| Category |
Albums |
Files |
|
10 |
2,242 |
|
| 2,242 files in 10 albums and 1 categories with 908 comments viewed 437,012 times |
|
|
Meisk168 views
میسک
Meisk
میسک سورگ ءِ زاتیں ریمُک ءِ اشیے کسانیں گللڑیں تاک پر کنت کہ چہ آپ ءَ پُر انت ۔ زمانگ ءِ مردمان میسکانی تاک چنڈ اتگ انت ءُ پدا اے متگ ءُ پُشک جوڑ کتگ انت ۔ چہ میسک ءِ پُشکاں چہ بلوچ جنیناں وتی سر شُشتگ انت ۔ اے وھدے سابونانی کار داتگ انت ۔ بلے مرچاں میسکاں کس دپی جُست ءِ ہم نہ کنت ۔ میسک جوانیں ءُ ڈولداریں پُل پر کنت کہ بوہ ءِ وش انت ۔
|
|
Green bee eater149 viewsکرکی
Karki
کرکی ءَ باز ھنداں نیلاں گوھرامُک گوش انت۔ کرکی بلوچستان ءِ وتی مُرک انت ۔ کشارانی ہمرنگیں بلے بُرزی نیمگا کمّ ءِ سُہری است۔ اے بالو پاتو کٹگ کرم شکار کنت۔ اے کسانیں بالی مُرگ ءِ بلے اشیے مستریں زات ءِ استیں کہ موسم ءِ سرا کئیت پدا واتر بیت۔
|
|
Kingfish259 viewsGor
گور
گور یک شکاری ماھیگ ءِ کہ مدام سوریں دریا ءِ بُرزی نیمگا گردیت او گیشتر تیابدپی ہنداں بلے زرے تہا ہم گردیت ۔ اے گیشتر 5 کیلو تاں 9 کیلو بیت بلے 40کیلو ہم بوت کنت، اے ماہیگ کسانیں ماھییگ گیپ ءُ وارت
|
|
Salsola 134 viewsAnshag
انشگ کسانیں درچکے کہ گیشتر ماں سورگیں جاہاں رودیت - بہارے ھوراں رودیت بلے گرماگ ء ہم زندگ بیت - اشیے تاک گْگ بنت و آپ ء پُر بنت - اشیا بیدے اْشترا دگہ دلوت نہ چرانت
|
|
Potronk143 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
118 views
Kalair
کلیر
کلیر یک ٹوہیں درچکے - گیشتر ماں وڑ و گریشگاں رودیت - کلیر ڈولداریں پُل پر کنت - کلیر بر پرکنت برے ورانت و تامدارنت - منی ہیال ء اگاں ما کلیر ا میوہ بگوشاں رد نہ انت - پرچا کہ بلوچستانے جنگلی میوہ بزاں کوُنر، کنر، جگّر،کلیر و دگہ بازیں - کلیر دار ا لوگے منگ جوڑ کن انت کلیرے دارا زمین نہ وارت - کلیرے واستہ دو بتل نامدار انت
۱ لج نہ کنت کلیرا کہ بے تاکا بر کنت
۲ دار کلیر انت کہ منگہاں سے جاگہ پُروشیت
اُوے زیرّک بات کہ لیڑو ڈاچیگاں کوشیت
|
|
Argyrosomus japonicus119 viewsKer
کِر
کِر یک ماھیگ آئیے وزن 30 تا 40 کیلو ءُ دراجی 1 میٹر ءُ نیم بیت ۔ اے بلوچستان ءِ تیاب دپاں پہ ہیک رینے وھد ءَ گیشتر شکار کن انت ۔ اشیے توک بلیڈر است انت کہ اشیا چہ ریشم جوڑ بیت ءُ ریشم انسانی دلانی آپریشن وھدا ٹانکا کن انت ۔ ءُ چین وڑیں ملک کرے بلیڈر پہ پاد ءُ دستانی جوڑانی درد ءَ ہم ورانتے ءُ جسمانی کمزوریاں ہم کار مرز کن انت ۔
ادا کرے ماھیگ ءِ بلیڈر اکس پُشت ءُ دیم ءُ ماھیگے جندے اکس انت ۔
اکس منت ۔ اختر عمر
|
|
Swallow and family 241 viewsپیپی پلستان
Pipi Plestan
پیپی پلستان کسانیں بالی مُرگ ءِ کہ گیشتر وتی وھد ءَ پہ بال گوازین ات ۔ بال ءِ درگت ءَ پاتو ءُ بالو گپت وارت۔ بلوچستان ءِ باز ھنداں ایشارا بابیل ہم گوش انت، چونایا بابیل عربی لبز ابابیل ءَ زورگ بوتگ ۔ اے مدام چہ انسان ءَ نزیک ءَ ترو گرد کنت۔ ہم اگاں موہ براسیت لوگانی توک ءَ کدو بند ات ءُ ھیک دنت۔
ادا لوگے تہا پیپی پلستان ءَ چُک کتگ ۔
|
|
|
|
Cordia subcordata60 viewsCordia
کورڑیا
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ Dec 16, 2024
|
|
Tadpole shrimp58 viewsTokko o Zarak
اشیا تُکو ءُ زراک گوش انت اے وھدے کہ ہور بیت کنڈ آپ ءَ پُر بنت اے ہمے کنڈے آپانی تہا پیداک بنت بلے اے دگہ ملکاں برنجانی آپانی تہا پیداک بنت ۔ او ڈنی ملکاں اشاں دکاناں بہا زور انت ءُ وی پیشی ءُ مُرگاں وارین ان ت۔ اشیا آپی مدگ ہم گوش ان ت۔ بلے اے سوریں آپ ءَ پیداک نہ بیت اے وشیں ہورانی آپان پیداک بیت ۔
Dec 06, 2024
|
|
Unknown bush67 viewsNam che ant
اشیے نام چے انت
باز ڈولداریں بوٹگے بلے اشیے نام اگاں کسے زانت آ کومنٹ بکنت منت وار بیں ۔Nov 26, 2024
|
|
Tecoma 48 viewsٹکوما
اے یک زردیں ڈولداریں پُل ات Nov 14, 2024
|
|
Purslane93 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama127 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis66 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt68 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
