| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,891 times |
|
|
COCCULUS SP162 viewsزامُر
Zamor
چونایا زامْر ء درچکے لیکنت - بلے زامْر درچکے نہ انت بلکن یک ول ء - زامْر چو ول ء وڑا دومی درچکے سرا روت - اگاں درچکے بوتیں گڈا وتی کنٹے سرا چو درچکے وڑا مک بوتیں - بلے چوش کہ ول ء پمیشکہ دگہ درچکانی کمک و مدت ء وتا پتاہاں کنت و سر کپیت - اے گیشتر کھور، چگرد، چش، و پیرانی سرا سر کپیت۔
|
|
Boat building shelter166 viewsلانچ ء کارجاہ
Lanch e karjah
بلوچستان ءَ اے لانچانی کارجاہ انت ، بزاں فیکٹری۔ ادا زندے ہچ پیمیں آسرات نیست انت، دارتراش وتی ازباباں وتی ہمرائیا کاریت ءُ کار کنت پدا وتی ہمرائیا بارت گوں او لانچانی ڈبّانی چیر ا کُچک وپتگ انت۔ ادا ہنچو مالوم بیت کہ بلوچ راج تنیگا سنگانی دور ءَ زند گوازینگا انت۔
|
|
Sun Halo117 viewsRoch jowwan
روچ جُوًان
ما باز رند ءَ ماہ دیستگ کہ گرد گردیں روژنائیانی تہا بند انت ۔ بلوچاں گوشتگ کہ ماہ جُوًان انت ۔ بزاں اے سال یک آبادیں سال ءِ بیت ۔ بزاں ہور ءُ بہار گاہ کشت کشار وڑ وڑیں چیز بیت ۔ بلے گوستگیں روچاں روچ ہم ہمے پیم گندگ بوتگ ۔ پاکستان مردم ہمے گوش انت کہ اے ماہ ءُ روچ ءِ مُندریک انت ۔ بلے چونایا وھدے کہ آزمان ءَ جمبر باز بیت بلے ہما جمبر برپ ءِ کرسٹل جوڑ بہ بیت گڈا زمین ءِ مردم ہنے گند انت کہ روچ یا کہ ماہ دیم گرد گردا رژن گندگ بیت ۔
|
|
Village of Deyaat235 viewsDeyaat e Metag
دیات ءِ میتگ
دیات میران ءِ ڈیم ءَ چہ پیش کیچ کور ءِ کش ءَ آباد بوتگ ۔ بلے مرچی باندا دیات دو بازار ءَ بہر بوتگ ۔ لہتیں مردم مند دگ ءِ کش ءَ آباد انت ءُ لہتیں مردم میران ڈیم ءِ راہ ءِ کش ءَ کوہانی دامُن ءَ آباد انت - اے ہم ءِ دیات بوتگ شہید حمید ءِ وڈیں مزن دل ءِ پیداک کتگ ۔ بلے انچو سما بیت کہ بلوچانی نا تپاکی انت کہ یکّ ءِ چہ دومیا دور ءُ گستا بوّان انت ۔ منی ھیال ءَ دیات ہم ہمے نا تپاکی ءَ چہ دو میتگ ءَ بہر انت ۔
|
|
Anastatica hierochuntica136 viewsMochcho
مْچّو
مْچو یک کسانیں کاہے کہ کوہ دیم ء رودیت - اے اسپیتچکیں بلے زمین ء سرا پراہ روت - ایشیے قد کسان انت - دیسمبر ء بگر تاں اپریل ء زندگ بیت بلے اپریل ء گڈسرا ھشک بوان بیت اشیے پراہ شتگیں شاہ و لمب مْچ بنت - ھم ء سوب انت کہ اشیارا مْچو گوشنت
|
|
154 viewsگید
Gedd
گید یک کسانین ماھیگ ءِ کہ مُربُک ءِ زات انت ۔ ہمک مردم ءِ پجّہ آئورت نہ کنت ۔ اشیارا مید ءُ ماھیگ بہا کنوک گیشتر پجہ کار انت ۔
|
|
Barley 122 viewsJov
جو
جو دھل ءِ ۔ بلوچستان جو کش انت پا دلوتانی واستہ کاہ کارمرز کن انت ۔ بلے دگنیا ءِ توک برنج ، گندیم ، مکئی ءَ چہ رند جو کشگ بیت ۔ مصر ءَ جوے نان باز لوٹ انت ۔ امریکہ او یورپ چہ جو ءَ شراب ءُ بئیر جوڈ کن انت ۔
|
|
House Crow146 views
کانگی
Kangi
کانگی گراگ ءِ زاتیں بالی مُرگ ءِ بلے اے گراگ ءَ ہما دیم انت ، کانگی بلوچستان ءِ مُرگ نہ انت بلے اے ھندے مُرگ انت ، او گوشنت کہ اے مہاجرانی نشانی انت ، ہرجا مہاجر روانت اے مُرگ ءِ گون انت ۔ اے یک سللیں مُرگ ءِ کہ دگہ مُرگاں وتی ھند ءَ نیلیت ، آہانی ھیکاں وارت آہاں مجبور کنت کہ جاہ ءَیل بدی انت ، وھدے گودارے زمین مہاجراں بہا زُرت انت انچو گوادرا ءَ اے مُرگانی آھگ بندات بوت مرچی گودر ءَ ترا دگہ ھچ مُرگ دست نہ کپیت۔ درست تاچینتگ انت ۔ انچو کہ کراچی ءَ سندھی ءُ بلوچ، ممکن انت کہ گوادر ہم ھنچوش بہ بیت ۔ بلے ھُدا مکنت۔
|
|
|
|
Purslane74 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot143 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko65 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
