Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,156 times |
|
Cassia Italica166 viewsاے کسپنڈے کوسرکاں
Kaspend
کسپنڈ یک کسانیں بوٹگ ء گرماگی روچاں سر سبز شاداب بیت - ادا کسپنڈ کوسرک انت - کسپنڈے پُل زرد انت او ڈولدار انت - چونایا کسپنڈ ء پہ درمان کار مرز کن انت - انچو کسپنڈ درمان ات ہمے وڈا ڈولداریں پُل ات - کسپنڈ گیشتر ھُشکاوگیں ڈگاران یا ڈگارواں ءُ کوہاں رودیت -۔
|
|
Unripe date179 viewsپپُک
Papok
اے چار پپُک انت۔ اے چارینانی چار نام انت۔
یک،، تئی دیما جہل ءَ ناسی نمونگ ءَ پپُک ناہ یا ناہ ءِ گوش انت۔ اے نرم انت ورگ بیت۔
دو،، تئی دیم ءَ بُرز ءَ اے پپُک ءَ زبگ گوش انت۔ اے ورگ نہ بیت ترُند انت۔
سے،، تئی راستی کش ءَ اے پینگ انت ۔ اے ہم ورگ نہ بیت۔
چار،، تئی چپّی کش ءَ ایشیا آرتونگ یا آرتک گوش انت۔ اے نرم انت اشیا ورنت
|
|
Unknown tree190 viewsدرچک زانگ نہ بیت
Drachk zanag na bit
اے یک ٹوہیں ءُ ساھگ داریں درچک ءِ بلے نام ءِ زانگ نہ بیت ۔ شمارا کسے پجہ کاریت گڈا کومنٹ بکنت۔
|
|
COLLIGONUM POLYGONOLDES206 viewsپُٹہ
Potta
پُٹہ یک نرمین بے کنٹگیں گُنبُدیں درچکے - کہ ماں ریکپادیں ھند و دماگاں رودیت - پُٹہ سْہریں ڈولداریں گردیں پُل پر کنت - بلے مرچاں میتگانی گیشتر آبادی سوب ء پُٹہے داراں سوچگے واستا کارمرز کن انت چمیشکا پُٹہ کم کم ء گار و بیگواہ بوّان انت
اکس ءِ منت واجہ مسری خان کیھتران
|
|
Capparis Decidua184 viewsKalair
کلیر
ادا کلیر بر انت او پُہتا انت -۔
کلیر یک ٹوہیں درچکے - گیشتر ماں وڑ و گریشگاں رودیت - کلیر ڈولداریں پُل پر کنت - کلیر بر پرکنت برے ورانت و تامدارنت - منی ہیال ء اگاں ما کلیر ا میوہ بگوشاں رد نہ انت - پرچا کہ بلوچستانے جنگلی میوہ بزاں کوُنر، کنر، جگّر،کلیر و دگہ بازیں - کلیر دار ا لوگے منگ جوڑ کن انت کلیرے دارا زمین نہ وارت - کلیرے واستہ دو بتل نامدار انت
۱ لج نہ کنت کلیرا کہ بے تاکا بر کنت
۲ دار کلیر انت کہ منگہاں سے جاگہ پُروشیت
اُوے زیرّک بات کہ لیڑو ڈاچیگاں کوشیت
|
|
COCCULUS SP150 viewsزامُر
Zamor
چونایا زامْر ء درچکے لیکنت - بلے زامْر درچکے نہ انت بلکن یک ول ء - زامْر چو ول ء وڑا دومی درچکے سرا روت - اگاں درچکے بوتیں گڈا وتی کنٹے سرا چو درچکے وڑا مک بوتیں - بلے چوش کہ ول ء پمیشکہ دگہ درچکانی کمک و مدت ء وتا پتاہاں کنت و سر کپیت - اے گیشتر کھور، چگرد، چش، و پیرانی سرا سر کپیت۔
جُست۔۔۔ من زامُری درچکے باں تلاری دیم ء رُداں
پسُو۔۔۔ من کُوہی گرانڑے باں تئی سرشاہان
|
|
Talaar Pass201 viewsتلار ءِ ڈک
Tallar e dakk
تلار ءِ ڈک یک انچیں جاہ ات کہ ادا گوریچانی کور ءُ شیپانی آپ چہ چمے آپ ریچ ءَ ڈک جن انت دیم پہ نمبیان روانت ۔ اے جاہ آپاں نزور کتگ، وھدے زمانگ ءَ ساربان ہمے راھا چہ بندناں شتگ ءُ ماھیگ بیپار کتگ ، بلے مرچان موٹلانی آھگ ءَ اے کشک بزاں ڈک ءِ جوڑ کنگ ءَ تنیگا دراہیں وزیر ءُ گزیراں زر گپتگ بلے اے تنی وھدی ہما وڑا ہنت کہ پیش ءَ بوتگ ۔ ادا ھورانی وھدا بازیں موٹل ءُ انسانانی تاوان رسگ ءِ ھال شنگ بوتگ انت۔
|
|
Basella115 viewsبسیلہ
Basella
بسیلہ یک ول ءِ کہ اے زمستان رودیت اے گیشتر ایشیا ءُ افریکہ کشاروز کنگ بیت ۔ ایشیے تاک چو دل ءِ وڑا انت ۔ اے ایشیے اگاں جاگہ وش بہ بیت ہشت چہ دہ میٹر دراج بیت ایشے تاکاں نارُشت کن انت ۔ ءُ سوپ ءَ ہم کار مرز کن انت ۔ مرچاں اے جہان چاریں کنڈاں کشاورز کنگ بیت ۔ بلے اے گیشتر گرمیں جاہاں شرتر رودیت ۔ما ہم وتی کسانیں باگ ءَ ہمے کشتگ ءُ نارشت جوڑ کتگ ۔
|
|
|
Astola Beach32 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|