| Category |
Albums |
Files |
|
10 |
2,243 |
|
| 2,243 files in 10 albums and 1 categories with 909 comments viewed 437,030 times |
|
|
Balochi classic bread144 viewsSeserk
سیسرک
سیسرک یک نان ءِ بلے اشیا گیشتر عیدانی سہب ء سرا جوڑ کن انت اشیے آرت ء تر کنگ ءَ گیشر آپ مان کن انت ءُ تین ءِ ایر کن انت ءُ آئیے سرا شکر پر کن انت ۔ اے نان یک شرکنیں نان ۔ اشیا گیش تر وشیں روچاں جوڑ کن انت ۔
|
|
Viper158 viewsگر
Garr
گر یک سکیں تُرسناکیں مارے ۔ گرے بلوچستان نزے دہ چہ پانزدہ زات است انت بلے ہُمک ھنداں ایشانی نام دگر انت ۔ چوش کہ 1 جیل، 2 لُک، 3 کانٹی، بلے دگہ بازیں است۔
|
|
Name please135 viewsاے ڈولداریں پُل
بلوچستان سُرمگیں کوھانی زینت انت ۔ بلے چوش کہ نوکیں دورے بلوچ ایشاں پجہ نیا ر انت ۔ اگاں کسے اے ڈولداریں پُل ءِ نام زانت گڈا اشیا کومنٹ بکن ات ۔ منت وار بیں ۔
|
|
Camels Cows and Goats127 views
بگ، رمگ ءُ گورُم
اے اکس بلوچستان ء گوستن بزاں ماضی ءؐ پیش داریت کہ بلوچ پہ وتی دلوتانی واستہ کہچر شوہاز کتگ ، اے اکس ء تہا ہُشترانی بگ، پسانی رمگ ءُ گوکانی گورُم گندگ بنت ۔
|
|
Nannorrhops ritchiana210 viewsداز اُو کوُُنر
کوُنر کُنرے بانک انت
سال ء دو بر پاگ دنت
داز بلوچانی زندے ٹُوہیں کوُنش است - پرچا کہ بلوچ چہ داز ء تگرد، پات، گورپات، سواس، سپت، کپات اُو دگہ بازینے جُوڑ کن انت کارمرز کن انت - بلے وہدے کہ داز پیر اُو ھلاس بیت گڑا یک ھُوشے پرکنت چو مچّے وڈا پپُک پرکنت کہ کوُنر گوشنت ء وراگ تامدار انت
|
|
Hashti. a Balochi game322 viewsHashti
ھشتی
ھشتی بلوچانی کوہنیں گوازی انت ۔ ھشتی یا ھشتاں چوکی مرچی ہم بلوچ مہلونک لیب کنگا انت ۔ اے لیب ءَ چار در کہ آہاں پُشت ءُ دیم کن انت ۔ او ایشاں دگہ دارے کہ کلّانی میان ءَ مک انت، ہمیشیے سرا جن انت ۔ اگاں چارین دار دیم چیر کپ انت ۔ بزاں ہشت زانگ بیت اگاں پشت سر کپ انت گڑا چار زانگ بیت ۔ ہمے وڈا یک ءُ دو ءُ سے ہم بنت ۔ یک مردم دو چُک بنت بلے چکانی پچ بوّگ ءَ ہشت یا چار جنگ لازمی انت ۔
|
|
Carthamus oxyacantha83 viewsمزارکاہ
Mazarkah
مزارکاہ کسانیں کاہ ءِ کہ بہاگاہ ءِ وھد ءَ پیداک بیت ۔ اے زردیں ءُ گلابییں پُل پر کنت ۔ اے گیشتر پٹ ءُ میداناں رُدیت ۔ اے چو سگ دنتان ءِ وڑیں کاہ ءِ اشیے کسانیں دانگاں پہ تہلگ کار مرز کن انت ۔ اے گیشتر افریکہ بگر تاں ھند ءَ اے ہُشکاوگیں جاہاں رودیت ۔
اکس منت وار واجہ سدھیر
|
|
Houbara bustard147 viewsچرز
Charz
چرز یک ٹوہیں بالی مُرگے - چرزے تنی وھدی 32 ذات درگیجگ بوتگ انت - چرز ایشیا او افریکہ ء مرُگ انت - وھدے کہ میانی ایشیا گوریچ کشّگا بنگیج کنت گُڈا اے ٹوھیں مُرگا تررگا نیلیت، مجبور بیت او وتی بالاں بندیت دیم پہ گرمیں ھنداں ۰ بلوچستان اکتوبرے ھلاسی او نومبرے بندات ء سر بیت - چرز گیشتر، مدگ، کٹگ، میزوک، کڈوک، چریت، کیپُک، بالواں چینت او وارت - بلوچستان پہ چرزا ایمنیں جاہے نہ انت - مئے درملکی مہمان مئے میاراں شکار کن انت او ما وا وا کنیں
|
|
|
|
Centipede3 views
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔Dec 25, 2024
|
|
Cordia subcordata64 viewsCordia
کورڑیا
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ Dec 16, 2024
|
|
Tadpole shrimp58 viewsTokko o Zarak
اشیا تُکو ءُ زراک گوش انت اے وھدے کہ ہور بیت کنڈ آپ ءَ پُر بنت اے ہمے کنڈے آپانی تہا پیداک بنت بلے اے دگہ ملکاں برنجانی آپانی تہا پیداک بنت ۔ او ڈنی ملکاں اشاں دکاناں بہا زور انت ءُ وی پیشی ءُ مُرگاں وارین ان ت۔ اشیا آپی مدگ ہم گوش ان ت۔ بلے اے سوریں آپ ءَ پیداک نہ بیت اے وشیں ہورانی آپان پیداک بیت ۔
Dec 06, 2024
|
|
Unknown bush67 viewsNam che ant
اشیے نام چے انت
باز ڈولداریں بوٹگے بلے اشیے نام اگاں کسے زانت آ کومنٹ بکنت منت وار بیں ۔Nov 26, 2024
|
|
Tecoma 49 viewsٹکوما
اے یک زردیں ڈولداریں پُل ات Nov 14, 2024
|
|
Purslane93 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama127 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis66 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
