| Category |
Albums |
Files |
|
10 |
2,243 |
|
| 2,243 files in 10 albums and 1 categories with 909 comments viewed 437,026 times |
|
|
Parkinsonia aculeata170 viewsولائتی کیکر
Walayati Kikar
اے درچک چونایا بلوچستان ءِ درچک نہ انت بلے مرچاں بلوچستان ءَ ہم دانگ دانگ ءِ دست کپیت ، اشیارا ولائتی کیکر ءِ نام گرانت ، اے درچک تاک بارگ بارگ انت ءُ مدامی تاک ریچ انت ، اے زردیں پُل پر کنت کہ باز ڈولدار انت ۔ ءِ چو کہور ءِ وڑا شنگر پر کنت ۔ اے درچک بُن اسل ءَ اسٹرالیا انت۔ اے درچک ءِ جاگہ وش بہ بیت تاں دہ میٹر بُرز بوت کنت ۔
|
|
Alfalfa, Medicago sativaa265 viewsEspost
اسپُست
اسپست یک کاہے کہ اشیا کش انت - اشیا رُون انت و دلوتاں دیینت ء باز جوانیں کاہے گرماگ ء ماہ ء دو رندا رون دنت بلے زمستان ء سے ہپتگے سرا یک رندے رون دنت - بلوچستان ء اسپست نیادی بہر نہ بیت اسپستے لوٹ سک باز انت
ادا دو جوان اسپست بہا کنگے واستہ رونگا انت
|
|
Greater Hoopoe-Lark141 viewsجَنِک ریپ
jenik rip
جَنِک ریپ جَڈول ءِ نسلاں چہ یک نسل انت کہ دگہ جڈولاں چہ مستر ءُ سُنٹ (چُمب) دراج انت۔ اے اکس من نوشکی ءَ کشتگ ابید چہ نوشکی ءَ خاران ءَ ھم من اے مُرگ کشگ اے مُرگ ھندی جہمنندیں مُرگے اے بلوچستان شمال ءِ بگر داں خیرپُور ءِ ریک ءَ کشگ بیتگ الم ھمے مُرگ راجستان یا گجرات ءَ ھم بیت، اے بلوچ دمگاں کُل سال گندگ بیت ءُ ھمے ھنداں رین کنت۔
من وہدے نوشکی ءَ مَردم جُست کُرتاں کہ جَنِک ریپ پَرچا گڑا یک کسہ ءِ اتک کہ کسانیں گونڈو ایں جِنِک اشی دمگ ءَ کپتگ ءُ گسر بیتگ ریک پاد ءَ تُنیگ بیتگ بیران بیتگ۔ اشی اگاں نزیک ءَ کسے روت گڑا اے کسانیں بال کنت ءُ دیمتر نندیت ھمے وڑا کم کمے دیر بیان بیت پمشکہ جَنِک ریپ نام کَپتگ
منت سلمان بلوچ
|
|
Gecko125 viewsKittar
کِٹار کسانیں ساہدارے کہ گیشتر ماں لوگانی دیوالاں وتی لوگ زانت۔ بلے کوہاں ہم است انت کہ کوہانی دیم ءُ کنڈورانی چیرا زندگی ءَ گوازین ات ۔ اے بالو کٹگ کاسلو کرم ہمے وڑیں لولوک وارت۔
|
|
Sweet - clover seedpots146 viewsشمش بر انت یا دانگ انت
Shimsh
بہار ے درگتا کشت و کشارانی توک ءَ رودیت - ورگ ءِ باز وش انت اشیے وتی تام ءِ استیں - مرچاں تربت ءَ سبری ءِ نیادی ءَ بہا ہم دست کپیت ۔ وھدے زمانگاں جنیناں ٹولی کتگ ءُ شمش ءِ چنگ ءَ شہر ءَ شتگ انت ۔
|
|
Strawberry172 viewsاسٹرا بیری
Strawberry
اسٹرا بیری اٹلی ءِ جنگلی میوہ ات ۔ اشیے اولی باگ فرانس ءَ 18 ہمی قرن ءَ جوڑ کتگ۔ بلے چریشیا پیش 14 ہمی قرن ءَ فرانس ءِ بادشاہ چارلس پنچمی ءَ اولی رند ءَ اسٹرا بیری وتی محل ءِ باگ کشتگ ۔ مرچاں ہمک جاہاں اشیارا کش انت بلے انگتہ بلوچستان ءَ اے کشگ نہ بوّگ انت ۔ اسٹرا بیری کسانیں کاہ ءِ کہ ڈولداریں اسپیتیں پُل ءِ پر کنت ءُ ہمے وڑا سُہریں بر پر کنت ۔ اشیے بر باز تام دار انت ۔
|
|
Nettle leaved groosefoot. Chenopodium murale303 viewsZahrin Kalpir
زھریں کلپر
اے بہر کاہے اگان بہارے درگتا ہور ما بیت گڈا آبادیں ڈگارانی توکا ہم رویت اشیارا گیشتر کاہُک جوڈ کن انت باز تامدار بیت - بلے دلوتانی کاہے کارا ہم کئیت - ۔
|
|
Squid182 viewsمَس ماھیگ
Mass mahig
مس چونایا دریائی لولوک ءِ اے کسانیں ماھیگاں وتی پانچُلانی سرا گیپت ءُ پدا نک جنت۔ اے گیشتر گرماگ ءَ آپ ءِ تہا دور روت بلے زمستان ءَ تلگی ءَ کیت ۔ اگاں ماھیگ ءِ اشیا گرگ ءِ جہد ءَ بکنت ، گڈا اے چہ دپ ءَ مس بزاں سیاھی گل گل کنت ، چریشیا چے آ جاہ تہار ءُ لورد بیت۔ شکار کنوکیں ماھیگ نہ گند ات ءُ آ لوردی ءَ چہ تچیت ۔
|
|
|
|
Centipede0 views
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔Dec 25, 2024
|
|
Cordia subcordata64 viewsCordia
کورڑیا
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ Dec 16, 2024
|
|
Tadpole shrimp58 viewsTokko o Zarak
اشیا تُکو ءُ زراک گوش انت اے وھدے کہ ہور بیت کنڈ آپ ءَ پُر بنت اے ہمے کنڈے آپانی تہا پیداک بنت بلے اے دگہ ملکاں برنجانی آپانی تہا پیداک بنت ۔ او ڈنی ملکاں اشاں دکاناں بہا زور انت ءُ وی پیشی ءُ مُرگاں وارین ان ت۔ اشیا آپی مدگ ہم گوش ان ت۔ بلے اے سوریں آپ ءَ پیداک نہ بیت اے وشیں ہورانی آپان پیداک بیت ۔
Dec 06, 2024
|
|
Unknown bush67 viewsNam che ant
اشیے نام چے انت
باز ڈولداریں بوٹگے بلے اشیے نام اگاں کسے زانت آ کومنٹ بکنت منت وار بیں ۔Nov 26, 2024
|
|
Tecoma 49 viewsٹکوما
اے یک زردیں ڈولداریں پُل ات Nov 14, 2024
|
|
Purslane93 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama127 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis66 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
