| Category |
Albums |
Files |
|
10 |
2,243 |
|
| 2,243 files in 10 albums and 1 categories with 909 comments viewed 437,022 times |
|
|
Rainbow 387 viewsسنج یا درین
سنج ہپت رنگانی مُچّی انت، کہ ہور ء گوارگا رند زاہر بیت - سنج قدرتے بے مٹّیں ندارگ انت، بلے اگاں سنج بلوچستان ء کوہ اُو جُمپانی سربرا زاہر بہ بیت گڈا ندارگ بے مٹ وُ بے درور بیت
مُلا فاضُل گوشیت
بُوہ امُلّا ماں کدّھاں زرّیں مینتگاں
سنج و گوناپ پہ کہیب زُلپ ء کشّتگاں
|
|
Dove is flying154 viewsکپوت چہرءَ انت
Kapot chahra ant
کپوت بال مدامی کنت بلے چہر برے برے کنت ۔ وھدے کہ بلوچستان ءَ گللہ رون بیت کپوت ہم بلوچستان ءِ رون ءَ ہم کیئت ءُ بلوچستان ءِ گرمیں موسم ءَ نپ چست کنت ءُ ہمدا وتی سپرے درگت ءَ چک ءُ بر کنت ۔ چک ءُ برے درگت ءَ کپوت بُرزیں درچک یا دارگرے سر ءَ نند ات ءُ یکدم بُرزا بال کنت ءُ بُرز روت پدا وتا یل کنت ءُ میزان میزان ءَ کپوت جہل ءَ کیئت ۔ اے بال کنگ ءَ بلوچ گوش انت کہ کپوت چہر کنگا انت ۔
اے اکس ءِ توک ءَ کپوت چہر کنگ ءَ انت ۔
|
|
Sun Halo117 viewsRoch jowwan
روچ جُوًان
ما باز رند ءَ ماہ دیستگ کہ گرد گردیں روژنائیانی تہا بند انت ۔ بلوچاں گوشتگ کہ ماہ جُوًان انت ۔ بزاں اے سال یک آبادیں سال ءِ بیت ۔ بزاں ہور ءُ بہار گاہ کشت کشار وڑ وڑیں چیز بیت ۔ بلے گوستگیں روچاں روچ ہم ہمے پیم گندگ بوتگ ۔ پاکستان مردم ہمے گوش انت کہ اے ماہ ءُ روچ ءِ مُندریک انت ۔ بلے چونایا وھدے کہ آزمان ءَ جمبر باز بیت بلے ہما جمبر برپ ءِ کرسٹل جوڑ بہ بیت گڈا زمین ءِ مردم ہنے گند انت کہ روچ یا کہ ماہ دیم گرد گردا رژن گندگ بیت ۔
|
|
Italian senna (Senna italica)204 viewsKaspind
کسپنڈ
کسپنڈ یک کسانیں بوٹگ ء گرماگی روچاں سر سبز شاداب بیت - ادا کسپنڈ پُل انت - کسپنڈے پُل زرد انت او ڈولدار انت - چونایا کسپنڈ ء پہ درمان کار مرز کن انت - انچو کسپنڈ درمان ات ہمے وڈا ڈولداریں پُل ات - کسپنڈ گیشتر ھُشکاوگیں ڈگاران یا ڈگارواں کوہاں رودیت -۔
|
|
Frankincense (Boswellia serrata)127 viewsکُندریک
Kondrick
کندرک یک ٹوہیں ءُ ساہگ داریں درچک ءِ۔ اے درچک دار ءَ چہ سُسُر پیداک بیت۔ اے سُسُر ءَ کندرک گوش انت ، کندرک ءَ پہ تہلگ کار مرز کن انت، کندرک ءَ چو سوچُکی پیما بُن دیینت ءُ دوتاں وشیں بوہ تالان بیت ۔
|
|
Tiger175 viewsمزار
Mazar
مزار یک ساہدارین رستر ءِ۔ چہ پیشی ءِ کٹم ءَ سیادی کنوکیں مستریں رستر انت ۔ ایشیے درجی 11 فُٹ بوت کنت ءُ وزن 300 کیلو بوت کنت ۔ ءُ 26 سال زندگ بوت کنت ۔ اے گیشتر ایشیا بزاں بزاں انڈیا ئے کش ءُ گورے حند ءُ دمگاں است انت ۔ بلے اے میانجی ایشیا ء کش ءُ گواراں بزاں یوروپ ءِ زرباریں ھنداں ءُ ترکی ءَ موجود انت ۔ وھدے زمانگاں بلوچستان ءَ ہم بوتگ بلے مرچاں بیگواہ انت ۔
|
|
Caesalpinia gilliesii124 viewsسیسل پینیا
چونائیا اے درچک بلوچستان ءِ نہ انت بلے من لوٹاں کہ اے درچکانی باروا بزان انت ۔ اے درچک انت بلے ڈولداریں پُل پر ہم کن انت ۔
|
|
203 views
Kohi Pendal
کوہی پنڈال
کوہی پنڈال بہار کاہ ءِ ۔ جمو ءُ زرد رنگیں پُل پر کنت - وھدے کہ بر پر کنت چو دراجیں کُنٹگ ءِ وڑین کوسرک بنت ۔ بلے تُرند نہ انت ۔ ڈولداریں بہار کاہ ءِ۔
|
|
|
|
Centipede0 views
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔Dec 25, 2024
|
|
Cordia subcordata63 viewsCordia
کورڑیا
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ Dec 16, 2024
|
|
Tadpole shrimp58 viewsTokko o Zarak
اشیا تُکو ءُ زراک گوش انت اے وھدے کہ ہور بیت کنڈ آپ ءَ پُر بنت اے ہمے کنڈے آپانی تہا پیداک بنت بلے اے دگہ ملکاں برنجانی آپانی تہا پیداک بنت ۔ او ڈنی ملکاں اشاں دکاناں بہا زور انت ءُ وی پیشی ءُ مُرگاں وارین ان ت۔ اشیا آپی مدگ ہم گوش ان ت۔ بلے اے سوریں آپ ءَ پیداک نہ بیت اے وشیں ہورانی آپان پیداک بیت ۔
Dec 06, 2024
|
|
Unknown bush67 viewsNam che ant
اشیے نام چے انت
باز ڈولداریں بوٹگے بلے اشیے نام اگاں کسے زانت آ کومنٹ بکنت منت وار بیں ۔Nov 26, 2024
|
|
Tecoma 49 viewsٹکوما
اے یک زردیں ڈولداریں پُل ات Nov 14, 2024
|
|
Purslane93 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama127 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis66 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
