| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
Crab156 viewsتگس
Tagas
اے تگس اَنت ، گیشتر تیابی ریامانی تہ ءَ زندگی کن اَنت ، ریام ھما سنگ ءَ گْوش اَنت کہ تیاب ءِ دپ ءَ یا تلگ آپ بزاں کمیں آپ ءَ ھست اَنت ءُ وھدے کہ آپ بیل بزاں پُر ءَ کئیت آ آپ ءِ چیر ءَ بنت،وھدے آلاڑ ءَ روت بزاں آپ پشت ءَ روت ھمے سنگ کہ ریام گْوشگ بنت ڈن ءَ گندگ بنت ۔ھمے سنگانی سر ءَ رُستگیں شنزکیں کاہ ءُ دگہ ساھدار تگسانی وراک ءُ وردن اَنت ۔ تگس ءَ چوش زیم ءَ دو پکڑ گْونگیں دست پر اِنت کہ گوں ایشاں ورگاں سند اِیت ءُ وارت تگس ءِ ھمے دستانی بند سک مھکم ءُ مُھر اِنت اگاں انسان ءِ گْوشت ءَ بہ بند اِیت گوں آسانی ءَ پچ کنگ نہ بیت ۔تگس ءِ دپ ءَ گْرادنت ءُ ور اَنت تگس باز وڑیں ھست ، گْوش اَنت کہ تگس ءِ دپ پہ کُلگ ءُ کْران ٹی ٹی ءَ مرسان انت ۔
منت ۔۔ قاضی ریحان
|
|
Senna italica223 viewsKaspind
کسپنڈ
کسپنڈ یک کسانیں بوٹگ ء گرماگی روچاں سر سبز شاداب بیت - ادا کسپنڈ کوسرک انت - چونایا کسپنڈ ء پہ درمان کار مرز کن انت
|
|
Argemone mexicana 198 viewsجنِّی کرپاس
Jenni Karpas
اے درچک کسانیں کہ اسپیت چکیں تاک پر کنت کہ تاکاں کنٹگ پر ءُ زِبر انت ۔ اے گیشتر روچ دراتکی بلوچستان ءَ رودیت، اے زردیں ڈولداریں پُل ءِ پر کنت۔ اے کسانکیں بر پر کنت کہ چو کٹلوک مالوم بنت بلے ورگی نہ انت ۔
|
|
Okra. Lady finger126 viewsبنڈی
Bendi
بھنڈا یک سبزی ات کہ گرماگے بندات ء بلوچستان ء کش انت او تانسریں گرماگا بر دنت - بھڈا باز وشّیں او تامداریں سبزی ات مرچاں بھڈا ء لوٹ باز انت - اے زردیں او ڈولداریں پُل ء پر کنت او اشیے دراۃین پُل بر بنت - بھنڈیے باز نمونہے نارُشت اڈ بیت -۔
|
|
Black Francolin 227 views
Seyah Gowarr
سیاہ گور
سیاہ گور باز ڈولداریں مُرگے کہ گیشتر بلوچستان ء کوری ھند و دمگانی گواشاں موجود بیت - سیاہ گور کپینجرے زاتیں نرین مُرگے - اشیے نیکینک ء شزّ گوشنت کہ ائے رند ایوکا ناسی انت - سیاہ گورے ڈولداری سے رنگانی بزاں سیاہ ، اسپیت او ناسی ء ہم دپی انت - سیاہ گور چو اے دگہ مُرگانی وڈا ناپید بوّان انت - س
|
|
Gazzin's spring water403 viewsگزّن تچوُکیں آپ
گزّن یک کُوہ کورے کہ ھیرآباد کیچ گوریچانی نیمگ ء انت - اگاں اے ھند ء دہ سالاں ھُور مہ بیت بلے گزّنے تچوکیں آپ کم نہ بیت - بلوچستانے کوہاں چُوشیں چمّگ باز انت - کہ مدامی شرکنیں آپ تالاں کن انت
|
|
Snake gourd150 viewsپڑوال
Padwal
پڑوال ءَ باز جاگہ ءَ دراجیں کددو ہم گوش انت ۔ اے بلوچستان ءَ روچدرتکی ہند و دمگان گیشتر است ۔ ایشیا سبزی ءِ وڑا کارمرز کن انت ۔ ایشیے پُل ہم باز ڈولدار انت ۔
|
|
Bread backer170 viewsپُرانی پچوک
Porani e pachok
پرانی ءِ پچگ آسان نہ انت چوشکہ پُرانی ءِ ورگ آسان انت ، بلوچان گوشتگ '' ہما کار ءُ ہما مرد '' اے مرد ہم پُرانی ءِ کوّاس ات، پُرانی ءِ آرت ءِ تر کنگ ءُ لیس دیئگ، واد پہ کساس مان کنگ ، پُرانی چنکیاس مزن یا کسان کنگ ، اے درستان یک کوّاس بزانت۔ اے مرد بالیچہ ءِ توک ءَ پہ پُرانی ءِ پچگ گلاہگ ءِ مُہتاج نہ انت۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
