| Category |
Albums |
Files |
|
10 |
2,243 |
|
| 2,243 files in 10 albums and 1 categories with 909 comments viewed 437,022 times |
|
|
Rain Cultivation land196 viewsکوری کشاری زمیں
Kori Kishari zamin
وھدے کہ بلوچستان ء گرماگی ہور بہ بنت گڈا بلوچستان باز جاھاں سُہرو، ماش، پرماش، گُہاروک، کُٹّگ دھل کش، تیجگ، ء انت - اے اکس ءِ توک ءَ چہ دور ءَ کشار گندگ بنت۔
|
|
Ridge Gourd 146 viewsتوری
Tori
توری چونایا گیشتر افریکہ ءُ ایشیا ءَ کشت ءُ کشار بیت ۔ توری یک ول ءِ کہ درچک ءُ داراں سِر کپیت ءُ توری گیشتر سبزی بزاں نارُشت جوڑ کن انت ۔ اے کسانی ءِ درگت ءَ نارُشت بیت وھدے کہ مزن یا کہ پُہتہ بہ بیت تا آئیے توک ءَ یک اسپنج ءِ جوڑ بیت کہ پہ جان شودگ ءُ کار مرز بیت ۔
|
|
186 viewsHoleeg
ھولیگ ہما دراجیں دارآئیے سرا پتنیں تھتگ ءِ ٹکّر بستگ انت ۔ ایشاں چپّگ یا چپّو گوش انت کہ ایشانی ہمے سربزاں دریائے آپ بند بنت ءُ یدّار ءَ رشت دیینت ہمے وڈا یدّار دیم ءَ رواں بیت ۔
|
|
Grape186 viewsAngoor
انگور
انگور یک میوہ ات - کہ آیے درچک چو ولّے وڈا رودیت - انگورے یک ھُوشیا پنچ ء بگر تاں پنچ سد دانگ بر پر بیت - انگورے میوہ باز شیرکن او تامدار انت - انگورا چہ شراب او شربت جوڈ کن انت - گیشیں انگورانی دانگاں تاپ کن انت او ھُشک کن انت او کشمش جوڈ بنت - کشمش ء چہ بریانی او کیک جوڈ کن انت - بلوچستانے بالائی ھند او دمگ بزاں سوراب قلات منگوچر مستونگ سرباز پنجگور ء انگورے بے ھسابیں باگ است -۔
|
|
Naam?149 viewsنام
Naam?
اے چونایا سورگ ءِ یک زات ءِ باز ڈولداریں ریمُک ءِ اگان شمارا اشیے نام مالوم انت گڈا کومنٹ کن انت ، شمے منت وار بئیں۔
|
|
145 viewsکوہی بوُد
Kohi Bod
کوہی بود یک کسانیں درچک ءِ گیشتر کوہانی دیماں رودیت ۔ کوہی بود ءِ درچک کسان بیت ءُ ءُ گیشتر وھداں اشیا تاک پر نیست ۔ بلے گرماگ ءَ کسانیں تاک تنک تنک ءَ پر کنت ۔ اشیے کنٹ ءَ کم ءِ ٹپ کن انت چریشیا اے درچکے کنٹ ءَ چہ سُسُر پر کنت ۔ اے سُسُر ءَ وھدے زمانگ ءَ ھُشترے ریش ءَ دوا ءِ پیم ءَ پر کتگ انت ۔ کوہ بود ءِ سُسُر لوگ ءَ ایر بہ بیت گڈا لولوک لوگ ءَ نہ روانت ۔ پرچا کہ کوہی بود ءِ بوہ تُرند انت ۔
|
|
Nanorrhops ritchieana152 viewsکونر
Kounar
داز بلوچانی زندے ٹُوہیں کوُنش است - پرچا کہ بلوچ چہ داز ء تگرد، پات، گورپات، سواس، سپت، کپات اُو دگہ بازینے جُوڑ کن انت کارمرز کن انت - بلے وہدے کہ داز پیر اُو ھلاس بیت گڑا یک ھُوشے پرکنت چو مچّے وڈا پپُک پرکنت کہ کوُنر گوشنت ء وراگ تامدار انت
|
|
Chasteberry148 viewsگوانیک
Gowanik
گوانیک ٹُوہیں درچکے بلے بلوچستان ء گیشتر شیپانی لمب ء کش انت ء کہ ہُورے درگتا شیپانی آپ میتگ اُو ڈگاراں تاوان مہ دنت - گوانیک ڈولداریں پُل ء پر کنت - اگاں گونیک ء تاکاں وتی لوگے کش او گواران ہیر بکن ات گڈا مگسک تئی لوگ ء یلہ کن انت - ڈنّی مُلکاں گوانیک ء چہ آتار جُوڈ کن انت
|
|
|
|
Centipede0 views
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔Dec 25, 2024
|
|
Cordia subcordata63 viewsCordia
کورڑیا
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ Dec 16, 2024
|
|
Tadpole shrimp58 viewsTokko o Zarak
اشیا تُکو ءُ زراک گوش انت اے وھدے کہ ہور بیت کنڈ آپ ءَ پُر بنت اے ہمے کنڈے آپانی تہا پیداک بنت بلے اے دگہ ملکاں برنجانی آپانی تہا پیداک بنت ۔ او ڈنی ملکاں اشاں دکاناں بہا زور انت ءُ وی پیشی ءُ مُرگاں وارین ان ت۔ اشیا آپی مدگ ہم گوش ان ت۔ بلے اے سوریں آپ ءَ پیداک نہ بیت اے وشیں ہورانی آپان پیداک بیت ۔
Dec 06, 2024
|
|
Unknown bush67 viewsNam che ant
اشیے نام چے انت
باز ڈولداریں بوٹگے بلے اشیے نام اگاں کسے زانت آ کومنٹ بکنت منت وار بیں ۔Nov 26, 2024
|
|
Tecoma 49 viewsٹکوما
اے یک زردیں ڈولداریں پُل ات Nov 14, 2024
|
|
Purslane93 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama127 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis66 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
