Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,156 times |
|
Dove is flying154 viewsکپوت چہرءَ انت
Kapot chahra ant
کپوت بال مدامی کنت بلے چہر برے برے کنت ۔ وھدے کہ بلوچستان ءَ گللہ رون بیت کپوت ہم بلوچستان ءِ رون ءَ ہم کیئت ءُ بلوچستان ءِ گرمیں موسم ءَ نپ چست کنت ءُ ہمدا وتی سپرے درگت ءَ چک ءُ بر کنت ۔ چک ءُ برے درگت ءَ کپوت بُرزیں درچک یا دارگرے سر ءَ نند ات ءُ یکدم بُرزا بال کنت ءُ بُرز روت پدا وتا یل کنت ءُ میزان میزان ءَ کپوت جہل ءَ کیئت ۔ اے بال کنگ ءَ بلوچ گوش انت کہ کپوت چہر کنگا انت ۔
اے اکس ءِ توک ءَ کپوت چہر کنگ ءَ انت ۔
|
|
Fishing net169 viewsماھور
Mahour
ماھُور بزاں دام چہ ریشمیں بندیک ءَ جوڑ بیت ۔ دام ءَ چمّگ پہ ماھیگ ءِ کساس ءَ جوڑ کن انت۔ کسانیں ماھیگانی واستہ گونڈیں چمّگ ءُ ٹوہیں ماھیگانی واستہ مزنیں چمّگ ماھور ءَ پر کن انت تنکہ ماھیگ ہمے چمّگانی تہا بہ گپّیت ۔ بلے اے ماھور پلاسٹیک ءِ بندیک ءَ جوڑ کتگ کہ دگنیائے توک ءَ اے پی ماھیگ ءِ شکار ءَ اسل ءَ چہ منع کتگ ۔ بلے بلوچستان یکین ھند انت دگنیائے توک ءَ ادا پلاسٹک بندکانی سرا ماھیگ شکار کن انت ۔ ریشمیں بندیک ءِ ماھورے ماھیگ چہ چمّگ دربیئیت پدا زندگ ءُ سلامت بیت بلے پلاسٹیک بندیک ءِ ماھیگ ٹپّی بیت ءُ مر ایت ۔ چمیشکا دگنیائے توک ءَ پلاسٹیک بندک ءِ ماھورنیست ، بلے بلوچستان ءَ اِرّاں بوستی انت ، تو ھرچی کنے جائز انت ۔
|
|
Olive. Olea europaea subsp190 viewsHatt
ھت
ھت یک ٹوہیں درچکے کہ گیشتر ماں کوہاں رودیت - اے شرّیں او آبادیں جگہاں باز بُرز بیت - بلوچستان ء
اشیے داراں پہ لوگ ء اڈ کنگا کارمرز کن انت او شاہ او لمباں دلوتاں دیینت - ڈولداریں درچک ءَ عربی ءَ زیتون گوش انت ءُ ایشانی براں ورانت ءُ ٹیل جوڑ کن انت ۔ بلے بلوچ اشیے بابت ءَ سرپد نہ انت ۔ بلوچ اشیے زھر چکیں براں نہ ورانت ۔
|
|
Rufous Tailed. Scrub Robin187 viewsگڈی دیوک
Gaddi deyok
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔
|
|
Baloch Children363 viewsBaloch Gowando
بلوچ گوانڈو
گلّہ وھدے زرد ترّان بیت گُڈا چُک و چوریگ ہم پہ ترّ و ھُشکیں گلّہے ھُوشاں سند انت مُش انت ورانت - اے اکسے توکا یک گونڈوگلّہے ھُش ء دستے سرا مُشگاانت او دومی ھُش سستگ و دستا انت -۔
|
|
Alfalfa, Medicago sativaa161 viewsاِسپوست
Espost
اِسپوست کسانیں کاہے کہ کد ءِ 3 فٹ بوت کنت ۔ اسپوست رُدگ ءَ باز دیر کنت، بلے اولی رند ءَ رُونگ ءَ رند پدا زوت رودیت ۔ چین ءَ 1500 سال پیشتر اسپوست پہ تہلگ کار مرز کتگ ۔ اسپوست چاز سال ءَ بگر تاں ہشت سال ءَ کاہ دنت ، بلے اگاں اسپوست ءَ جاگہ وش بہ بیت ءُ ءُ بیست سال ہم زندگ بوت کنت ۔ اسپوست ءَ باز زات انت بلوچستان ءَ جموں رنگ ءِ پُل ءِ اسپوست کارمرز کن انت بلے دریں ملکاں زرد پُل ءپ گلابی پُل ءُ دگہ بازیں زات ءِ اسپوست است ۔ اسپوست ہما کاہ انت کہ اشیا دُراہیں دلوت ورانت ءِ ۔ اسپوست ہما کاہ انت کے دگنیائے چاریں کُنڈاں کِشگ بیت ۔
|
|
ٰBLEPHARIS CILIARIS194 viewsسگ دنتاں
Sag Dantan
اے کسانین بُُوٹگ ء کہ گیشتر ماں ڈل پادیں ہند و دماگاں رودیت - اشیے دانگاں پا دوا و تہلگ کارمرز کن انت - بلوچستان گیشتر ہند و دماگاں سگ دنتان دست کپیت
|
|
Grey Francolin309 viewsKapinjar
کپنجر
کپنجر بلوچستان ء لدانی زیمُر انت - کپنجرے آواز بُرز انت - بالی مُرگانی توکا گیشتر کپنجرا وتی لوگا دارنت چیا کہ کپنجر زوت رامگ بیت - اے یک وفاداریں مرگے وتی واھندا یل نہ کنت - بلوچستان ء وڈ، بل، چاب او لد کپنجرے تروتاب ء جاہ انت - ۔
|
|
|
Astola Beach32 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|