| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,900 times |
|
|
Bar B Que133 viewsباربیکیو
Barbique
باربیکیو چونیا ڈنی لبز ءِ کہ کارمرز بیت ۔ بلے بلوچستان ءَ انگتہ اشیا کباب ءُ تکّہ گوش انت ۔ اشیے جوڑ کنگ ءَ گوشت درکار بیت ۔
|
|
Maerua crassifolia 248 viewsجُگر ماں کوہ ءِ دلبند ءَ
Jogr ma koh e dilbanda
جگر بلوچستان ء جنگلی نیبگ انت - جگر مچرنگ ء وھدا بر بیت جگرے برا لنڈور گوشنت - جگرے بر باز شرکن انت -۔
بلوچاں گوشتگ
من جُگران بار مُلّاھاں
اے اکس ءَ جُگر کوہ ءِ دلبند ءَ رُستگ ۔
|
|
Praying Mantis104 views
Zahr
زھر
اے ھم یک کٹگ ء ذات ء - بلوچیا اشیا ذھر گوشنت - منی ھیالا اشیا زھر مان نیست - بلے گونڈانی تُرسینگے واستہ کہ اے کٹگ ء مگر انت او تاوان مدی انت - پرچا کہ اے وھدے کساں بیت گڈا بال کت نہ کنت - بلے مزن بیت گڈا بال رودینیت -۔
|
|
Lacewing butterfly96 viewsBarag banzol Mollahok
بارگ بانزُؒل مُلاھوک
اے مُلاھوک بانزول بارگ انت ۔ ءُ دراج انت ۔ اے مُلاھوک باز کم انت ۔ بلے اے باز ڈولداریں مُلاھوکے ۔
|
|
Pigeon235 viewsKapodar
کپودر
کپودر یک زمانگے باز قدر و قیمت بوتگ - کہ کپودر پہ کاسد یا پیگام رسانی واستہ کارمرز کتگ - تنی وھدی کپودرے سے سد نسل است - مرچان کپودرے بالانی شرت بند انت - کپودر انسان دوستیں بالی مُرگے گیشتر شہر او بازاراں لوگ او جاگہ کنت - اے کپودرے ڈولدار تریں زات ات - او رنگ ء ہم وش انت - سیاہ رنگیں کپودر گیشتر وھشی بیت کہ بلوچ آیا چاہی کپودر گوشنت -۔
|
|
Long billed Vulture173 viewsجون کوٹ
Jonkott
جون کوُٹ یک ڈالیں بالی مُرگ ءِ کہ گردن ءِ ساپ انت بزاں پُٹ پر نیست ۔ اے مُرداریں دلوت ءُ رسترانی جوناں وارت یا نک جنت ۔ اشیا جون کوُٹ چمیشکا گوش انت کہ اگاں یک مُرداریں جون ایشاں دست بہ کپیت، اے دمان ءَ جون ءَ کٹٹین انت بزاں ھلاس کن انت ۔
|
|
Epidote 158 viewsاپیڈوٹ
Epidote
اپیڑوٹ یک زات ء مادن ات کہ بلوچستان ء دمگ خاران ء پیداک بیت ۔ اے چو سبز گونگیں مادن ء باز مادنانی یک جائی انت ۔ اے کیلیشیم، المینیوم، آسن ء یکجاگہی انت ۔ اے چو بلور ساپ ء درپش ایت ۔ اے یک ائچیں مادن ء کہ پہ لوگ جاگہانی ڈولداری ء کارمرز بیت ۔
|
|
Pea. Pisum sativum127 viewsمٹر
Matar
مٹر یک کوھنیں ءُ کدیمیں سبزی ءِ زانگ بیت ۔ مٹر کسانیں کوسرک ءِ پر کنت کہ اشیے تہا دو تا دہ دانگ مان بیت ۔ اے چار ھزار پیش چہ مسیح دریائے نیل ءُ دجلہ ءُ فرات ءِ کش ءُ گواراں کشت ءُ کشار بوتگ ۔ دو ھزار پیش مسیح مٹر ءِ رند پد دریائے سندھ ءِ کش ءُ گواراں است انت ۔ مٹر گیشتر نارشت کن انت ۔بے مٹر ءَ گوشت ءَ ماھیگ ءُ دگہ سبزیانی تہاھور گرادنت ۔ کہ باز تامدار انت ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot144 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
