Category |
Albums |
Files |
|
10 |
2,234 |
|
2,234 files in 10 albums and 1 categories with 902 comments viewed 434,168 times |
|
Brinjal - Egg plant178 viewsBattag e Barr
بٹّاگ ء برّ
اگ یک سبزی ء کہ زمانگاں بلوچستان ء اشیے کشاورزی بوتگ - بٹاگ کسانیں بوٹگے کہ دراچیں او گردیں سیاہ رنگیں بر پر کنت ۔ بٹاگ ء وڑ وڑیں وراک جوڑ کن انت - بٹاگ تامداریں سبزی ات او بلوچستاں ہر وھدا ترا پہ نیادی ء پہ بہا دست کپیت - اے اکس بٹاگ ء بر انت کہ جمو رنگ انت-۔
|
|
Wild Tortoise165 views
کسیپ
Kaseep
کسیپ دو زات انت ۔ یک ءِ آپ ءَ زند گوازین ات ءُ دومی ماں جنگل ءُ کوہ ءَ زند گوازین ات ۔ اے جنگلی کسیپ انت اے گیشتر کوہ ءُ گٹاں دست کپیت ۔ اے گیشتر وھداں ھونڈاں انت ءُ باز کم وھداں ڈن ءَ درکیت ۔ چونایا اگاں ھور بہ بیت تو اے درگت ءَ تر و تیاب زیات کنت اے کم کم ءَ رودیت ءُ شست تاں ہشتاد سال زند گوازینت کنت ۔
|
|
128 viewsگُواڈگ
Gwadag
گواڈگ یک زردیں پُل ء کہ بلوچستان ء کوہ ء سلیماں ہند و دمگاں بہارگاہ ء درگت ء رودیت اے باز ڈولدار انت ۔
|
|
Chicken163 viewsکککوڈ
Kokkod
اے کککوڈے یک زات ءِ کہ ءِ باز مزن نہ بیت۔ کککوڑ بلوچستان ءِ کوھنیں لوگ ءِ دپ ءِ رامگیں مُرگ انت ۔ کہ اشیے ھیک ءَ ورانت، ءُ جندے گوشت ءَ ہم ورانت ۔
|
|
Cenchrus Ciliaris145 viewsسبر
Sibr
سبر ڈالیں کاہا ھساب کنگ بیت - پرچا کہ سبر مریت بلے آیے اُنڈال زیندگ بیت - اگاں ہر وھدا ہُور بہ بیت گُڈا دو یا سے روچے درگت ء سبر سبزاچک بیت - سبر ڈولداریں کاہے اُو ڈولداریں ہُوش ء پر کنت - اگاں پہ موسم ہور بُگوارنت گڈا سبر باز بُرز بیت - سبر دُراہیں کاہ واریں ساہ دارانِ دوستناکیں وراک انت
|
|
Baloch Classic Water storage273 viewsMashk
مشک
مشک بلوچانی کواھنیں آپانی درپ انت ۔ مرچی باندا مشک کم کارمرز بوّاگان انت ۔ بلے پدا ہم بلوچستاں انچیں ہند او دمگ است کہ تنیگا مشک پہ آپ ء واستا کارمرز کن انت ۔ مشک چہ سیاہ پس ے پوست ء جوڑ کن انت ۔ مشک ء آپ باز سرد بنت ۔
|
|
Sorghum165 viewsکڈب
Kadab
کڈاب ء باز دھل انت ، بزاں سُہرو ، زُرت ، مکئی ، باجری او دگہ بازینے ۔ بلے اے کڈب چو زرت ے وڈا انت . اشیے دان اسپیت انت ۔ اے ڈولداریں ہوش پر کنت کہ ہوشانی تہا دان مان انت ۔ وھدے زمانگ ءَ زرت نان جوڑ کتگ ءُ وارتگ انت، زرت نان گوں دوگیں شیر ءَ ءُ پتکگیں لُجّر ءَ باز تام دار انت ۔
|
|
Fighting Laughing dove144 viewsشاتُل جنگ ءَ انت
Shatol Jang a ant
قدرت ءِ کار انت کہ ہمگ ساہدار چہ وتی کُٹم ءِ توک ءَ یک چہ دومی ءَ وش نہ بیت ، انسان ءَ بگر چہ رستر ماھیگ دلوت یا کہ مُرگ وت ماں وت ءَ مڑ انت ءُ یک ءِ چہ دومی ءَ باج برگ ءِ جہد ءَ کنت ۔ اے اکس ءِ توک ءَ دو شاتُل وت ماں وت ءَ مڑگا انت ۔
|
|
|
Rufous Tailed. Scrub Robin6 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach35 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|