Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,156 times |
|
Purple sunbird189 viewsسیاہیں پیٹک
Seyahin Pettik
سیاہیں پیٹک ایشیائے تانسریں ہنداں است بلے گیشتر کسانیں برّے کوچگاں دست کپیت ، اے بلوچستان ءَ سال ءِ دوازدہیں ماہاں است بلے بہارے درگت ءَ گیشتر بیت ۔ اے گیشتر چہ درچکانی پُلاں شیرگ درکنت ءُ وارت بلے بالو ءُ پاتو ہم گپت ءُ وارت ۔سیاہیں رنگ ءِ پیٹک کروس انت ءُ نکینک زیتونی رنگ انت ۔
|
|
Sulphurous Jewel Beetle226 viewsڈومبو یا پلپلانزو ژنگوک
Dombo or Pilpilanzo or Zhangok
اے ڈومبو بلوچستان ءِ گرمیں ھنداں دست کپیت، ڈومبو مکران ءَ چگرد کہ پُل بیت گڈا اے ڈومبو پیداوری کنت ، چگردے پُل ہمنچوک گیش بہ بنت ءُ ڈومبو ہم ہمے وڈا گیش بنت ۔ چونایا من ہمے سرپد باں کہ ڈومبو بلوچستان ءِ نندوکیں لولوک نہ انت ، بلکن سپرے درگت ءَ بلوچستان ءَ گوازیت۔
|
|
Capparis spnosa208 viewsKrapp
کراپ
اے یک کوہی کسانیں درچکے کہ گیشتر شانانی دیماں رودیت - ڈولداریں تاک پر کنت او ہر وھدا سبز و شاداب گندگ بیت ۔ اشیے تاک بَز بَز انت ءُ کسانکیں کوٹلوک پر کنت ، پدا ترککنت ءُ ھُشک بنت ۔
|
|
Chicken Bar B Q169 viewsبریتکگیں مُرگ
Britkagen Morg
|
|
117 viewsگرانمُزگ
Granmozg
گرانمُزگ کسانیں درچک ءِ مدام کوہانی دامناں رودیت۔ اے باز ڈولدار انت کہ مچ مُچ ءَ پُل جوڑ کنت ۔ اشیے تاک باز بارگ انت ۔
|
|
Pulicaria Undulata141 viewsکرتوسگ
Kartosag
کرتوسگ یک کسانیں بُوٹگ ء - بہارگاہے درگت ء رودیت - اسپیت چکیں تاک ڈولداریں زردیں پُل ء پر کنت - اگاں جاگہے وش بہ بیت گڈا پراہ روت و گنبُد جُوڈ بیت - کرتوسگ سارتیں وشبوہے کنت - بلے مستریں کار ہمیش انت کہ کرتوسگا دوا دامان ء کارمرز کن انت
|
|
153 viewsگُج وار
Gojj war
گُج وار کسانیں دریائی بالی مُرگ ءِ کہ مدام زرے چولانی پدگیری ء کنت ۔ چول کہ تیاب دپ ءَ کاہنت ہدا واتر بنت ۔ آ ہمے چولانی آورتگیں گجّاں ورانت ۔ چمیشکا تیاپ دپی مردم اشیا گجوار گوش انت ۔
|
|
Swallow263 viewsپیپی پلستان
Pipi plistan
پیپی پلستان کسانیں بالی مُرگ ءِ کہ گیشتر وتی وھد ءَ پہ بال گوازین ات ۔ بال ءِ درگت ءَ پاتو ءُ بالو گپت وارت۔ بلوچستان ءِ باز ھنداں ایشارا بابیل ہم گوش انت، چونایا بابیل عربی لبز ابابیل ءَ زورگ بوتگ ۔ اے مدام چہ انسان ءَ نزیک ءَ ترو گرد کنت۔ ہم اگاں موہ براسیت لوگانی توک ءَ کدو بند ات ءُ ھیک دنت۔
|
|
|
Astola Beach32 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|