| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,822 times |
|
|
Fighting Laughing dove144 viewsشاتُل جنگ ءَ انت
Shatol Jang a ant
قدرت ءِ کار انت کہ ہمگ ساہدار چہ وتی کُٹم ءِ توک ءَ یک چہ دومی ءَ وش نہ بیت ، انسان ءَ بگر چہ رستر ماھیگ دلوت یا کہ مُرگ وت ماں وت ءَ مڑ انت ءُ یک ءِ چہ دومی ءَ باج برگ ءِ جہد ءَ کنت ۔ اے اکس ءِ توک ءَ دو شاتُل وت ماں وت ءَ مڑگا انت ۔
|
|
Sulphurous Jewel Beetle176 viewsڈومبو یا پلپلانزو یا ژنگوک
Dombo or Pilpilanzo or Zhangok
اے ڈومبو بلوچستان ءِ گرمیں ھنداں دست کپیت، ڈومبو مکران ءَ چگرد کہ پُل بیت گڈا اے ڈومبو پیداوری کنت ، چگردے پُل ہمنچوک گیش بہ بنت ءُ ڈومبو ہم ہمے وڈا گیش بنت ۔ چونایا من ہمے سرپد باں کہ ڈومبو بلوچستان ءِ نندوکیں لولوک نہ انت ، بلکن سپرے درگت ءَ بلوچستان ءَ گوازیت۔
|
|
Night Calculator for Baloch farmer145 viewsتاس
Tas
تاس یک کسانیں تلی ات کہ اشیے توک ءَ یک کسانیں سُچن ءِ سرا ٹنگ ء پرکن انت ، اے چہ کوپر جوڑ بیت باز وزن انت وھدے زمانگ ءَ گڑیال ہمک مردماں نہ بوتگ گڈا ایشاں شپانی آپ تاس ء سرا بہر کتگ انت ۔ اگاں ھنگام 16 تاس بہر کتگ ۔ تیم ہنگام آپ ءِ 8 تاس بنت تسوے 4 تاس بنت ءُ ابہے 2 تاس بنت ہمے وڑا آپ بہر کن انت ۔ تاس ءُ یک لوھیگ آپ ء پر کن انت ۔ تاس ء آپانی سرا ایر کن انت چوش کہ تاس ٹنگ انت کم کم آپ روت تاں پُر بیت وھدت تاس پر بیت گڑا تاس کپیت ءُ لوھیگ ء بن ءَ لگ ات ٹلنگگ جنت ۔ بزان یک تاس کپت۔ ہمے وڑا آپ ء بہر کن انت ۔ بلے تاس ء سرا باز مردم نند انت ءُ دیوان کن انت ۔
بلے مرچاں اے تاس گار انت ۔
Pic by Jassim Fareed
|
|
Common Starling214 viewsگولو شہباز
Golo shahbaz
گولو شہباز بلوچستان ءِ جہمنندیں بالی مُرگ ءِ نہ انت ۔چونایا ءِ یورُپ ءِ جہمنندیں بالی مُرگ ءِ کہ گیشتر ماں زرباری یوروپ ءُ گوریچانی افریکہ ءَ ترّوتاب کنت بلے ترّوتاب ءِ درگت ءَ گلہ ءِ تمکار ءَ بلوچستان ءَ سپر کنت ، گولو شہباز سیاہیں مُرگ ءِ بلے سیاہیں کسانیں ٹک مان ۔ اشیے پاد گلابی انت ءُ زمستان ئے اشیے سنُٹ سیاہ انت ءُ گرماگ ءَ سُنٹ ءِ زرد بیت ۔ اے سال ءِ درگت ءَ دو رند ءَ ھیک دنت ۔ اشیے ھیک سبز رنگ انت ۔
|
|
147 viewsپارو
Parrow
اے کسانیں ول وڑیں درچک ءِ کہ زمین ءِ سرا پراہ روت ۔ انچو کہ انگور انت ۔ چو لیوارے وڑیں تاک پر کنت ءُ زمستان ءَ پُل پر کنت ءُ گرماگ ءِ وھداں اشیے بر پُہتہ بنت بزاں رس انت ۔ باز مردم اشیا فالودہ ہم گوش انت ۔ اشیے دانگ وھدے کٹیک انت ءُ سبز بنت وھدے کہ رس انت گڈا سُہر ءُ رند ترا سیاہ بنت ۔ اشیے تام باز وش ءُ شیرکن انت ۔ اے یک میوہ ءِ ۔
|
|
Namaqua Dove183 viewsکپوت دراج دُمب
Kapot drajdomb
دراج دُمبیں کپوت بلوچستان ءَ گللہ ءِ رون ءَ مان نہ ترّ اِت ۔ بلے کزا یک ءِ یک ءِ ہمے کپوتانی ہمرائیا گندگ بیت ، اے دراج دُمبیں کپوت گیشتر افریکا ءُ یورپ ءَ گردش کنت ۔ اے چہ اسلی کپوت ءَ چہ کستر انت بلے ڈولدار انت ۔
|
|
Onionweed (Asphodelus fistulosus)135 views
پیملوُ
Pimalo
پیملوُ پیمازے وڑیں بلے بارگ تریں تاک پر کنت - بہارگاہ ء دریچا کشارانی تہا، میدان او جنگل ء رودیت - وھدے کسان بیت اشیا دلوت چرنت او مردُم کاہُک جوُڈ کن انت - مزن بیت گدا ہمُک بُن دہ تاں بیست کیرینگ پرکنت کسانیں اسپیتین او سُہریں لکیریں پُل ء پر کنت کہ باز ڈولدار بیت - اپریل ء زرد ترّاں بیت گُڈا دانگے ھُشک بیت تُوم ء رچنت تو اے درگتا درُچک، شاتُل اوُ کپوت دانانی چناگ او ورگ ء پیملوانی توک ء رم رما نندانت او بلوچ شکار کن انت- انچو مالوم بیت کہ پیملو شکارجاہ جوڑ بیت
|
|
Pomegranate176 viewsانار
Anaar
انار یک میوہ ات کہ گیشتر گرماگے ھلاسی او زمستان ء اول سرا پا ورگ ء جاڈی بیت - انار پُل او انارے گروہگ گیشتر بلوچ شاہراں پہ جنک ء شرّنگی ء تشبیح داتگ انت - بلوچستان انارے واستہ وش تبیں موسُم دنت - مکران ے برزی ھنداں بگر تاں سراوان تاں توران اے انارے ردوما باز جوانیں ھند و دمگ انت - انار سُہریں گروھگے توکا سُہریں شیرکنین او تُروپشیں دانگ مان - انار کہ گیش بنت گڈا ایشان تاپ کن انت او اناردانگ جوڈ کن انت - آیے پُوستا چہ بندگ او پژم رجنت - انار دلے نادراہ اے علاج انت -۔
|
|
|
|
Purslane52 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
