| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,903 times |
|
|
Wild apple126 viewsوہی سرُوپُک
Kohi Sropok
کوہی سروپُک سروپ ءِ کستریں زات انت ۔ کہ بلوچستاں سردیں ہند و دمگاں بزاں کوہستگاں پیداک بیت۔ اے باز وش انت
|
|
Grapes105 viewsAngoor
انگور
بلوچستان ءَ انگورے درچک کش انت ءُ ایشانی ثمراں بہا کن انت ۔ بلے انگورے کش اگ تنیگا نزان انت ۔ اے انگورے درچک انت من کشتگ ءُ من اشیا زمین ءِ سرا نہ واپینتگ بگندے من اشیا مک کتگ بزاں ہوشتارینتگ ۔ انگورے درچکان اگاں تو چو ول ءِ وڑا واپین ءِ تاں اے شر بر پر نہ کن انت ۔ اشاں تو چو ایدگہ درچکانی وڑا مک بکن بزاں ہامودے وڑا تچک ءُ شش چہ دہ فُٹ بہ گڈ ات تنکہ ہما جاہ شاہ لمب بہ بیت ۔ دگہ آئی کنٹ بزاں ماتیں دار ءَ ہچ وڑیں جمل جنگ مئییل ات ۔ اے وھدے کہ برز بیت ءُ شاہ ءُ جمل یک ءُ دو فُٹ اندرا بہ بنت ۔ پنچ چہ دہ شاہ ءَ گیشتر مہ بنت ۔ وھدیکہ انگور شاہ ءُ لمب بیت ہمک سال فروری ءِ گڈسرا ااشیے شاہ بہ چن بزاں شاھاں گوڈ ۔ بلے نوکیں شاہ جنت نوکیں شاھانی ہمرائیا آ بور ءُ بر بزاں سمر پر کنت ۔
|
|
Proso Millet155 viewsارزُن
Arzon
ارزُن یک دھل ءِ کہ بلوچستان ءَ اشیے کشاورزی بیت ۔ اے کسانیں کاہے کہ ھوش پر کنت ءُ ھوش چہ دان ءَ پُر بنت ۔ چونایا دنیائے توک ءَ نوہ زات ءِ ارزُن است کہ آھانی دان ءِ رنت چہ اسپیت ءَ بندات بیت چہ پُہتہیں سیاہ ءَ روت ۔ بلے بلوچستان ءَ زرد ءُ سہُریں ارزُن کش انت ۔ وھدے زمانگءَ ارزن ءَ دان درُشتگ انت ءُ نان جوڑ کتگ انت۔ بلے مرچاں ارذُن نان جوڑ نہ کن انت ۔ ارزن تمکار ءَ چہ رند کش انت، بزاں اگاں ھور چہ موسُم ءَ پدی بہ بنت گڈا بلوچ وتی ڈگاراں ارزن کش انت۔ چیا کہ ارذن زوت دان بیت۔ ارزُن ءَ گرماگ ءِ ھلاسی ءَ ہم کش انت ، بزاں سال ءِ دو رندا ءَ پاگ دنت۔
|
|
219 viewsرھت
Raht
اے رھت انت ۔ رھت چہ دار ءَ جوڑ کنگ بیت ۔ دو کتب تراش انت، ایشان ڈندی مان کن انت ۔ پدا ھُشترے کوھنڈگ ءِ سرا ہیر کن انت یک ساد ءِ ھُشترے لاپ ءِ چیرا گوازین انت ءُ رھت ءِ ڈنڈیان بندانت تنکہ رھت مہ کپیت۔۔ اے ساد ءَ تنگ کش گوش انت ۔ پدا ھشتر ءِ لٹک ءِ چیرا گوازین انت ۔ اے سادءَ پاردوم گوش انت۔ رھت پہ ھُشترا کارمرز کن انت کہ ھشرا بار لڈڈنت۔
|
|
A Baloch Oldy314 viewsBaloch Droshom
بلوچ دورشُم
اے کماش کہ کاپرے چیرا نشتگ سواس او داس ء کشا ایر انت کہ مالوم بیت چہ وتی زمینانی سرا کارے کتگ او واتر بوتگ، اے اکسے توکا پدی نیمگا داز زاہر انت چریشیا پدّر بیت کہ اے واجہ کوہستگے مردم انت - بلوچستان کوہ نیشینیں مردم او لوگ او جاگہ باز انت -۔
|
|
Almond176 viewsبادام
Badaam
بلوچستان ءِ آب ءُ ھوا بزاں موسم پہ دگنیائے ہمک درچک ءُ دارانی واستہ بے مٹ ءُ بےدرور انت ۔ بادام بلوچستان ءِ بالائی ھند و دمگاں شرریں وڑیا پاگ یا بر دنت۔ بادام دگنیائے گران کیمتیں ھُشکاوگیں میوہاں چہ یک ات٫ ایشے لوٹ مدامی است انت ۔ چہ بادام ءَ چہ ٹیل ہم کش انت۔ دگہ بازیں کاراں کارمرز کن انت۔
|
|
137 viewsکوہ کرَگ
Koh karag
اے کسانیں بوٹگ ءِ گیشتر کوہستگاں رودیت ۔ ایشیے کسانیں بزیں تاک انت چو کرگ ءِ تاکانی وڈا انت ۔ اے ہمنچک برز ءَ روان انت آئیے تاک کسان بوّان انت ۔ اے کسانیں پُل پر کنت کہ چو کہ تُروپ ءِ وڑین انت ۔
|
|
Crab166 viewsتگس ٹِکی
Tagas Tekki
اے تگس اسپیت انت بلے ٹک پر چمیشکا اشیا ٹکی گوش انت
اے تگس اَنت ، گیشتر تیابی ریامانی تہ ءَ زندگی کن اَنت ، ریام ھما سنگ ءَ گْوش اَنت کہ تیاب ءِ دپ ءَ یا تلگ آپ بزاں کمیں آپ ءَ ھست اَنت ءُ وھدے کہ آپ بیل بزاں پُر ءَ کئیت آ آپ ءِ چیر ءَ بنت،وھدے آلاڑ ءَ روت بزاں آپ پشت ءَ روت ھمے سنگ کہ ریام گْوشگ بنت ڈن ءَ گندگ بنت ۔ھمے سنگانی سر ءَ رُستگیں شنزکیں کاہ ءُ دگہ ساھدار تگسانی وراک ءُ وردن اَنت ۔ تگس ءَ چوش زیم ءَ دو پکڑ گْونگیں دست پر اِنت کہ گوں ایشاں ورگاں سند اِیت ءُ وارت تگس ءِ ھمے دستانی بند سک مھکم ءُ مُھر اِنت اگاں انسان ءِ گْوشت ءَ بہ بند اِیت گوں آسانی ءَ پچ کنگ نہ بیت ۔تگس ءِ دپ ءَ گْرادنت ءُ ور اَنت تگس باز وڑیں ھست ، گْوش اَنت کہ تگس ءِ دپ پہ کُلگ ءُ کْران ٹی ٹی ءَ مرسان انت ۔
منت ۔۔ قاضی ریحان
Pic by Akhtar Omar
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
