| Category |
Albums |
Files |
|
10 |
2,243 |
|
| 2,243 files in 10 albums and 1 categories with 909 comments viewed 437,033 times |
|
|
Grasshopper 239 viewsGorri Madag
گُرّی مدگ
گُرّی مدگ ہم یک کٹگ ء اے گیشترا میدان او کشارانی تہا دست کپیت - گُرّی مدگ ء جنگ او کُشک بلوچ شر نہ لیک انت - پرچا اے بی ھیریں او بے تاکیں کٹگ انت - اے مردما گندات بلے بال نہ کنت - اشیا مالوم بیت کہ اے ایوکیں کٹگ انت کہ انسان دوست انت - چمیشکا بلوچ گُرّی مدگ ء نہ جن انت او گار و گور نہ کن انت - او وتی چُکّاں مکن کن انت -۔
|
|
Grapes Tree135 viewsAngoor e drachk
انگور ءِ درچک
بلوچستان ءَ انگورے درچک کش انت ءُ ایشانی ثمراں بہا کن انت ۔ بلے انگورے کش اگ تنیگا نزان انت ۔ اے انگورے درچک انت من کشتگ ءُ من اشیا زمین ءِ سرا نہ واپینتگ بگندے من اشیا مک کتگ بزاں ہوشتارینتگ ۔ انگورے درچکان اگاں تو چو ول ءِ وڑا واپین ءِ تاں اے شر بر پر نہ کن انت ۔ اشاں تو چو ایدگہ درچکانی وڑا مک بکن بزاں ہامودے وڑا تچک ءُ شش چہ دہ فُٹ بہ گڈ ات تنکہ ہما جاہ شاہ لمب بہ بیت ۔ دگہ آئی کنٹ بزاں ماتیں دار ءَ ہچ وڑیں جمل جنگ مئییل ات ۔ اے وھدے کہ برز بیت ءُ شاہ ءُ جمل یک ءُ دو فُٹ اندرا بہ بنت ۔ پنچ چہ دہ شاہ ءَ گیشتر مہ بنت ۔ وھدیکہ انگور شاہ ءُ لمب بیت ہمک سال فروری ءِ گڈسرا ااشیے شاہ بہ چن بزاں شاھاں گوڈ ۔ بلے نوکیں شاہ جنت نوکیں شاھانی ہمرائیا آ بور ءُ بر بزاں سمر پر کنت ۔
|
|
Black chucked Bulbul164 viewsکولی
Koli
کُلی بزاں بُلبُل کسانیں بالی مُرگ ء کہ بلوچستان ء درچک دارانی، کشارانی، باگ و پُلّانی، اوبہارانی زینت انت - کُلی وتی ہمراہ ء جدائی یا باز دلسوزیں پریاد کنت - بلے بہار او پلانی توکا آشقی الہان کنت کہ کہ ھمک عاشق ء وتی نیمگا دلگوش گور کنائین ات - ۔
|
|
Suaeda aegyptiaca161 viewsسیمسُور
Simsor
سمسور کسانین بوُٹگ ء کہ گیشتر ماں سُوراگیں جاہاں رودیت - اشیے تاک نلُک انت چہ آپا پُر انت - وھدے کہ کسان بیت گُڈا مردم اشیا چوُ سلادے پیما ورنت ء - کمّے سُور تام انت بلے وراگ ء وش انت ۔ ادا اے سمسور پیر انت وراگی نہ انت ۔
|
|
130 views
|
|
Bottle Gourd 117 viewsکدّو
Kaddo
کدّوے چونایا باز زات انت ۔ ایشانی توک ءَ دراجیں گردیں ۔ ودی بیت ۔ کدّو گیشتر افریکہ ۔ ایشیا ۔ یوروپ ءُ امریکہ پیداک بیت ۔ بلے ایشیے بُنجل زمبابوے افریکہ انت ۔ ایشیارا کسانی ءَ دانگ ءِ سبزی جوڑ کن انت ءُ ورانت بلے وھدے کہ پُہتہ بیت گڑا اے باز ترند بیت ۔ ایشیے توک ءِ توماں درکن انت ءُ جندے پہ پیپ کارمرز کن انت
|
|
ID Pls.228 viewsپجّار درکار انت
Pajjar darkar ent
اے کسانیں درچک کہ باز پٹک انت۔ اے چو کہورے وڈا منج انت۔ تاک کہیر ءُ چگرد ءِ میان انت۔ کُنٹگ چو چگرد ءَ کستر انت۔ اے نہ شنگر پر کنت نہ سمّڑ ، بلکیں زنڈوکیں دانگ انت ۔ وھدیکہ پُھتہ بنت سُہر تررنت ، بلے رندا سیاہ بنت ، اے درچک ءَ گوستگیں سالے بر پر انت ۔ اے اکس ءَ پہنیام بکن ات ءُ اُرت اُرت ءَ بچارت ءِ بلکین شما جاہ کار ایت ءِ ۔ شمے کومنٹانی راہچار
اڈمن
|
|
Balochistan cultivated land142 viewsگلزمین ءِ کشار
Golzamin e kishar
بلوچ گلزمین پہ کشار ءَ دل ءَ حساب انت ۔ بلوچستان ءِ زمین ءِ پیمیں زمین باز کم مُلکاں است انت ۔ چیا کہ بلوچستان زمین چہ گرمیں دریا ءَ بندات بیت کہ ادا گرمی کساس چل ءُ ہشت ءَ سر بیت ۔ چہ کوہ مُردار ءَ کٹ ات کہ اودا سردی بیست پنچ جہل ءِ صفر انت ، تو ہمے زانگ بیت کہ دگنیاہ ءَ ھر وڑیں دھل بہ بیت کہ میوہ سبزی بلوچستان ہمک وھدااں کشت کنے ۔ اگاں مارا چماٹہ کشگی انت۔ جنوری تا اپریل ءَ مکران ءَ ، مارچ تا جون ءَ جھلاوان ءَ اپریل تا دسمبر قلات ءُ سراوان چماٹہ پاگ دنت، اے وڑیں سر ڈگار دگنیاہا باز کم انت ۔
|
|
|
|
Centipede3 views
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔Dec 25, 2024
|
|
Cordia subcordata64 viewsCordia
کورڑیا
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ Dec 16, 2024
|
|
Tadpole shrimp58 viewsTokko o Zarak
اشیا تُکو ءُ زراک گوش انت اے وھدے کہ ہور بیت کنڈ آپ ءَ پُر بنت اے ہمے کنڈے آپانی تہا پیداک بنت بلے اے دگہ ملکاں برنجانی آپانی تہا پیداک بنت ۔ او ڈنی ملکاں اشاں دکاناں بہا زور انت ءُ وی پیشی ءُ مُرگاں وارین ان ت۔ اشیا آپی مدگ ہم گوش ان ت۔ بلے اے سوریں آپ ءَ پیداک نہ بیت اے وشیں ہورانی آپان پیداک بیت ۔
Dec 06, 2024
|
|
Unknown bush67 viewsNam che ant
اشیے نام چے انت
باز ڈولداریں بوٹگے بلے اشیے نام اگاں کسے زانت آ کومنٹ بکنت منت وار بیں ۔Nov 26, 2024
|
|
Tecoma 49 viewsٹکوما
اے یک زردیں ڈولداریں پُل ات Nov 14, 2024
|
|
Purslane93 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama127 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis66 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
