| Category |
Albums |
Files |
|
10 |
2,242 |
|
| 2,242 files in 10 albums and 1 categories with 908 comments viewed 437,016 times |
|
|
Village of Deyaat235 viewsDeyaat e Metag
دیات ءِ میتگ
دیات میران ءِ ڈیم ءَ چہ پیش کیچ کور ءِ کش ءَ آباد بوتگ ۔ بلے مرچی باندا دیات دو بازار ءَ بہر بوتگ ۔ لہتیں مردم مند دگ ءِ کش ءَ آباد انت ءُ لہتیں مردم میران ڈیم ءِ راہ ءِ کش ءَ کوہانی دامُن ءَ آباد انت - اے ہم ءِ دیات بوتگ شہید حمید ءِ وڈیں مزن دل ءِ پیداک کتگ ۔ بلے انچو سما بیت کہ بلوچانی نا تپاکی انت کہ یکّ ءِ چہ دومیا دور ءُ گستا بوّان انت ۔ منی ھیال ءَ دیات ہم ہمے نا تپاکی ءَ چہ دو میتگ ءَ بہر انت ۔
|
|
Baloch Mountain152 viewsکوہ انت بلوچانی کلات
Koh ant Balochani kalat
بلوچستان بلکین دگنیائے انچیں ملک ءِ کہ ادا آئیے کوہ ہمک تہر انت، بزاں سیاہ ءُ سُرمگیں ، سُہر ءُ سبزیں ھاکی ءُ اسپیتیں ءُ دگہ باز رنگیں کوہ بلوچستان ءَ است انت ہمے وڑا اے کوہانی چیدگ است انت، ادا اے کوہ چو بادشاہ ءِ تاج ءِ نمونگ انت ۔
|
|
Hong Kong Orchid Tree376 viewsDoldarin Poll
اے یک ڈولداریں پُل ات کہ چارگ کرز ات ۔ بلے ما اشیے نام ءَ نہ زانیں ۔
|
|
Bread backer170 viewsپُرانی پچوک
Porani e pachok
پرانی ءِ پچگ آسان نہ انت چوشکہ پُرانی ءِ ورگ آسان انت ، بلوچان گوشتگ '' ہما کار ءُ ہما مرد '' اے مرد ہم پُرانی ءِ کوّاس ات، پُرانی ءِ آرت ءِ تر کنگ ءُ لیس دیئگ، واد پہ کساس مان کنگ ، پُرانی چنکیاس مزن یا کسان کنگ ، اے درستان یک کوّاس بزانت۔ اے مرد بالیچہ ءِ توک ءَ پہ پُرانی ءِ پچگ گلاہگ ءِ مُہتاج نہ انت۔
|
|
Sonchus oleraceus186 viewsکلمُو رون انت
Kalamo
کلمُو نومبر تاں اپریل ء درگت ء رودیت - دو چہ سے فٹ ء کساس ء برز بیت - ذردیں ڈولداریں پُل پر کنت - تاک دراج و کمء پتن و زبر انت - تاکے برّگ پروشگ ء وھدا اسپیتیں شیرگ درکنت - اشیا ھندی ء دودھنی گوشنت - وھد ء کسان و نازرک بیت کاہکانی توک ء کن انت و گرادنت - اشیے کُنٹ بارگ و تہ ء چو کلم ء وڈا پچ انت چمیشکا کلمو ء گوشنت ادا کلمو رون انت بزاں دانگ انت ۔ بلے ہنے دانگ یک یک ءَ بال کن انت اے وھدءَ کلوے پُل کہ زرد بوتگ نوں ہنے پُل ء وڈا انت بلے اسپیت انت۔ کسانیں بارگیں آبریشم وڑیں پژم ءِ پر کہ اشیے دانگ ءَ بال کنگ ءَکُمک کن انت۔
|
|
ُPalm male Lateral Bud187 viewsاکیم
Akim
اکیم گنش ءِ نازرکیں پودام انت ۔ اے تنگا نوک انت ۔ کہ اشیا کش انت ءُ کنش ءِ نازُرک انت ءُ ورنت ءِ اے وراگ ءَ باز وش انت ۔
|
|
Greater short toed lark228 viewsڈگگو
Daggo
ڈگگو یک کسانیں بالی مُرگ ءِ۔ اشیے رنگ ءُ دروشم چو بُللی ءِ وڑا انت ۔ او مدام بُللی ءِ ہمراہ انت بلے اشیے آواز دگر ات او اے نوک کشیں کشارانی ازلی دژمن انت پرچا کہ آ انچو کُککڑے وڈا پیش کلونڈ ات ۔ باز ڈولدار یں مُرگ ءِ ۔
|
|
Fighting Laughing dove144 viewsشاتُل جنگ ءَ انت
Shatol Jang a ant
قدرت ءِ کار انت کہ ہمگ ساہدار چہ وتی کُٹم ءِ توک ءَ یک چہ دومی ءَ وش نہ بیت ، انسان ءَ بگر چہ رستر ماھیگ دلوت یا کہ مُرگ وت ماں وت ءَ مڑ انت ءُ یک ءِ چہ دومی ءَ باج برگ ءِ جہد ءَ کنت ۔ اے اکس ءِ توک ءَ دو شاتُل وت ماں وت ءَ مڑگا انت ۔
|
|
|
|
Cordia subcordata61 viewsCordia
کورڑیا
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ Dec 16, 2024
|
|
Tadpole shrimp58 viewsTokko o Zarak
اشیا تُکو ءُ زراک گوش انت اے وھدے کہ ہور بیت کنڈ آپ ءَ پُر بنت اے ہمے کنڈے آپانی تہا پیداک بنت بلے اے دگہ ملکاں برنجانی آپانی تہا پیداک بنت ۔ او ڈنی ملکاں اشاں دکاناں بہا زور انت ءُ وی پیشی ءُ مُرگاں وارین ان ت۔ اشیا آپی مدگ ہم گوش ان ت۔ بلے اے سوریں آپ ءَ پیداک نہ بیت اے وشیں ہورانی آپان پیداک بیت ۔
Dec 06, 2024
|
|
Unknown bush67 viewsNam che ant
اشیے نام چے انت
باز ڈولداریں بوٹگے بلے اشیے نام اگاں کسے زانت آ کومنٹ بکنت منت وار بیں ۔Nov 26, 2024
|
|
Tecoma 48 viewsٹکوما
اے یک زردیں ڈولداریں پُل ات Nov 14, 2024
|
|
Purslane93 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama127 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis66 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt68 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
