رودیت کہ اودا آپ مہ بیت ایوکا آپ بگوزیت ءُ نمبگ بہ بیت اے زنڈ زنڈوکیں کنٹ ءِ چہ آپ ءَ پُریں ۔ اشیا بلوچ وارت ءُ اشیا یک سلاد ءِ زانت بلے من آپوتگ ءِ سبزی ءِ ناروشت جوڑ کتگ کہ باز تامدار بوتگ انت ۔ شما ہم آپوتگے ناروشت جوڑ بکن انت کہ باز وشیں ءُ جتائیں تام کنت ۔
|
|
Melon292 viewsTejag
تیجگ
تیجگ ولّ ء چہ تیجگ پر بیت - تیجگے ولّ زمین ء سرا پراہ روت، زردیں ڈولداریں پُل ء پر کنت بے ولّے ہمک پُل بر نہ بنت - وھدیکہ بر کسان بیت گڈا کرٹ ء گوشنت ، کمّے مستر بیت گڈا لوُش ء گوشنت، لوش ء رند تیجگ بیت وھدیکہ تیجگ بیت بزان پہ ورگاجاڑی انت -۔
|
|
Italian senna (Senna italica)204 viewsKaspind
کسپنڈ
کسپنڈ یک کسانیں بوٹگ ء گرماگی روچاں سر سبز شاداب بیت - ادا کسپنڈ پُل انت - کسپنڈے پُل زرد انت او ڈولدار انت - چونایا کسپنڈ ء پہ درمان کار مرز کن انت - انچو کسپنڈ درمان ات ہمے وڈا ڈولداریں پُل ات - کسپنڈ گیشتر ھُشکاوگیں ڈگاران یا ڈگارواں کوہاں رودیت -۔
|
|
|
|
Centipede0 views
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔Dec 25, 2024
|
|
Cordia subcordata63 viewsCordia
کورڑیا
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ Dec 16, 2024
|
|
Tadpole shrimp58 viewsTokko o Zarak
اشیا تُکو ءُ زراک گوش انت اے وھدے کہ ہور بیت کنڈ آپ ءَ پُر بنت اے ہمے کنڈے آپانی تہا پیداک بنت بلے اے دگہ ملکاں برنجانی آپانی تہا پیداک بنت ۔ او ڈنی ملکاں اشاں دکاناں بہا زور انت ءُ وی پیشی ءُ مُرگاں وارین ان ت۔ اشیا آپی مدگ ہم گوش ان ت۔ بلے اے سوریں آپ ءَ پیداک نہ بیت اے وشیں ہورانی آپان پیداک بیت ۔
Dec 06, 2024
|
|
Unknown bush67 viewsNam che ant
اشیے نام چے انت
باز ڈولداریں بوٹگے بلے اشیے نام اگاں کسے زانت آ کومنٹ بکنت منت وار بیں ۔Nov 26, 2024
|
|
Tecoma 49 viewsٹکوما
اے یک زردیں ڈولداریں پُل ات Nov 14, 2024
|
|
Purslane93 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama127 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis66 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
