|
Volcano in Hingol 167 viewsلیچ ءُ مین
Lech o Mein
ادا زمین ءَ چہ لیچ ءُ میں بُلبلکی جنت ھروھدا لیچ ءُ مین زمیں ءِ چیر ءَ چہ درکاہنت ۔ بلے ھنچو مالوم بیت کہ ادا گیس است انت کہ کم کم ءَ درکاہنت ۔ اگاں لیچ ھمک وھدءَ دراتکیں تنیگہ ٹوہیں کوہ ءِ مک بوتگ ات ۔
|
|
HALOXYLON SALICORNICUM336 viewsTrat
ترات
ترات کسانیں درچکے کہ ہشکاوگیں ریکپادیں گریشگاں رودیت - ترات چو کلیرے وڑا تاک پر نکنت - بلکن لٹّوکیں شاھانی سربرا لٹّک جنان کنت روت - بلوچستان ء تراتے باز ذات است - بلے مے کرّا دروستاں ترات گوشنت - چوش کہ دگہ مُلکاں اشاں جتا جتاہیں نام دینت - بلوچستانے ترات ذردیں اسپیتیں سُہریں و گُلابییں پُل پر کن انت
|
|
Field bindweed (Convolvulus arvensis)225 viewsAahichk, Patahok, Lekirk
آہیچک، پتائوک ، لکرک
آہیچک کسانیں کاہے گیشتر ڈگارانی جُوہ او بنداں رودیت - اے مدام زمین ء سرا پراہ روت - بلے اگاں درچکے کش و گواراں برودیت گُڈا درچک ء سر کپیت - اسپیتیں او گُلابییں ڈولداریں پُلء جنت کہ ڈولدار بیت
بلے اے اسپیت پُل انت
|
|
Balochistan landscape100 viewsبلوچستان ءِ ندارگ
اے یک بلوچستان روچ زرد ءِ اکس انت ۔
|
|
127 viewsجُگر ءُ کلیر
اے دو جنگلی میوہ انت کہ بلوچستان ء گرمیں ھند ءُ دمگاں بنت ۔ ایشانی بر تام دار انت ۔ اے دویناں بلوچاں دو بتل ہم بستگ ۔
1 من جُگراں بار مُلاھاں ۔
2 لج نہ کنت کلیر ءَ کہ بے تاک ء بر کنت۔
|
|
245 viewsShillanch
شیلانچ
ھُشکیں شیلانچ چہ گیشیں یا سرتکگیں شیلانچ ءَ چہ جوڑ کن انت ۔ شیلانچاں پالا انت ، پدا کمّے واد مان کن انت۔ شرّ جن انت ءُ پدا گِلّڑ گلڑ کن انت ءُ روچ ءِ سرا تاپ کن انت۔ تنکہ ھُشک بہ بنت۔ ھُشکیا رند درپان کن انت ھاجت ءِ ردا کار مرز کن انت ۔ شیلانچاں گیشتر گونڈو ورانت۔ برے برے نان ھُشک بنت گڈا شیلانچاں چوپ انت ءُ آپ ءُ ساپیں روگن مان کن انت ءُ گوں نان ءَ پُنڈ انت ءِ۔
|
|
Nightjar 217 viewsپرّاموک
parramok
پرّاموک یک بالی مُرگ ءِ کہ گیشتر ماں شپاں گردیت ، اے چریت، میزوک ، کڑوک، ملاھوک پرّگ گپیت ءُ وارت۔ اے مُرگ ءِ بانزل دراج انت، بلے پادگ ءِ باز کسان انت، اے ھروھدا ءَ ڈن ءِ سرا ھیک دنت۔ چو پیشی ءِ وڑا وتی چوکاں چہ یک جاہ ءِ چہ دومی جاہ بارت کہ کسے آئیے چکاں تاوان مہ دانت ۔
|
|
Boat on way279 viewsیکدار رہادگ انت
Yaddar rahadag ant
یکدار یا یدّار اے کسانیں لانچ ءِ کہ دریائے نزیک گوراں شکار کن انت ، اے درو شُت نہ کن انت ، اے گیشتر لانچاں وت گون انت گون ، کہ وھدے زلورت ءَ ماھوراں گیش ءُ گیوار کن انت ۔ یکدار گیشتر کم توجیلیں مردم زور انت ءُ وتی کار ءُ بار کن انت ،زردار گیشتر لانچ گرانت کہ کار ءُ بار گیشتر بیت
|
|
|
Astola Beach32 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|